ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵍⵉⵎⴰⵕⴰⵜ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 3 ⵎⴰⵕⵚ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ ⵎⴰⵙⵙ ⵚⴰⵇⵕ ⵖⴱⴰⵛ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵍⵉⵎⴰⵕⴰⵜ ⴷ ⵓⴽⴰⴱⴰⵕ ⵏⵏⵙ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⴳ ⵜⵣⵡⵉⵔⵉ, ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⵙ ⵚⴰⵇⵕ ⵖⴱⴰⵛ ⴷ ⵓⴽⴰⴱⴰⵕ ⵏⵏⵙ, ⵉⵙⴰⵡⵍ ⴼ ⵓⵙⵓⵜⴳ ⵏ ⵓⵔⵣⴼ ⴰⴷ ⵓⴳⴰⵏ ⴰⵙⴷⵓⵙ ⵏ ⵜⵣⴷⴰⵢⵉⵏ ⴽⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⴰⵄⵕⴰⴱⵜ . ⵉⵙⵙⴽⵯⵜⵉ ⴷ ⵜⵉⵣⴷⴰⵢⵉⵏ ⵏ ⵓⵎⵣⵔⵓⵢ ⴷ ⵜⴷⵍⵙⴰ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵜⵣⴷⴰⵢⵉⵏ ⵏ ⵜⴰⴳⵯⵎⴰⵜ ⵊⴰⵔ ⵉⵅⴰⵜⴰⵔⵏ ⵏⵏⵙⵏⵜ. ⵉⵙⴷⴷⵉⴷ ⴼ ⵡⴰⴷⴷⴰⴷⵏ ⵏ ⵕⵕⴱⴰⵟ ⴳ ⵓⵙⵏⴰⵍ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⴷ ⵉⵥⵎⵓⵥⵥⴰⵍ ⵏⵏⵙ ⵉ ⵓⵎⵣⴰⵖ ⵏ ⵉⴽⴰⵍⵉⵡⵏ ⵏⵏⵙ ⴷ ⵉⵏⵎⵓⵔⴰⵏ ⵏⵏⵙ.
ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⴰⵡⴰⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵢⵢⴰⴼⵓⵜ ⴷ ⵓⵎⵓⵙⵙⵓ ⵏ ⵓⵙⵇⵇⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵟⵟⴰⵡⴼⵏ ⴰⵙⵡⵉⵔ ⵉⵥⵉⵍⵏ ⴷⴰⵔ ⴽⵉⴳⴰⵏ ⵏ ⵜⵎⴰⴷⴷⴰⵙⵉⵏ ⵉⴳ ⴰⵏⴰⵡ ⴰⵎⵔⵙⵍⴰⵏ, ⵉⵙⴷⴷⵉⴷ ⵎⴰⵙ ⵍⵍⴰⵏⵜ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ ⵏ ⵍⵎⵖⵔⵉⴱ ⴷ ⵉⵏⴳⴳⵯⴰ ⵏⵏⵙⵏ ⴳ ⵍⵉⵎⴰⵕⴰⵜ, ⴷ ⵢⵓⵊⴰⴷ ⵉ ⵓⴷⵔⴰⵡ ⵏ ⵜⵉⵔⵎⵉⵜ ⴷ ⵓⵏⵏⵓⵕⵥⵎ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵓⵔ ⵎⴰⵙⵙ ⵚⴰⵇⵕ ⵖⴱⴰⵛ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵍⵉⵎⴰⵕⴰⵜ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴼ ⵓⵙⵏⵓⴱⴳ, ⵉⵙⴰⵡⵍ ⴼ ⵓⴷⵔⴰⵡ ⵏⵏⵙ ⴳ ⵓⴳⵔⴰⵡ ⵡⵉⵙ 11 ⵏ ⵜⵣⵍⵖⴰ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴷ ⵓⵏⵎⵓⵇⵇⴰⵔ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴷ ⵉⵙⵇⵇⵉⵎⵏ ⵉⵎⵛⵛⵉⵡⴰⵕ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵕⴰⵢⵉⴱ, ⵉⵜⵜⵓⵙⴽⴰⵔⵏ ⴷⴷⵓ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴷⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉⵍⵍⴰⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ 3 ⴷ 5 ⵎⴰⵕⵚ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵍⵉⵎⴰⵕⴰⵜ.
ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴷ ⵓⴽⴰⴱⴰⵕ ⵏⵏⵙ ⵉ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉ ⵍⵍⴰⵏⵉⵏ ⵙ ⵓⴷⵔⴰⵡ ⵏ ⵜⴰⵏⵏⴰⵢⵢⵉⵏ ⴷ ⵜⵏⵓⴼⴰ ⵛⵛⴰⵔⵏⵉⵏ ⴳ ⴽⵓ ⵉⴽⴰⴱⴰⵕⵏ , ⵢⵉⵏⵉ ⵎⴰⵙ ⵜ ⵜⴻⵙⵙⵓⵙⵎ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵜⵎⵙⴽⴰⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⴽⵓ ⵉⴳⵔⴰⵏ.
ⵉⴳⴰ ⵓⵏⵎⵓⵇⵇⴰⵔ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵚⴰⵇⵕ ⵖⴱⴰⵛ ⴷ ⵓⴽⴰⴱⴰⵕ ⵏⵏⵙ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⴽⵉⴳⴰⵏ ⵏ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.