ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 16 ⴱⵕⴰⵢⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ ⴳ ⵕⵕⴱⴰⵟ ⵎⴰⵙⵙ  MINKO MI-NSEME SYLVER ABOUBAKAR.

ⵍⵍⴰⵏ ⵉⵎⴹⴰⴽⴰⵕⵏ ⴰⴷ ⴼ ⵜⴱⵔⵉⴷⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵙⵏⴰⵜ ⵎⵉⵣⴰⵔ ⴳ ⵢⵉⴳⵔ ⴰⴱⵕⵍⴰⵎⴰⵏⵉ, ⵖⵎⴽ ⴰⵏⵏ ⵓⵍⴰ ⵅⴼ ⵜⵎⵙⴰⵔⵉⵏ ⵜⵉⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ.

ⴳ ⵜⵣⵡⵉⵔⵉ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵡⵉⵔ ⵏ ⵜⵣⴷⴰⵢⵉⵏ ⵣⵉⵍⵏⵉⵏ ⵊⴰⵔ ⵉⵏⵎⵖⵓⵔⵏ ⵏ ⵙⵏⴰⵜ ⵜⵎⵉⵣⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵍⴳⴰⴱⵓⵏ ⵎⴰⵙⵙ ⵄⵍⵉ ⴱⵓⵏⴳⵓ ⵓⵏⴷⵉⵎⴱⴰ, ⵢⵉⵏⵉ ⵎⴰⵙ ⴷ ⵍⵎⵖⵔⵉⴱ ⴷ ⵍⴳⴰⴱⵓⵏ ⴰⵔ ⴰⴽⴽⵯ ⵙⵡⵓⵔⵉⵏ ⵉ ⵓⵎⵢⴰⵡⴰⵙ ⵉⵛⵛⴰⵔⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵏⵏⵙⵏ ⴳ ⴽⵓ ⵉⴳⵔⴰⵏ.

ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵎⴰⵍⴰⵎⵉ ⵎⴰⵙ ⵉⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⵍⴰ ⴷ ⵓⵎⵢⴰⵡⴰⵙ ⴰⴽⴷ ⵍⴳⴰⴱⵓⵏ, ⵢⵉⵏⵉ ⵎⴰⵙ ⵔⴰⴷ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⴷ ⵎⵏⵏⴰⵡⵜ ⵜⵎⵉⵣⴰⵔ ⴳ ⵜⵍⵍⴰ ⵍⴳⴰⴱⵓⵏ, ⵢⵉⵏⵉ ⵎⴰⵙ ⵢⵓⵊⴰⴷ ⵍⵎⵖⵔⵉⴱ ⵉ ⵓⴷⵔⴰⵡ ⵏ ⵜⵉⵔⵎⵉⵜ ⵏⵏⵙ ⵜⴰⴱⵕⵍⴰⵎⴰⵏⵉⵜ ⴰⴽⴷ ⵍⴳⴰⴱⵓⵏ.

ⵉⵙⵏⵉⵎⵎⵔ ⵎⴰⵙⵙⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵎⵙⵇⵇⴰⴷ ⵏ ⵍⴳⴰⴱⵓⵏ ⴼ ⵓⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ.

ⴳ ⵜⵙⴳⴰ ⵏⵏⵙ, ⵉⵙⵙⵔⵖⴷ ⵓⵎⵙⵇⵇⴰⴷ ⵏ ⵍⴳⴰⴱⵓⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵙⵜⴰⵢ ⵏⵏⵙ ⴷ ⴰⵏⵙⵉⵅⴼ ⵏ ⵓⵙⵇⵇⵉⵎ ⴷⴼⴼⵉⵔ ⵏ ⵉⵙⵜⴰⵢⵏ ⵉⵣⵣⵔⴰⴼⵏ, ⵢⵉⵏⵉ ⵎⴰⵙ ⵉⵍⵍⴰ ⵍⵎⵖⵔⵉⴱ ⴷ ⵍⴳⴰⴱⵓⵏ ⴳ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵥⵉⵍⵏⵉⵏ, ⵉⵖⵔ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ  ⵙ ⵎⴰⴷ ⵉⵎⵍⴰⵏ ⴰⵙⵡⵉⵔ ⵏ ⵜⵣⴷⴰⵢⵜ ⵉⵅⴰⵜⵔⵏ ⵊⴰⵔ ⵉⵏⵎⵖⵓⵔⵏ ⵏ ⵙⵏⴰⵜ ⵜⵎⵉⵣⴰⵔ.

ⵉⵙⵎⴰⵢⵏⵓ ⵓⵎⵙⵜⴳⴳⴰⵔ ⴰⴷⵉⴱⵍⵓⵎⴰⵙⵉ ⴰⴳⴰⴱⵓⵏⵉ ⴰⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴳ ⵓⵎⵓⴽⵔⵉⵙ ⵉⵜⵜⵓⵙⴽⴰⵔⵏ ⵅⴼ ⵜⵎⵖⵔⵉⴱⵉⵜ ⵏ ⵚⵚⵃⵕⴰ, ⵉⵙⵙⴽⵯⵜⵉ ⴷ ⴰⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 61 ⵏ ⵜⵙⵉⵎⴰⵏⵜ ⵏ ⵍⴳⴰⴱⵓⵏ ⵉⵍⵍⴰⵏ ⴳ ⵍⵄⵢⵓⵏ ⵓⵙⵙⴰⵏ ⵏ 18 ⴷ 19 ⵛⵓⵜⴰⵏⴱⵉⵔ 2021.

ⵉⵜⵜⵓⵙⵙⴰⵏ ⵎⴰⵙ ⵜⵕⵥⵎ ⵍⴳⴰⴱⵓⵏ ⵜⴰⵙⵇⵓⵏⵙⵓⵜ ⵏⵏⵙ ⴳ ⵜⵖⵔⵎⵜ ⵏ ⵍⵄⵢⵓⵏ ⴳ ⵉⴼⴼⵓⵙ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵉⵏⵏⴰⵢⵔ 2020.