ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵢⵉⵏ ⵜⵉⵎⴰⵜⴰⵢⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵉⴱⵢⴰ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵢⵏⴰⵙ 28 ⴱⵕⴰⵢⵕ 2022, ⵎⴰⵙⵙ ⵄⵓⵎⴰⵕ ⵃⴰⵎⴷ ⵄⴰⵟⵉⵢⵢⴰ ⴰⵍⵍⴰⵀ ⵃⵉⵊⴰⵣⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵢⵉⵏ ⵜⵉⵎⴰⵜⴰⵢⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵉⴱⵢⴰ, ⵍⵍⵉ ⴷ ⵉⵔⵣⴼⵏ ⵙ ⵜⵎⴰⵣⵉⵔⵜ ⵏⵏⵖ.
ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵍⵍⴰ ⵍⵎⵖⵔⵉⴱ ⴷ ⵜⵏⴼⵔⵓⵜ ⴷ ⵜⵢⴰⵏⵜ ⴷ ⵓⵔⴳⴳⵉⴳ ⵏ ⵍⵉⴱⵢⴰ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵜⴹⴼⵕ ⵜⴳⵍⴷⵉⵜ ⵓⵍⴰ ⵜⵓⴳⴳⴰⵙ ⵏ ⵓⵎⵙⵓⵔⵓⴼ ⴳ ⵍⵉⴱⵢⴰ, ⵜⵓⵊⵉⴷ ⵉ ⵓⴷⵔⴰⵡ ⵏ ⵜⵉⵔⵎⵉⵜ ⵏⵏⵙ.
ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵓⵜⴳ ⵏⵏⵙ ⵉ ⵉⴱⵕⵍⴰⵎⴰⵏⵉⵢⵏ ⵏ ⵍⵉⴱⵢⴰ, ⴷ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵣⴷⴷⵓⵢ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ. ⵉⵙⵎⵏⵉⴷ ⵜⵉⵔⵎⵉⵜ ⵜⴰⵣⵔⴼⴰⵏⵜ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵖ ⵉⵍⵍⴰ ⵓⵎⵙⵓⵔⵓⴼ ⴷ ⵓⵙⴷⵙⵜⵔ ⵏ ⵉⵙⵖⵍⴰⴼ ⵏ ⵜⴳⵔⴰⵡⵜ ⵏ ⵢⵉⵙⴽⵉⵍ ⴷ ⵓⵎⵙⵓⵔⵓⴼ ⴼ ⵡⴰⵜⵉⴳⵏ ⵉⵎⴰⴹⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⴽⵔ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵉⵎⵔⵙⵍⵜ ⵜⴰⴷⵙⵜⴰⵔⵜ ⵜⴰⵏⵙⵉⵎⴰⵏⵜ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⵄⵓⵎⴰⵕ ⵃⴰⵎⴷ ⵄⴰⵟⵉⵢⵢⴰ ⴰⵍⵍⴰⵀ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵢⵉⵏ ⵜⵉⵎⴰⵜⴰⵢⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵉⴱⵢⴰ, ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ, ⵢⵉⵏⵉ ⵎⴰⵙ ⵔⴰⵏ ⴰⵚⴽⵓ ⵉⴷⵓⵙⵏ , ⵉⴳ ⵍⵎⵖⵔⵉⴱ ⴰⵏⴰⵡ ⴳ ⵓⵎⵏⵉⴷ ⴰⴷ, ⵉⵙⵓⵜⴳ ⴰⴷⴷⴰⴷ ⵏ ⵍⵎⵖⵔⵉⴱ ⴳ ⵜⵎⵙⴰⵔⵜ ⵏ ⵍⵉⴱⵢⴰ.
ⵉⵙⵎⵏⵉⴷ ⵎⴰⵙⵙ ⵄⵓⵎⴰⵕ ⵃⴰⵎⴷ ⵄⴰⵟⵉⵢⵢⴰ ⴰⵍⵍⴰⵀ ⴰⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵢⵉⵏ ⵜⵉⵎⴰⵜⴰⵢⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵉⴱⵢⴰ, ⵔⴰⴷ ⵉⵙⴽⵔ ⵜⴰⴷⵔⴰⵡⵜ ⵉⴷⵓⵙⵏ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⵉⵍⵍⴰ ⴳ ⵓⵏⵎⵓⵇⵇⴰⵔ ⴰⴷ, ⴰⵔⵣⵣⵓ ⵏ ⵜⴱⵔⵉⴷⵉⵏ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵟⵟⴰⴼ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵜⵉⵥⵍⴰⵢⵉⵏ ⴷ ⵜⵉⵢⵢⴰⴼⵓⵜ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵜⴷⵔⴼⵉⵢⵉⵏ.