ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⴱⵕⵉⵟⴰⵏⵢⴰ ⴳ ⵕⵕⴱⴰⵟ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 22 ⴱⵕⴰⵢⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵎⴰⵙⵙ ⵙⴰⵢⵎⵓⵏ ⵎⴰⵔⵜⴰⵏ ⴰⵎⵙⵇⵇⴰⴷ ⵏ ⴱⵕⵉⵟⴰⵏⵢⴰ ⴳ ⵕⵕⴱⴰⵟ.
ⴳ ⵜⵣⵡⵉⵔⵉ, ⵉⵙⵙⵔⵖⴷ ⵎⴰⵙⵙ ⴰⵎⵙⵇⵇⴰⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⵜⴳ ⵜⵉⵣⴷⴰⵢⵉⵏ ⵊⴰⵔ ⴱⵕⵉⵜⴰⵏⵢⴰ ⴷ ⵍⵎⵖⵔⵉⴱ ⴳ ⵉⵍⵍⴰ ⵓⵎⵢⴰⵡⴰⵙ ⴳ ⴽⵉⴳⴰⵏ ⵏ ⵉⴳⵔⴰⵏ ⵙ ⵉⵅⵎⵎⵉⵎⵏ ⴷ ⵡⴰⵜⵉⴳⵏ ⵣⴷⵉⵏⵉⵏ ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⵎⵉⵣⴰⵔ.
ⵉⵙⵓⵜⴳ ⵎⴰⵙⵙ ⵙⴰⵢⵎⵓⵏ ⵎⴰⵔⵜⴰⵏ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⴷ ⵜⴷⵔⴰⵡⵜ ⵉⵥⵉⵍⵏ ⵉⵙⵎⵓⵏⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ, ⵢⵉⵏⵉ ⵎⴰⵙ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵕⵉⵟⴰⵏⵢⴰ ⵜⴰⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵔⴰⴷ ⵜⴰⵡⵙ ⴳ ⵓⵙⴷⵓⵙ ⵏ ⵓⵎⵢⴰⴷⴰⵙ ⵊⴰⵔ ⵏⵏⵙⵏⵜ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⴷ ⵜⵎⴷⵔⴰⵡⵜ ⴰⴽⴷ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ, ⵉⴱⴷⴷ ⴼ ⵡⴰⵜⵉⴳ ⵏ ⵓⵙⵏⴼⵍ ⵏ ⵜⵉⵔⵎⵉⵜⵏ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⴷ ⵜⵉⵔⴰⵜ ⵉⴷⵓⵙⵏ ⴰⴷ ⵜⵉⵍⵉ ⵜⵡⵡⵓⵔⵉ ⵏ ⵜⵔⵓⴱⴱⴰ ⵏ ⵜⵉⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⴼ ⵉⵎⵔⵙⵡⵉⵏ ⴰⵎ ⵜⴰⵏⴼⵔⵓⵜ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⵖⵏⵣⵉ ⴷ ⵓⵣⵡⴰⴳ ⴷ ⵓⵏⵣⵡⵉ...
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵏ ⵓⴼⵔⴰ ⴷ ⵓⵔⴳⴳⵉⴳ, ⵢⵉⵏⵉ ⵎⴰⵙ ⵜⵉⵡⵙ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵜⴷⵉⵎⵓⵇⵔⴰⵟⵉⵜ ⴷ ⵜⵎⵢⵉⴷⵉⵔⵜ ⴷ ⵓⵎⵙⴰⵡⴰⵍ. ⵉⴼⴽ ⵉⵙⵉⵙⴼⵉⵡⵏ ⴼ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ ⴷ ⵜⵙⵏⵜⴰⵢⵉⵏ ⵏ ⵓⵕⵥⵥⵓⵎ ⴼ ⵉⵄⵔⵔⵉⵎⵏ ⴷ ⵜⵎⵖⴰⵔⵜ ⴷ ⵡⴰⵎⵓⵏ ⴰⴽⴽⵯ.
ⵀ ⵓⵏⵎⵓⵇⵇⵔ ⴰⴷ, ⵉⴼⴽⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⵖⵔⵉ ⵉ ⵓⵏⵙⵙⵉⵅⴼ ⵏ ⵉⵙⵇⵇⵉⵎ ⵏ ⵉⵎⵓⵔⴰ ⴳ ⴱⵕⵉⵟⴰⵏⵉⵢ ⵉ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵉ ⵓⵔⵣⵣⵓ ⵏ ⵜⴱⵔⵉⴷⵉⵏ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ.