ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵄⵓⵎⴰⵏ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 3 ⵎⴰⵕⵚ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴷ ⵎⴰⵙⵙ ⵅⴰⵍⵉⴷ ⴱⵏ ⵀⵉⵍⴰⵍ ⴱⵏ ⵏⴰⵚⵉⵕ ⵍⵎⵉⵄⴰⵍⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵄⵓⵎⴰⵏ, ⵉⵍⵍⴰ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⴳ ⵓⵏⵎⵓⵇⵇⴰⵔ ⴰⴷ, ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⵜⵉⵣⴷⴰⵢⵉⵏ ⵏ ⵜⴳⵯⵎⴰⵜ ⴷ ⵜⴷⴷⵓⴽⵍⴰ ⴷ ⵓⵙⵓⵜⴳ ⵉⵙⵎⵓⵏ ⵊⴰⵔ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵙ ⵉⵡⵉⵣ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ. ⵉⵙⴷⴷⵉⴷ ⵎⴰⵙⵙ ⵅⴰⵍⵉⴷ ⴱⵏ ⵀⵉⵍⴰⵍ ⴱⵏ ⵏⴰⵚⵉⵕ ⵍⵎⵉⵄⵡⴰⵍⵉ ⴼ ⵜⴷⵓⵙⵉ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵖⵎⴽ ⴰⵏⵏ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵓⵎⵏⵉⴷ ⵏ ⵓⵙⵎⵓⵜⵜⴳ ⵏ ⵉⵏⴱⴹⴰ ⵍⵍⵉ ⵖⵔⴰⵏ ⵉⵏⵙⵙⵉⵅⴼⵏ ⵏ ⵜⵙⵏⴱⴹⴰⵢⵉⵏ ⴳ ⵄⵓⵎⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵉⵙⵓⵜⴳ ⵎⴰⵙⵙ ⵅⴰⵍⵉⴷ ⴱⵏ ⵏⴰⵚⵉⵕ ⵍⵎⵉⵄⵡⴰⵍⵉ ⵜⵉⵎⵙⴽⵔⵜ ⵜⴰⴷⵉⵎⵓⵇⵕⴰⵟⵉⵜ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵎⵏⴰⴹ ⵉⵥⵉⵍⵏ ⴳ ⵣⵔⵉⵏ ⵉⵙⵜⴰⵢⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵉⵍⵍⴰ ⵓⵔⴳⴳⵉⴳ ⴷ ⵓⵡⵇⵇⵔ ⵏ ⵜⵉⵔⴰⵜ ⵏ ⵉⵎⵙⵜⴰⵢⵏ.
ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵓⵙⵇⵇⵇⵉⵎ ⵏ ⵉⵎⵓⵔⴰ ⵙ ⵓⵔⵣⴰⴼ ⵏ ⵓⴽⴰⴱⴰⵕ ⵏ ⵄⵓⵎⴰⵏ, ⵉⵙⵎⵏⵉⴷ ⵉⵎⵓⴽⵏⵏ ⵅⴰⵜⵔⵏⵉⵏ ⵍⵍⴰⵏⵉⵏ ⴳ ⵜⴳⵎⴷⵉⵜ ⵜⴰⵎⵖⵔⵉⴱⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⴰⵡⵍ ⴼ ⵜⵉⵔⵎⵉ ⵏ ⵜⴳⵔⴰⵡⵜ ⵏ ⵢⵉⵙⴽⵉⵍ ⴷ ⵓⵎⵙⵓⵔⵓⴼ ⴷ ⵓⵚⴽⵓ ⵏ ⵓⵡⴰⵏⴽ ⴰⴷⵉⵎⵓⵇⵔⴰⵟⵉ ⵉⴱⴷⴷⵏ ⴼ ⵜⵎⵔⵙⴰⵍ ⴷ ⵜⴷⵔⴼⴰⵢ ⴷ ⵓⵙⵍⴳⵏ ⴷ ⵜⴳⵎⵉ ⴷ ⵡⴰⴷⴷⵓⵔ ⵏ ⵓⵏⵎⵓⵔⵉ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⴰⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵉⴱⵔⵉⴷⵏ ⵏ ⵓⵙⴷⵓⵙ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ.