ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⵙⵇⵇⴰⴷⵜ ⵏ ⵜⴳⵍⴷⵉⵜ ⵏ ⵍⵉⵕⴹⵓⵏ ⵜⴰⵀⴰⵛⵉⵎⵉⵜ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⵙⴰ ⵊⵓⵎⴰⵏⴰ ⵙⵍⵉⵎⴰⵏ ⵖⵏⵉⵎⴰⵜ, ⴰⴽⵕⴰⵙ 16 ⴱⵕⴰⵢⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ.
ⴳ ⵜⵣⵡⵉⵔⵉ, ⵜⵙⵙⵔⵖⴷ ⵎⴰⵙⵙⴰ ⵜⴰⵎⵙⵇⵇⴰⴷⵜ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵎⵍⴷ ⵏ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⵜⵙⵓⵜⴳ ⵜⵉⵣⴷⴰⵢⵉⵏ ⵏ ⵓⵎⵣⵔⵓⵢ ⵍⵍⴰⵏⵉⵏ ⵊⴰⵔ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵏⵏⵙⵏⵜ, ⵜⵙⵓⵜⴳ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵉⵜⵜⵎⴰⵇⵇⴰⵔⵏ ⴷ ⵜⵉⵔⵎⵉⵜ ⵏ ⵍⵓⵕⴹⵓⵏ ⴳ ⵎⵏⵏⴰⵡⵜ ⵜⵙⴳⴳⵉⵡⵉⵏ.
ⵜⵖⵔ ⵜⵎⵙⵇⵇⴰⴷⵜ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵕⵕⴱⴰⵟ ⴷ ⵄⴰⵎⵎⴰⵏ ⵙ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ. ⵜⵉⵏⵉ ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵙ ⵉⵔⵣⴰⴼⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⴷ ⵓⵣⴷⴷⵓⵢ ⴰⴱⵕⵍⴰⵎⴰⵏⵉ ⵉⵙⵓⵍⵏ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⴷ ⵜⴷⵍⵙⴰⵏⵉⵏ ⵍⵍⴰⵏⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⵍⴷⵉⵜ ⵏ ⵍⵓⵕⴷⵓⵏ ⵜⴰⵀⴰⵛⵉⵎⵉⵜ ⴷ ⵜⴰⴳⵯⵎⴰⵜ ⵊⴰⵔ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴰⴱⴷⵓⵍⵍⴰⵀ ⵡⵉⵙ ⵙⵉⵏ ⴱⵏ ⵍⵃⵓⵙⴰⵢⵏ ⴰⴷ ⵜⵏ ⵉⵃⴼⴹ ⵕⴱⴱⵉ, ⵉⵙⵓⵜⴳ ⴰⵙⵡⵉⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵍⵍⵉ ⴷ ⵉⵇⵇⴰⵏ ⵓⵙⴷⵓⵙ ⴷ ⵓⵣⴷⴷⵓⵢ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⵙⴽⵯⵜⵉ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵓⵎⵎⵉⵥⵏ ⴷ ⵜⴷⵉⵏⴰⵎⵉⵜ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⵏ ⵓⵚⴽⵓ ⴰⵎⵔⵙⵍⴰⵏ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⵏ ⵏ ⵓⴼⴳⴰⵏ ⴷ ⵓⵍⵓⵢ ⴰⴷⵎⵙⴰⵏ ⴷ ⵓⵡⴰⵏⴽ ⴰⵏⴰⵎⵓⵏ, ⵢⵉⵏⵉ ⵎⴰⵙ ⵉⵟⵟⴰⴼ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵡⵉⵔ ⴰⵏⴰⵎⵓⵔ ⵉⵥⵍⵉⵏ ⴷⴰⵔ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ , ⵢⵉⵏⵉ ⵎⴰⵙ ⵢⵓⵊⴰⴷ ⵉ ⵓⴷⵔⴰⵡ ⵉⵜⵜⵓⵙⵏⴼⴰⵍⵏ ⵏ ⵜⵉⵔⵎⵉⵜ ⴷ ⵜⵎⵓⵥⴰⵢⵜ ⴷ ⵉⵏⴳⴳⵯⴰ ⵏⵏⵙ ⴳ ⵜⴳⵍⴷⵉⵜ ⵜⴰⵀⴰⵛⵉⵎⵉⵜ ⵏ ⵍⵓⵕⴹⵓⵏ.
ⵉⴳⴰ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵏ ⵎⴰⵙⵙⴰ ⵜⴰⵎⵙⵇⵇⴰⴷⵜ ⵊⵓⵎⴰⵏⴰ ⵙⵍⵉⵎⴰⵏ ⵖⵏⵉⵎⴰⵜ ⵜⴰⵎⵍⴷⴰ ⵏ ⵓⵔⵣⵣⵓ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵅⴼ ⵜⵉⵎⵙⴰⵔⵉⵏ ⵜⵉⴱⵕⵍⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ.