ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵛⵛⵓⵕⴰ ⴳ ⵇⴰⵟⴰⵕ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 3 ⵎⴰⵕⵚ 2022 ⴳ ⵕⵕⴱⴰⵟ, ⴷ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵇⴰⵟⴰⵕ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⴼⴰⵀⴷ ⴱⵏ ⵎⵓⵃⴰⵎⵎⴰⴷ ⵍⵎⵓⵙⵍⵉⵎ.
ⵙⴰⵡⵍⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵇⴰⵟⴰⵕ ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⵓⵜⴳ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ ⵏ ⵜⵎⵉⵣⴰⵔ ⴷ ⵉⵡⴷⴰⵏ ⴰⵢⵜⵎⴰⵜⵏ.
ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵣⴷⴰⵢⵉⵏ ⵏ ⵜⴳⵯⵎⴰⵜⵜ ⵣⴷⵉⵏⵉⵏ ⵊⴰⵔ ⵉⵅⴰⵜⴰⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ , ⴷ ⵓⵥⴰⵥⵓ ⵏⵏⵙⵏ ⵉⵙⵓⵍⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴳⵎⴰⵜ ⴷ ⵓⵎⵢⴰⵡⴰⵙ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵇⴰⵟⴰⵕ.
ⵉⵙⵓⵜⴳ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⴼⴰⵀⴷ ⴱⵏ ⵎⵓⵃⴰⵎⵎⴰⴷ ⵍⵎⵓⵙⵍⵉⵎ ⵙ ⵉⵙⵎ ⵏ ⵓⴽⴰⴱⴰⵕ ⵏ ⵇⴰⵟⴰⵕ ⵜⵉⴷⴷⵓⴽⵍⴰ ⴷ ⵓⵎⵢⴰⵡⴰⵙ ⵊⴰⵔ ⵇⴰⵟⴰⵕ ⴷ ⵍⵎⵖⵔⵉⴱ, ⵉⵖⵔ ⵉ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ, ⵉⵙⵎⴰⵢⵏⵓ ⵓⵍⴰ ⴰⵙⵏⴰⵍ ⵏ ⵇⴰⵟⴰⵕ ⵏ ⵡⴰⴷⴷⴰⴷⵏ ⵉⵎⵖⵔⵉⴱⵉⵢⵏ ⴷ ⵡⴰⵄⵕⴰⴱⵏ.
ⵉⴷⵔⵓ ⵓⴽⴰⴱⴰⵕ ⵏ ⵇⴰⵟⴰⵕ ⴳ ⵓⴳⵔⴰⵡ ⵡⵉⵙ 11 ⵏ ⵜⵣⵍⵖⴰ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵉⵜⵜⵓⵙⴽⴰⵔⵏ ⵙ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙⴳ 3 ⴰⵔ 5 ⵎⴰⵕⵚ .