ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵣⴷⴷⵓⵢ ⴰⴱⵕⵍⴰⵎⴰⵏⵉ ⵉⵛⵛⴰⵔⵏ ⵊⴰⵔ ⵉⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴱⵕⴰⵍⴰⵎⵏ ⵏ ⵓⵕⵓⴱⴱⴰ ⴳ ⵉⵎⴹⴰⴽⴰⵕⵏ ⵙ ⵜⵉⵍⵉⴼⵓⵏ
ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵎⴹⴰⴽⴰⵕ ⵙ ⵜⵉⵍⵉⴼⵓⵏ ⴷ ⵎⴰⵙⵙ ⵕⵓⴱⵉⵕⵟⴰ ⵎⵉⵜⵙⵓⵍⴰ ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴼ ⵓⵙⴷⵓⵙ ⵏ ⵓⵎⵛⴰⵡⴰⵕ ⵊⴰⵔ ⵜⵉⵎⵔⵙⴰⵍ ⴷ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵓⵔⵓⴱⴱⴰ.
ⵙⴷⴷⵉⴷⵏ ⵙⵉⵏ ⵉⵏⵙⵙⵉⵅⴼⵏ ⴼ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵍⴰ ⴷ ⵓⵎⵢⴰⵡⴰⵙ ⵊⴰⵔ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵙⴰⵡⵍⵏ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⵏⵉⵢⵉⵏ ⵛⵛⴰⵔⵏⵉⵏ ⴰⵎ ⵜⴰⵙⵔⵜⵉⵜ ⵏ ⵜⵓⴹⵊⵓⵕⴰ ⴷ ⵜⵏⴰⵥⴰⵔⵉⵏ ⵣⴷⵉⵏⵉⵏ ⴷ ⵓⵣⵡⴰⴳ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵏⴼⵔⵓⵜ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵎⵢⴰⵡⴰⵙ ⴰⴷⵎⵙⴰⵏ, ⵜⵉⵣⴷⴰⵢⵉⵏ ⵊⴰⵔ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵍⵎⵖⵔⵉⴱ ⴷ ⵉⴼⵔⵉⵇⵢⴰ, ⵍⵍⵉⵖ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵜⵉⴳ ⴰⵅⴰⵜⴰⵔ ⵉ ⵉⴼⵔⵉⵇⵢⴰ.
ⵙⴰⵡⵍⵏ ⵓⵍⴰ ⴼ ⵜⴱⴷⵉⴷⵉⵏ ⵏ ⵓⵙⵎⵓⵙ ⵏ ⵜⴰⵎⵓⵏⵜ ⵉⵛⵛⴰⵔⵏ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵃⵎⴰ ⴰⴷ ⵢⵉⵍⵉ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵓⵙⵎⵓⵏ ⵏ ⵜⵓⴳⴳⴰⵙ ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⵏⵉ ⵊⴰⵔ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⴼⵔⵉⵇⵢⴰ ⵙⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ.
ⵙⴷⴷⵉⴷⵏ ⵉⵏⵏⵙⵉⵅⴼⵏ ⴳⴰⵏⵉⵏ ⵉⴳⵎⴰⵎⵏ ⴳ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⴼ ⵡⴰⵜⵉⴳ ⵏ ⵜⴷⵉⵏⴰⵎⵉⵜ ⵏ ⵜⵡⵡⵓⵔⵉ ⵏ ⵜⵎⵙⵎⵓⵏⵜ ⵙ ⵓⵣⴷⴷⵓⵢ ⵉⵛⴰⵔⵏ.
ⴳ ⵓⵎⴹⴰⴽⴰⵔ ⴰⴷ, ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉ ⵎⴰⵙⵙⴰ ⵕⵓⴱⵉⵕⵟⴰ ⵎⵉⵜⵙⵓⵍⴰ ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⴰⵙ ⵔⴰⴷ ⵉⵙⵎⵏⵉⴷ ⴳ ⵓⵔⵣⴰⴼ ⵏⵏⵙ ⵉ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵜⵉⵎⵣⵡⵓⵔⴰ ⵏ ⵜⵏⵙⵙⵉⵅⴼⵜ ⵜⴰⵎⵖⵔⵉⴱⵉⵜ ⵉ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴷ ⵜⵣⵣⵉⴳⵣⵜ ⵏ ⵜⵎⵢⴰⵇⵇⴰⵏⵜ ⵏ ⵓⵙⵥⵕⴼ ⵏ ⵜⴳⵯⵎⴰⵜ ⵜⴰⴱⵕⵍⴰⵎⵏⵉⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.