ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⴳⴷⵓⴷⴰⵏⵜ ⵏ ⵎⵉⵚⵕ ⵜⴰⵄⵕⴰⴱⵜ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 2 ⵎⴰⵕⵚ 2022, ⵎⴰⵙⵙ ⵄⴰⴱⴷⵍⵡⴰⵀⵀⴰⴱ ⵄⴰⴱⴷ ⵕⵕⴰⵥⵥⴰⵇ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⴳ ⵜⵣⵡⵉⵔⵉ, ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⵙ ⵄⴰⴱⴷⵍⵡⴰⵀⵀⴰⴱ ⵄⴰⴱⴷⵕⵕⴰⵥⵥⴰⵇ, ⵉⵙⵓⵜⴳ ⴰⵔⵣⴰⴼ ⴰⴷ ⵉⴽⵛⵎⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵎⵉⵚⵕ ⵜⴰⵄⵕⴰⴱⵜ, ⵉⵙⴰⵡⵍ ⴼ ⵜⵣⴷⴰⵢⵉⵏ ⴷ ⵓⵣⴷⴷⵓⵢ ⴰⴱⵕⵍⴰⵎⴰⵏⵉ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵔⵙⴰⵍ.
ⵉⵙⵓⵜⴳ ⵓⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⵉⵚⵕ, ⵢⵉⵏⵉ ⵎⴰⵙ ⵉⵙⵓⵎⵔ ⴰⴷ ⵢⵉⵍⵉ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⴷⵓⴷⴰⵏⵜ ⵏ ⵎⵉⵚⵕ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵍⵍⵉ ⵔⴰⴷ ⵉⵙⵙⵉⵅⴼ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⴳ ⵓⵎⴹⴽⴰⵕ, ⵉⵙⴰⵡⴰⵍ ⵎⴰⵙⵙ ⵕⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵉⵎⵉⵥⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴰⵎⵔⴰⵡⵜ ⵉⴳⴳⵓⵔⴰⵏ, ⵉⵟⵟⴼ ⴰⴷⵖⴰⵔ ⵉⵥⵉⵍⵏ ⴷⴰⵔ ⵜⴳⵔⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵉⵙⵓⵜⴳ ⵓⵍⴰ ⵜⵉⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⴷⴷⵉⴷ ⴼ ⵓⵎⵣⵔⵓⵢ ⵉⵛⵛⴰⵔⵏ ⵊⴰⵔ ⵕⵕⴱⴰⵟ ⴷ ⵍⵇⴰⵀⵉⵕⴰ, ⴷ ⵜⵉⵔⵎⵉⵜⵉⵏ ⴷ ⵉⵇⵇⴰⵏ ⵓⴷⵔⴰⵡ, ⵢⵉⵏⵉ ⵎⴰⵙ ⵉⵏⵏⵓⵕⵥⵎ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵙⵏⵜⴰⵢⵉⵏ ⵏ ⵓⵙⵏⴰⵍ ⵏ ⵜⵣⴷⴰⵢⵉⵏ ⵏⵏⵙ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵎⵙⴰⵔⵉⵏ ⵜⵉⵎⵣⵡⵓⵔⴰ ⴳ ⵓⵖⴰⵡⴰⵙ ⴰⴱⵕⵍⴰⵎⴰⵏⵉ.
ⵉⵙⵏⵉⵎⵎⵔ ⵎⴰⵙⵙ ⵄⴰⴱⴷⵍⵡⴰⵀⵀⴰⴱ ⵄⴰⴱⴷⵕⵕⴰⵥⵥⴰⵇ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⴳⴷⵓⴷⴰⵏⵜ ⵏ ⵎⵉⵚⵕ ⵜⴰⵄⵕⴰⴱⵜ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⴱⵉⵜ ⴼ ⵓⵙⵏⵓⴱⴳ, ⵉⵙⴰⵡⴰⵍ ⴼ ⵜⴷⵔⴰⵡⵜ ⵏⵏⵙ ⵏ ⵓⴳⵔⴰⵡ ⵡⵉⵙ 11 ⵏ ⵜⵣⵍⵖⴰ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴷ ⵓⴳⵔⴰⵡ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴷ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵕⴰⵢⵉⴱ, ⵉⵜⵜⵓⵙⴽⴰⵔⵏ ⴷⴷⵓ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵔⴰⴷ ⵢⵉⵍⵉ ⴳ 3 ⴰⵔ 5 ⵎⴰⵕⵚ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵜⴳ ⵜⴰⴼⵔⴽⴰ ⵜⴰⵎⴰⵢⵏⵓⵜ ⴳ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ.
ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⵎⵉⵚⵕⵉ ⵎⴰⵙ ⵉⵙⵜⴰⵡⵀⵎⵎⴰ ⵓⵣⴷⴷⵓⵢ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⴷⵔⴰⵡ ⵏ ⵡⴰⴷⴷⴰⴷⵏ ⴼ ⵜⵎⵙⴰⵔⵉⵏ ⴼ ⵛⵛⴰⵔⵏⵉⵏ, ⵉⵙⴷⴷⵉⴷ ⴼ ⵜⵖⵔⵎⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵎⵉⵚⵕ ⵜⴰⵄⵕⴰⴱⵜ.
ⵉⵏⵏⴰ ⵎⴰⵙⵙ ⵄⴰⴱⴷⵍⵡⴰⵀⵀⴰⴱ ⵄⴰⴱⴷⵕⵕⴰⵥⵥⴰⵇ ⵉ ⵜⵏⵖⵎⴰⵙⵜ ⵎⴰⵙ ⵉⵍⵍⴰ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵏ ⵜⵉⵍⵉ ⵜⵉⵔⴰⵜ ⵉ ⵜⵡⵡⵓⵔⵉ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵔⴰⴷ ⵉⵍⵉⵏ ⵉⵏⵎⵓⵇⵇⴰⵔⵏ ⴳ ⵉⵎⴰⵍ ⴰⴷ ⵜⵜⵓⵙⴽⵉⵔⵏ ⵉⵡⵜⵜⴰⵙⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵎⵉⵚⵕ ⵟⴰⵄⵕⴰⴱⵜ.
ⵙⴰⵡⵍⵏ ⵉⵎⴹⴰⴽⴰⵕⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵄⴰⴱⴷⵍⵡⴰⵀⵀⴰⴱ ⵄⴰⴱⴷⵕⵕⴰⵥⵥⴰⵇ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.