ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵏⵏⴰⵎⵙⴰ ⴳ ⵕⵕⴱⴰⵟ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⴽⵕⴰⵙ 16 ⴱⵕⴰⵢⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⴽⵍⵓⵚ ⴽⵓⴳⵍⵕ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵓⵏⵎⵓⵇⵇⴰⵔ, ⵙⵓⵜⴳⵏ ⵙⵉⵏ ⵉⵎⵙⵜⵜⴳⴳⴰⵔⵏ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵍⴰ ⵥⵉⵍⵏⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵏⵏⴰⵎⵙ, ⵙⴰⵡⵍⵏ ⴼ ⵜⵉⵔⴰⵜ ⵉⵛⵛⴰⵔⵏ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.
ⵉⵙⴷⴷⵉⴷ ⵓⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵏⵏⴰⵎⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⵏⵏⵙ ⵉⵥⵍⵉⵏ ⴳ ⵓⵙⵡⵉⵔ ⴰⵄⵕⴰⴱ ⴷ ⵓⴼⵔⵉⵇⵉ, ⵉⵙⴷⴷⵉⴷ ⵓⵍⴰ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵓⵎⵢⴰⴷⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⵉⵙⵎⵏⵉⴷ ⵎⴰⵙⵙ ⴰⵎⵙⵇⵇⴰⴷ ⵜⴰⵖⵓⵔⵉ ⵜⴰⵎⴰⴷⴷⵓⴷⵜ ⵙⴳ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵏⵏⴰⵎⵙⴰ ⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵏⵏⴰⵎⵙⴰ ⵉ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ, ⵉⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⵍⵍⵉⵖ ⵜⵍⵍⴰ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵜⴱⵕⵍⴰⵎⴰⵏⵉⵜ ⴳ ⵓⴱⵕⵍⴰⵎⴰⵏ ⵏ ⵏⵏⴰⵎⵙⴰ ⵉⵥⵍⵉⵏ ⵉ ⵜⵙⴳⴰ ⵏ ⵉⵥⵥⵍⵎⴹ ⵏ ⵉⴼⵔⵉⵇⵢⴰ.
ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵖⵓⵔⵉ ⴰⴷ, ⵖⵎⴽ ⴰⵏⵏ ⴷ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵏⵏⴰⵎⵙⴰ, ⴷ ⵔⴰⴷ ⵉⵙⴽⵔ ⵍⵎⵖⵔⵉⴱ ⵜⴰⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵏⵏⴰⵎⵙⴰ, ⵉⵙⴰⵡⵍ ⴼ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵏ ⴽⵟⵓⴱⵕ ⴳ ⵍⵍⴰⵏⵜ ⵎⵏⵏⴰⵡⵜ ⵜⵉⵍⴰⵍ ⵍⵍⵉⵖ ⵜⴳⴰ ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷⴼⴼⵉⵔ ⵏ ⵉⵙⵜⴰⵢⵏ ⵉⵎⴳⴳⵓⵔⴰ.
ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⴷ ⵏⵏⴰⵎⵙⴰ ⵜⵉⵏⴰⵥⴰⵕⵉⵏ ⵛⵛⴰⵔⵏⵉⵏ ⵏ ⵜⵏⴼⵔⵓⵜ ⴷ ⵓⴼⵔⴰ ⴷ ⵓⵔⴳⴳⵉⴳ ⴳ ⵓⵕⵓⴱⴱⴰ ⴷ ⵉⴼⵔⵉⵇⵢⴰ ⴷ ⵢⵉⵍ ⵏ ⵓⵏⴰⵎⵎⴰⵙ, ⵉⵙⵏⴼⵍⵏ ⵏ ⵓⵏⵣⵡⵉ, ⴰⵣⵡⴰⴳ ⴷ ⵜⵎⵙⴰⵔⵉⵏ ⵢⴰⴹⵏⵉⵏ, ⴰⵢⵍⵍⵉ ⵉⵙⵉⴳⴳⵉⵍⵏ ⴰⵣⴷⴷⵓⵢ ⴷ ⵓⵎⵢⴰⵡⴰⵙ ⴷ ⵓⵙⵏⴰⵍ ⵉⵜⵜⵓⵙⵏⴼⴰⵍⵏ.