ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵍⵉⵎⴰⵕⴰⵜ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 22 ⴱⵕⴰⵢⵕ 2022 ⵎⴰⵙⵙ ⵍⵄⴰⵚⵕⵉ ⵙⴰⵄⵉⴷ ⴰⵃⵎⴰⴷ ⴹⴰⵀⵉⵕⵉ ⴰⵎⵙⵇⵇⴰⴷ ⵏ ⵍⵉⵎⴰⵕⴰⵜ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⵙⵔⵖⴷ ⵎⴰⵙⵙ ⴰⵎⵙⵇⵇⴰⴷ ⵎⴰⵙⵙ ⴰⵏⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ ⴷⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⵉⵙⵓⵜⴳ ⵜⵉⵣⴷⴰⵢⵉⵏ ⵏ ⵜⴳⵯⵎⴰⵜ ⵉⵍⵍⴰⵏ ⵊⴰⵔ ⵉⵅⴰⵜⴰⵔⵏ ⵏ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵏⵏⵙⵏⵜ, ⵉⵙⵏⵉⵎⵎⵓⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵙⵏⴰⵍ ⵏⵏⵙ ⵉ ⵍⵉⵎⴰⵕⴰⵜ ⴷ ⵡⴰⴷⴷⴰⴷⵏ ⵏⵏⵙ.
ⵉⵙⴱⵔⵔⴽ ⵓⵎⵙⵇⵇⴰⴷ ⵜⵉⵙⵏⵜⴰⵢⵉⵏ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵏⵉⵔⴰⵏⵉⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ. ⵢⵉⵏⵉ ⵎⴰⵙ ⵟⵟⴰⴼⵏⵜ ⵜⵣⴷⴰⵢⵉⵏ ⴰⴷ ⴰⵎⵣⵔⵓⵢ ⵉⴷⵔⴰⵏ, ⵜⵉⵔⵉ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏⵏⵙⵏⵜ ⴳ ⵉⵏⵎⵓⵇⵇⴰⵔⵏ ⴷ ⵉⵔⵣⴰⴼⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⴷ ⵜⴷⵍⵙⴰⵏⵉⵏ ⵍⵍⴰⵏⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵍⵉⵎⴰⵕⴰⵜ, ⴷ ⵜⵣⴷⴰⵢⵉⵏ ⵏ ⵜⴳⵯⵎⴰⵜ ⵊⴰⵔ ⵉⵅⴰⵜⴰⵔⵏ ⵏⵏⵙⵏⵜ, ⵉⵙⴷⴷⵉⴷ ⴼ ⵡⴰⴷⴷⴰⴷⵏ ⵏ ⵕⵕⴱⴰⵟ ⴳ ⵓⵙⵏⴰⵍ ⵏ ⵍⵉⵎⴰⵕⴰⵜ ⴳ ⵓⵎⵣⴰⵖ ⵏ ⵉⴽⴰⵍⵉⵡⵏ ⵏⵏⵙ ⴷ ⵉⵏⵎⵓⵔⴰⵏ ⵏⵏⵙ.
ⵉⵙⵙⴽⵯⵜⵉ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵡⵉⵔ ⵉⵍⵍⴰⵏ ⴷⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷⴰⵔ ⴽⵉⴳⴰⵏ ⵏ ⵜⵎⴰⴷⴷⴰⵙⵉⵏ, ⵉⴳ ⵢⴰⵏ ⵡⴰⵏⴰⵡ ⴰⵎⵔⵙⵍⴰⵏ, ⵢⵉⵏⵉ ⵎⴰⵙ ⵍⵍⴰⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵓⵏⴳⴳⵯⵓ ⵏⵏⵙ ⴳ ⵍⵉⵎⴰⵕⴰⵜ, ⵢⵓⵊⴰⴷ ⵓⵍⴰ ⵉ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ.
ⵉⴳⴰ ⵓⵙⵏⵓⴱⴳ ⴰⴷ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵓⵎⵙⵇⵇⴰⴷ ⵏ ⵍⵉⵎⴰⵕⴰⵜ ⵜⴰⵎⵍⴷⴰ ⵏ ⵓⵔⵣⵣⵓ ⴷ ⵓⵙⵏⴼⵍ ⵏ ⵜⵉⵔⵎⵉⵜⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.