ⵉⵙⴼⵓⴳⵍⴰ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⵙⵙ ⴰⵎⴰⴹⵍⴰⵏ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ

ⵉⴷⵔⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 1 ⴱⵕⴰⵢⵕ 2022 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ, ⴳ ⵜⵉⵏⵏⴰⵡⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴼ: “ⴰⵙⵍⴳⵏ 09.08 ⴼ ⵓⴼⵔⴰⴳ ⵏ ⵉⵡⴷⴰⵏ ⵉⵏⵉⵎⴰⵏⵏ ⵎⵏⵉⴷ ⵏ ⵓⵙⵎⴽⵍ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ”, ⵙ ⵜⴷⵔⴰⵡⵜ ⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⴳ ⵓⵙⴼⵓⴳⵍⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ.

ⵉⵙⵎⵏⵉⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵜⴰⴳⵓⵔⵉ ⵙ ⵉⵙⵎ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ:

ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵣⵔⴼ ⴳ ⵉⵎⵉⵥ ⵏ ⵜⵎⵓⵛⴰ,

ⵎⴰⵙⵙⴰ ⵜⴰⵏⵙⵙⵉⵅⴼⵜ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ;

ⵎⴰⵙⵙⴰ ⵜⴰⵏⵙⵙⵉⵅⴼⵜ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵛⵛⵉⵡⴰⵕ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵏⵙⴰⵙⵏ ⵏ ⵜⵔⵓⴱⴱⴰ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ;

ⵡⵉⴷⴰ ⵃⴰⴹⵕⵏⵉⵏ.

ⴳ ⵜⵣⵡⵉⵔⵉ, ⵉⴳⴰ ⵢⵉ ⵜⵓⵎⵔⵜ ⴰⴷ ⵙⵔⵓⵏ ⵙⵏⵓⴱⴳⵖ, ⴽⵓ ⵢⴰⵏ ⵙ ⵉⵙⵎ ⵏⵏⵙ, ⴳ ⵜⵉⵏⵏⴰⵡⵜ ⴰⴷ ⵏ ⵓⵙⴼⵓⴳⵍⵓ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏⵏⵖ ⵙ ⵜⴷⵔⴰⵡⵜ ⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵙ ⵜⵎⵍⴷⴰ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⴼⵔⴰⴳ ⵏ ⵜⵎⵓⵛⴰ ( 28 ⵉⵏⵏⴰⵢⵔ ⴳ ⴽⵓ ⴰⵙⴳⴳⵯⴰⵙ). ⵜⴳⴰ ⵜⵉⵏⵏⴰⵡⵜ ⴰⴷ ⴰⵙⵔⵙ ⴰⵎⵣⵡⴰⵔⵓ ⴳ ⵓⵙⵏⴼⴰⵔ ⵏ ⵓⵎⵢⴰⵡⵙ ⴰⴽⴷ ⵜⵙⵇⵇⵉⵎⵜ ⴰⴷ ⴷ ⵜⵙⵇⵇⵉⵎⵜ ⵏ ⵓⵣⵔⴼ ⵙⴳ ⵉⵎⵉⵥ ⵏ ⵜⵎⵓⵛⴰ, ⵔⴰⴷ ⵜ ⴹⴼⵕⵏ ⵉⵙⵏⴼⴰⵔⵏ ⵢⴰⴹⵏⵉⵏ ⴼ ⵏⵜⵜⵎⴷⴰⵡⴰⵍ, ⵜⵉⵍⵉ ⴳ ⵓⵎⵏⴰⴹ ⵏ ⵓⵙⴽⵔ ⵏ ⵉⵙⵜⴰⵢⵏ  ⵉⵙⵜⵔⴰⵜⵉⵊⵉⵢⵏ ⵏ ⵓⵙⵇⵇⵉⵎ ⵏ ⵓⵎⵛⵛⵉⵡⴰⵕ ⴳⴰⵏⵉⵏ ⵡⵉⵏ ⵓⵏⵏⵓⵕⵥⵎ ⴷ ⵓⵎⵢⴰⵡⴰⵙ ⴰⴽⴷ ⵜⵉⵎⵔⵙⴰⵍ ⴷ ⵜⴳⵔⴰⵡⵉⵏ ⵜⵉⴷⵙⵜⴰⵔⵉⵏ ⴷ ⵜⵉⴳⴷⵓⴷⴰⵏⵉⵏ ⵜⵉⵏⴰⵎⵓⵔⵉⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⵉⴳⴰ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴰⵜⵉⴳ ⴰⵅⴰⵜⴰⵔ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵙⵡⵉⵔ ⴰⵎⴰⴹⵍⴰⵏ, ⵉⵍⵍⴰ ⴷⴰⵜ ⵏ ⵓⵎⴰⴹⴰⵍ ⴰⴷ ⵉⵙⵎⵓⵏ ⵜⵓⴳⴳⴰⵙ ⵃⵎⴰ ⴰⴷ ⵉⵍⴽⵎ ⴰⴼⵔⴰⴳ ⵉⵕⵡⴰⵏ, ⴰⵛⴽⵓ ⵉⵡⴰⵜⵜⵙ ⵓⴼⵔⴰⴳ ⴰⵙⴷⵓⵙ ⵏ ⵜⴷⵔⴼⵉⵜ ⴷ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵉⵡⴷⴰⵏ ⵙ ⴽⵉⴳⴰⵏ ⵏ ⵉⴹⵎⴰⵏⵏ ⵉⵣⵔⴼⴰⵏⵏ ⴷ ⵉⴷⵙⵜⴰⵔⵏ ⴷ ⵓⴼⵔⴰⴳ ⵏ ⵜⵓⴷⵔⵜ ⵉⵥⵍⵉⵏ.

ⵉⴳⴰ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⵜⴰⵔⵙⵍⵜ ⵜⴰⵙⵉⵍⴰⵏⵜ ⴳ ⵓⴼⵔⴰⴳ ⵏ ⵜⵎⵥⵍⵉⵜ, ⵉⴳ ⵙⴳ ⵉⴼⵔⴷⴰⵙ ⵏ ⵓⵚⴽⵓ ⵏ ⵜⵎⵢⵉⵎⴰⵏⵜ ⴳ ⵢⵉⴳⵔ ⴰⵙⵉⴱⵔⴰⵏⵉ ⴷ ⵓⵙⵎⵔⵙ ⴰⵏⴼⵔⴰⵏ ⵏ ⵜⵎⴰⵎⴽⵉⵏ ⵏ ⵜⵎⵓⵛⴰ ⴷ ⵓⵏⵢⴰⵍⴽⴰⵎ, ⵙⵍⴰⵡⴰ ⴰⴽ

ⴽ ⴳ ⵢⵉⴳⵔ ⵏ ⵜⴷⵎⵙⴰ ⴷ ⵜⴳⵎⵉ. ⴰⵔ ⵜⵜⵉⵏⵉⵏ ⵉⵙⵉⵙⴼⵉⵡⵏ ⵍⵍⴰⵏⵉⵏ ⴳ ⴽⵓ ⵉⵙⵍⴳⵏⵏ ⵉⵎⵣⴰⵣⴰⵍⵏ ⵍⵍⴰⵏⵉⵏ ⴳ ⵓⵙⵎⴽⵍ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴷ ⵓⵙⵏⴼⵍ ⵏⵏⵙⵏⵜ ⴷ ⵓⵣⵓⵣⵣⵔ ⵏⵏⵙⵏⵜ ⵎⴰⵙ ⴷ ⴰⵡⵜⵜⴰⵙ ⴰⵙⵉⵍⴰⵏ ⵏ ⵓⴼⵔⴰⴳ ⵏⵏⵙⵏ ⵉⴳⴰ ⵜ ⴰⵃⵟⵟⵓ ⵏ ⵓⵣⵔⴼ ⵏ ⵓⴼⴳⴰⵏ ⴳ ⵜⵎⵥⵍⵉⵜ. ⵖⵎⴽ ⴰⵏⵏ ⴰⴼ ⵉⵣⵓⵛⵛⵍ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴷ ⵉⴳ ⵓⴽⵛⵓⵎ ⴳ ⵓⵣⵔⴼ ⵏ ⵜⵎⵥⵍⵉⵜ ⵡⵉⵏ ⵓⵙⵍⴳⵏ , ⴷ ⵡⴰⵏⵏⴰ ⵎⵓ ⵉⴽⴽⴰⵟⵟⴰ ⵓⵣⵔⴼ ⵏⵏⵙ ⴳ ⵜⵎⵥⵍⵉⵜ ⴰⴷ ⵉⵟⵟⵉⴼ ⵜⵉⴱⵔⵉⴷⵉⵏ ⵏ ⵓⵙⵕⴰⴷ ⴷ ⵢⵉⵙⵇⵉⵍ ⵕⵡⴰⵏⵉⵏ.

ⴼ ⵎⴰⵢⴰⴷ, ⵉⴳⴰ ⵓⴼⵔⴰⴷ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴰⴼⵔⴰⴳ ⵏ ⵓⵣⵔⴼ ⵏ ⵓⴼⴳⴰⵏ ⴳ ⵓⵃⵟⵟⵓ ⵏ ⵜⵎⵥⵍⵉⵜ ⵏⵏⵙ, ⵉⴳ ⴰⵙⵉⵙⵙⵏ ⵙ ⵓⵣⵔⴼ ⵏ ⵓⵡⴰⵏⴽ ⴳ ⵜⵓⵙⵙⵏⴰ ⵏ ⵜⵎⵓⵛⴰ ⴰⴷ ⴷ ⵓⵙⵎⴽⵍ ⵏⵏⵙⵏⵜ ⴳ ⵓⵙⴰⵜⵉ ⴰⵣⵔⴼⴰⵏ ⴷ ⵓⵎⴰⴷⴷⴰⵙ ⵉⴼⴰⵡⵏ, ⵢⴰⵊⵊ ⵜⵉⵏⴱⴰⵉⵏ ⵥⵍⵉⵏⵉ ⴰⴷ ⵙⴱⴷⴷⵏⵜ ⵜⵉⵍⵜⵉ ⵏⵜⵡⵡⵓⵔⵉⵡⵉⵏ ⵏ ⵜⵉⵕⵥⵉ ⵏ ⵜⵏⴼⵔⵓⵜ ⴷ ⵓⵏⴳⵔⴰⵡ, ⴷ ⵓⴹⴼⵕ ⵏ ⵡⵉⴷ ⵜ ⵙⴽⴰⵟⵟⴰⵏⵉⵏ ⴳ ⵓⵣⵔⴼ.

ⵉⴳⴰ ⵓⵡⵇⵇⵔ ⵏ ⵜⵓⴷⵔⵜ ⵉⵥⵍⵉⵏ ⵙⴳ ⵉⵣⵔⴼⴰⵏ ⵏ ⵓⴼⴳⴰⵏ ⴰⵏⵉⵎⴰⵏ ⵙ ⵓⴼⵔⵉⵙ ⵏⵏⵙ ⴰⵏⴼⴳⴰⵏ, ⵖⵎⴽ ⴰⵏⵏ ⴰⴼ ⵎⵎⴰⵖⵏ ⵉⵡⴰⵏⴽⵏ ⵉⴷⵉⵎⵓⵇⵔⴰⵟⵉⵢⵏ ⴳ ⵓⴼⵔⴰⴳ ⵏ ⵓⵣⵔⴼ ⴰⴷ ⵉⴳⴰⵏ ⴰⵏⵙⵉⵎⴰⵏ, ⵓⵔⴰ ⴽⴰ ⵜⵙⵙⵔⵓⵙ ⵉⵙⵍⴳⵏⵏ ⵎⴰⵛⵛ ⵜⵎⵎⴰⵖ ⵓⵍⴰ ⴰⴷ ⵉⵍⵉⵏ ⴳ ⵓⵏⵍⵉ. ⵖⵎⴽ ⴰⵏⵏ ⴰⴼ ⵉⴳⴰ ⵓⵣⵔⴼ ⴰⴷ ⵜⴰⵙⵉⵍⴰ ⴼ ⵉⴱⵉⴷⴷ ⵓⵣⵔⴼ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵉⵣⴷⵉ ⵓⴼⵔⴰⴳ ⵏⵏⵙⵏⵜ ⴷ ⵓⵙⵖⴰⵡⵙⴰ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵜ ⵥⵍⵉⵏⵉⵏ.

ⴳ ⵓⵎⵏⵉⴷ ⴰⴷ, ⵉⴼⴼⵖ ⴷ ⵓⵅⵎⴻⵎ ⴳ ⵉⵣⵔⴼⴰⵏ ⵣⴷⵉⵏⵉⵏ ⴷ ⵜⵣⵣⵉⴳⵣⵜ ⵏ ⵜⵎⵓⵛⴰ ⴳ ⵍⴰⵏⵜⵉⵔⵏⵉⵜ ⵜⴰⵔ ⵉⵡⵜⵜⴰ ⴷ ⵉⵎⵉⵥ ⵏⵏⵙⵏⵜ ⴷ ⵓⵣⵔⴼ ⴳ ⵓⵙⵏⴼⵍ ⴷ ⵓⵣⵓⵣⵣⵔ ⵏⵏⵙⵏⵜ, ⵎⴰⵛⵛ ⵉⵇⵇⴰⵏ ⴷ ⴰⴷ ⵏⵏⵙⵏ ⵉⵎⵉⵣⵉ ⵉⵍⵍⴰⵏ ⴷⴰⵜ ⵏ ⵓⵙⵎⵓⵙⵙⵓ ⵏ ⵎⵓⵛⴰ  ⴰⵢⵍⵍⵉ ⴷ ⵢⵉⵡⵉⵏ ⵜⴰⵎⵓⴽⵔⵉⵙⵜ ⵏ ⵓⵣⵔⴼ ⴳ ⵓⴼⵔⴰⴳ ⵏ ⵜⵎⵥⵍⵉⵜ ⴷ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ.

ⴳ ⵓⵎⵏⴰⴹ ⴰⴷ, ⵉⵣⵉⵢⵢⴷ ⵓⵅⵎⵎⴻⵎ ⴰⴳⵔⴰⵖⵍⴰⵏ, ⵙⴳ ⵉⵙⴳⴳⵯⴰⵙⵏ ⴽⵕⴰⴹ ⵡⴰⴳⵏⴰⵔⵏ ⴷ ⵎⵔⴰⵡ, ⴳ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⵜⵓⵛⵛⵉⵍⵉⵏ ⵉ ⵓⴼⵔⴰⴳ ⵏ ⵓⵣⵔⴼ ⴳ ⵜⵎⵥⵍⵉⵜ, ⵜⵜⵓⵙⴽⵉⵔⵏ ⴽⵉⴳⴰⵏ ⵏ ⵜⵖⵜⴰⵙⵉⵏ ⵙⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵎⵜⵜⴰ ⵎⵓⵏⵏⵉⵏ, ⵉⵍⵉⵏ ⴷⴰⵔ ⵉⴰⵡⵏⴽⵏ ⴽⵉⴳⴰⵏ ⵏ ⵉⵣⵣⵔⴰⴼⵏ ⴷ ⵉⵙⵍⴳⵏⵏ ⵡⴰⵜⵜⵙⵏⵉⵏ ⴰⴼⵔⴰⴳ ⵏ ⵜⵓⴷⵔⵜ ⵉⵥⵍⵉⵏ ⵏ ⵉⵡⴷⴰⵏ ⵉⵏⵉⵎⴰⵏⵏ ⵙⴳ ⵜⴰⵢⵢⴰⴼⵓⵜ ⵏ ⵓⵎⵓⴽⵏ ⴷ ⵓⵙⴰⵜⵉ ⵏ ⵜⵔⵙⴰⵍ ⵏ ⵜⵎⵓⵛⴰ ⴳ ⵉⴳⵔⴰⵏ ⴰⴳⴷⵓⴷⴰⵏ ⴷ ⵓⵙⵍⵉⴳ.

ⵉⵙⵜ ⵎⴰⵙⵙⴰ ⵉⴷ ⵎⴰⵙⵙ;

ⵢⵉⵡⵉ ⴷ ⵓⵣⵣⵉⴳⵣ ⴷ ⵓⵙⵎⵔⵙ ⵏ ⵉⵎⴰⵙⵙⵏ ⵉⵜⵉⴽⵏⵓⵍⵓⵊⵉⵢⵏ ⵉⵎⴰⵢⵏⵓⵜⵏ ⴳ ⵜⴰⵙⵓⵜ ⴰⴷ, ⴰⴷ ⵉⵉⵏ ⵉⵎⵉⵣⵉⵢⵏ ⴼ ⵜⵎⵥⵍⵉⵜ ⵏ ⵓⴼⴳⴰⵏ ⵙ ⵜⵣⵣⵉⴳⵣⵜ ⵉⴳⴳⵓⵜⵏ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴳ ⵢⵉⴳⵔ ⴰⵎⵓⵟⵟⵓⵏ. ⵣⵉⵢⴷⵏ ⵉⵎⵉⵣⵉⵢⵏ ⴼ ⵜⵎⵥⵍⵉⵜ ⵙ ⵜⵣⵣⵉⴳⵣⵜ ⵏ ⵜⵎⴰⵎⴽⵉⵏ ⵜⵉⵎⴰⵢⵏⵓⵜⵉⵏ, ⵖⵎⴽ ⴰⵏⵏⴰ ⴼ ⴷ ⵉⵇⵇⴰⵏ ⴰⴷ ⵏⵙⴱⴷⴷ ⵜⵉⵕⵥⵜⵉ ⵏ ⵜⵉⵜⵇⵏⵉⵢⵉⵏ ⴰⴷ ⵜⵉⵎⴰⵢⵏⵓⵜⵉⵏ ⵉ ⵜⵎⵓⵛⴰ ⵜⵉⵏⵉⵎⴰⵏⵉⵏ. ⴳ ⵓⵙⴰⵜⵉ ⴰⴷ, ⵍⵍⴰⵏ ⴽⵉⴳⴰⵏ ⵏ ⵉⵙⵍⴳⵏⵏ ⵉⴳⵔⴰⵖⵍⴰⵏⵏ ⴷ ⵉⵏⴰⵎⵓⵔⵏ  ⵡⴰⵜⵜⵙⵏⵉⵏ ⴰⴼⵔⴰⴳ ⵏ ⵉⵡⴷⴰⵏ ⵉⵏⵉⵎⴰⵏⵏ ⵎⵏⵉⴷ ⵏ ⵉⵎⵉⵣⵉⵢⵏ ⵣⴷⵉⵏⵉⵏ ⴷ ⵓⵎⵓⴽⵏ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ. ⴷⴰⵏ ⵉⵙⵍⴳⵏⵏ ⴷ ⵉⵣⵣⵔⴰⴼⵏ ⵣⴷⵉⵏⵉⵏ ⴷ ⵓⵙⵎⵓⵏ ⴷ ⵓⵙⵎⴰⵜⵜⵉ  ⵙ ⵓⵙⵏⴼⵍ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⵙ ⵜⵎⴰⵎⴽⵉⵏ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ.

ⵉⵟⵟⴼ ⵓⵅⵎⵎⴻⵎ ⵉⵣⵣⵉⴳⵣⵏ ⴳ ⵓⴼⵔⴰⴳ ⵏ ⵜⵎⵥⵍⴰⵢ ⵏ ⵜⵎⵓⵛⴰ ⵜⴰⵖⵍⴰⵖⴰⵍⵜ  ⵉⴼⴰⵡⵏ ⴳ ⵉⵎⴷⵉⵡⴰⵍⵏ ⴷ ⵉⵎⴹⴰⴽⴰⵕⵏ ⵏ ⵉⴳⵎⴰⵎⵏ ⵏ ⵜⵎⵜⵜⴰ ⵎⵓⵏⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⴳ 2015, ⵉⴼⴽⴰ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵜⵜⴰ ⵎⵓⵏⵏⵉⵏ ⵜⴰⵡⴰⵍ ⵜⴰⵎⴰⵢⵏⵓⵜ ⵏ ⵓⵎⵏⵇⵇⴰⵙ ⵉⵣⵍⵉⵏ ⵅⴼ ⵓⵣⵔⴼ ⵉⵥⵍⵉⵏ ⵙ ⵓⴼⵔⴰⴳ ⵏ ⵜⵎⵥⵍⵉⵜ. ⵙⴳ ⵜⵉⵣⵉ ⴰⵏⵏ, ⴰⵔ ⵉⵙⴽⴰⵔ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⵖⵜⴰⵙⵉⵏ ⴼ ⵜⵎⵥⵍⵉⵜ ⴳ ⵓⵣⵎⵣ ⴰⵎⵓⵟⵟⵓⵏ ⵙⵉⵙⵖⵍⴰⴼ ⵉ ⵉⵡⴰⵏⴽⵏ ⴷ ⵜⵎⵙⵙⵓⵔⵉⵏ.

ⴳ ⵓⵎⵏⴰⴹ ⴰⴷ, ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴰⵎ ⴽⵉⴳⴰⵏ ⵏ ⵜⵎⵉⵣⴰⵔ ⵜⵉⴷⵉⵎⵓⵇⵔⴰⵟⵉⵢⵉⵏ ⴰⵅⵎⵎⴻⵎ ⵉⵥⵍⵉⵏ ⵉ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵙⴳ ⵜⵉⵣⵡⵉⵔⵉ ⵏ ⵜⴰⵙⵓⵜ ⴰⴷ ⵉⵎⵍⴰ ⵍⵎⵖⵔⵉⴱ ⵜⵉⵔⴰⵜ ⵏⵏⵙ ⵉⴱⴷⴷⵏ ⴳ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏ ⵙ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵣⵔⴼⴰⵏⵏ ⴷ ⵉⵎⵔⵙⵍⴰⵏⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⴰⵙⵙⴰ ⴷ ⵜⴻⵟⵟⴰⴼ ⵜⵎⴰⵣⵉⵔⵜ ⵏⵏⵖ ⴰⵙⴰⵜⵉ ⴰⴷⵙⵜⴰⵔ  ⵓⵣⵔⴼⴰⵏ ⴷ ⵓⵎⵣⵔⵙⵍⴰⵏⵏ ⵉⵙⵜⴰⵡⵀⵎⵎⴰⵏ, ⴳⵉⵙ ⴰⵎⴰⴳⵔⴰⴷ 24 ⵏ ⵓⴷⵓⵙⵜⵓⵔ ⵏ 2011 ⵉⵙⴰⵡⵍⵏ ⴼ ⵓⴼⵔⴰⴳ ⵏ ⵜⵓⴷⵔⵜ ⵉⵥⵍⵉⵏ, ⵡⵉⵙ ⵙⵉⵏ ⴰⵙⵍⴳⵏ 09.08 ⴼ ⵓⴼⵔⴰⴳ ⵏ ⵉⵡⴷⴰⵏ ⵉⵏⵉⵎⴰⵏⵏ ⵎⵏⵉⴷ ⵏ ⵓⵙⵎⴽⵍ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵍⵍⵉ ⵉⵙⴽⵔⵏ ⵜⴰⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⵉⴳⴰⵏ ⵜⴰⵏⴱⴰⴷⵜ ⵏ ⵜⵉⴹⴰⴼ.

ⵉⴳⴰ ⵓⵙⵍⴳⵏ 09.08 ⴼ ⵓⴼⵔⴰⴳ ⵏ ⵉⵡⴷⴰⵏ ⵉⵏⵉⵎⴰⵏⵏ ⵎⵏⵉⴷ ⵏ ⵓⵙⵎⴽⵍ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵢⵉⵡⵉ ⴷ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵜⵎⴰⵣⵉⵔⵜ ⵏⵏⵖ, ⴽⵉⴳⴰⵏ ⵏ ⵉⵣⵔⴼⴰⵏ ⵡⴰⵜⵜⵙⵏⵉⵏ ⴰⴼⵔⴰⴳ ⵏ ⵜⵎⴰⴳⵉⵜ ⴷ ⵉⵣⵔⴼⴰⵏ ⴷ ⵜⴷⵔⴼⴰⵢ ⵜⵓⴼⵔⵉⴷⵉⵏ ⴷ ⵜⵎⴳⵔⴰⵡⵉⵏ ⴷ ⵜⵓⴷⵔⵜ ⵉⵥⵍⵉⵏ ⵙⴳ ⵡⴰⵏⵏⴰ ⵉⵔⴰⵏ ⴰⴷ ⵉⵕⵥ ⵙ ⵓⵙⵎⵔⵙ ⵏ ⵜⵎⵓⵛⴰ, ⵢⵉⵡⵉ ⴷ ⵓⵙⵍⴳⵏ ⵙⴳ ⵎⴰⴷ ⵢⵉⵡⵉ ⴰⵣⵔⴼ ⵏ ⵓⴽⵛⵓⵎ ⵙ ⵜⵔⵙⴰⵍ ⴷⵎⵏⵏⵉⵏ ⵜⵉⵎⵓⵛⴰ ⵜⵉⵏⵉⵎⴰⵏⵉⵏ ⴷ ⵜⵉⵕⵥⵉ ⵏ ⵉⵎⵓⴽⵏⵏ  ⴷ ⵜⵓⵜⵔⴰ ⵏ ⵓⵣⵣⵔⴰⵢ ⵏ ⵜⵎⵓⵛⴰ ⴳ ⵜⵍⵍⴰ ⵜⵣⴳⴰⵍⵜ ⴷ ⵓⴼⵓⴹ ⵏ ⵜⵎⵓⵛⴰ ⵙⵎⴷⵏⵉⵏ ⵏⵖ ⵜⵉⴷ ⵉⵜⵜⵓⵙⴽⴰⵔ ⵡⴰⵡⵜⵜⴰⵙ ⵏ ⵓⵎⵓⴽⵏ ⵏⵏⵙⵏⵜ.

ⵜⴳⴰ ⵜⵎⴰⵣⵉⵔⵜ ⵏⵏⵖ ⵙ ⵓⵙⵍⴳⵏ ⴰⴷ, ⵢⴰⵜ ⴳ ⵜⵎⵉⵣⴰⵔ ⵜⵉⵎⵣⵡⵓⵔⴰ ⴳ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵜⵙⴳⴰ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ ⵉⵟⵟⴰⴼⵏ ⴰⵏⴳⵔⴰⵡ ⵉⵙⵎⴷⵏ ⵏ ⵓⴼⵔⴰⴳ, ⴷ ⵢⴰⵜ ⵜⵙⴳⴰ ⵏ ⵏⴼⵔⵓⵜ ⴳ ⵢⵉⴳⵔ ⵏ ⵓⴷⵉⵡⴰⵍ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ  ⴱⵍⴰ ⵏⵜⵜⵓ ⴰⵙⵍⴳⵏ 103.13 ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⵏⵉⴷ ⵏ ⵜⵎⵖⴰⵔⵉⵏⵏ ⴳ ⵍⵍⴰⵏⵜ ⵜⵓⵎⴰⵢⵉⵏ ⵥⵍⵉⵏⵉ ⵏ ⵓⴼⵔⴰⴳ ⵏ ⵜⵓⴷⵔⵜ ⵉⵥⵍⵉⵏ, ⵍⵍⵉ ⵏⵏ ⵉⵣⵓⵢⴷⵏ ⵉ ⵜⵔⴰⴱⴱⵓⵜ ⵏ ⵓⵙⵍⴳⵏ ⴰⵏⴱⴽⴰⴹ.

ⴰⴷ ⵓⵔ ⵜⵜⵓⵖ ⴰⴷⴷ ⵙⵙⴽⵜⵉⵖ ⵜⵓⵎⴰⵢⵉⵏ ⵜⵉⵣⵔⴼⴰⵏⵉⵏ ⵢⴰⴹⵏⵉⵏ ⵣⴷⵉⵏⵉⵏ ⴷ ⵓⵙⵏⵜⵍ ⴰⴷ ⵍⵍⴰⵏⵉⵏ ⴳ ⴽⵉⴳⴰⵏ ⵏ ⵉⵙⵍⴳⵏⵏ ⵢⴰⴹⵏⵉⵏ (ⴰⵙⵍⴳⵏ ⵏ ⵓⵙⵡⵓⵜⵜⵓ ⵏ ⵉⵙⵡⵓⴷⴷⵓⵜⵏ ⵏ ⵓⴼⵔⴰⴳ ⵏ ⵓⵙⵏⵎⵓⵔ, ⴰⵙⵍⴳⵏ ⵉⵣⴷⵉⵏ ⴷ ⵓⵙⵏⴼⵍ ⴰⵍⵉⴽⵟⵕⵓⵏⵉ ⵏ ⵜⵎⵓⵛⴰ ⵜⵉⵣⵔⴼⴰⵏⵉⵏ, ⴰⵙⵍⴳⵏ ⵉⵣⴷⵉⵏ ⴷ ⵜⵎⴰⵣⴰⵏⵜ ⴷ ⵉⵏⵢⴰⵍⴽⴰⵎⵏ).

ⵖⵎⴽ ⵍⵍⵉ ⵍⵍⴰⵏⵜ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴼ ⵉⵣⵎⵎⵉⵎ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵙⵔⵜⵉⵜ ⵏ ⵜⵓⴷⴷⵊⵉⵕⴰ ⵉⵥⵍⵉⵏ ⵙ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵜⵉⵍⵉ ⴳⵉⵙⵏⵜ ⵜⵎⵢⴰⵇⵇⴰⵏⵜ ⵏ ⴱⵓⴷⴰⴱⵉⵙⵜ ⴷ ⵜⵎⵢⴰⵇⵇⴰⵏⵜ 108 ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵓⴱⵔⵓⵜⵓⴽⵓⵍ ⵏⵏⵙ.

ⵖⵎⴽ ⵍⵍⵉ ⵉⵍⵍⴰ ⵓⵙⵖⵣⵏ, 18 ⵉⵏⵏⴰⵢⵔ 2022, ⵙⴳ ⵓⵙⵇⵇⵉⵎ ⵏⵏⵖ ⵉⵜⵜⴰⵡⵇⴰⵔⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 52.21  ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵅⴼ ⵜⵏⴼⵔⵓⵜ ⵏ ⵢⵉⴳⵔ ⴰⵍⵉⴽⵟⵕⵓⵏⵉ ⴷ ⵓⴼⵔⴰⴳ ⵏ ⵉⵙⵉⵙⴼⵉⵡⵏ ⵉⵏⵉⵎⴰⵏⵏ ⵉⵜⵜⵓⵙⵖⵣⴰⵏⵏ ⴳ ⵎⴰⵍⴰⴱⵓ (ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ) ⴳ 27 ⵢⵓⵏⵢⵓ 2014. ⵏⵉⵏⵉ ⵓⵍⴰ ⵎⴰⵙ ⵉⵍⵍⴰ ⵓⵙⵏⴼⴰⵔ ⵏ ⵓⵙⵍⴳⵏ 52.21 ⵉ ⵓⵎⵙⴰⵙⴰ ⴼ ⵓⴱⵔⵓⵜⵓⴽⵓⵍ ⵏ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ 108 ⵉ ⵓⴼⵔⴰⴳ ⵏ ⵉⵡⴷⴰⵏ ⵎⵏⵉⴷ ⵏ ⵓⵎⵓⴽⵏ ⴰⵎⵉⵙⵙⴰⵏ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵉⵜⵜⵓⵣⵎⵎⴰⵎⵏ ⴳ ⵙⵜⵔⴰⵙⵜⴱⵓⵔⴳ ⴳ 10 ⴽⵟⵓⴱⵕ 2018, ⵉⵍⵍⴰ ⵖⵉⵍⴰⴷ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵔⴰⴷ ⵢⴰⵛⴽ ⵙ ⵓⵙⵇⵇⵉⵎ ⵏⵏⵖ ⵉ ⵓⵙⵎⴰⴷ ⵏ ⵜⴱⵔⵉⴷⵜ ⵏ ⵓⵙⵖⵣⵏ. ⵜⴷⵔⵓ ⵜⵎⴰⵣⵉⵔⵜ ⵏⵏⵖ ⵓⵍⴰ ⴳ ⵓⵙⵏⴼⴰⵔ  ⵉⵛⵛⴰⵔⵏ ⵊⴰⵔ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⵇⵇⵉⵎ ⵏ ⵓⵕⵓⴱⴱⴰ ⵉ ⵜⵡⵡⵓⵔⵉ ⵉⵛⵛⴰⵔⵏ  ⵉ ⵓⵙⴱⴷⴷⵉ ⵏ ⵓⴱⴽⴽⴰⴹ ⴰⵍⵉⴽⵟⵕⵓⵏⵉ.

ⵉⵙⵜ ⵎⴰⵙⵙⴰ ⵉⴷ ⵎⴰⵙⵙ;

ⵉⵡⵉⵏ ⴷⴷ ⵜⵏⴰⵥⴰⵕⵉⵏ ⵏ ⵜⵎⴰⴹⵍⴰⵏⵜ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴰⴼⴰⵔⵙ ⵏ ⴽⵉⴳⴰⵏ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴷ ⵓⵔⵅⵓ ⵏ ⵉⵎⵉⵥ ⵏⵏⵙⵏⵜ ⴷ ⵓⵎⴷⵉⵡⴰⵍ ⵏⵏⵙⵏⵜ, ⵉⵣⵉⵢⴷ ⵓⵍⴰ ⵓⵏⵛⴽ ⵏ ⵉⵎⵉⵣⵉⵢⵏ ⵏ ⵓⵙⵎⴽⵍ ⴷ ⵓⵙⵡⵓⴷⴷⵓ ⴷ ⵓⵙⵎⵔⵙ ⵏⵏⵙⵏ ⵙ ⵜⵖⴰⵔⴰⵙⵜ ⵜⴰⵔⵓⵍⴳⵉⵏⵜ ⵏⵖ ⵜⵉⵏ ⵜⵣⴳⵍⵜ.  ⴰⵢⵍⵍⵉ ⵉⵣⵉⵢⴷⵏ ⴳ ⵓⵥⴰⵥⵓ ⴰⴷ ⵢⵉⵍⵉ ⵓⵙⵕⵚⵓ ⵏ ⵓⵏⴳⵔⴰⵡ ⵉⵕⵡⴰⵏ ⵏ ⵓⴼⵔⴰⴳ ⵙ ⵜⵉⵍⵉⵜ ⵏ ⵜⵎⵙⴽⴰⵔ ⵜⵉⵣⵔⴼⴰⵏⵉⵏ ⵎⵏⵉⴷ ⵏ ⵓⵙⵎⵔⵙ ⵡⴰⵔⵓⵍⴳⵉⵏ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴷ ⵜⵉⵕⵥⵉ ⵏ ⵜⵎⵥⵍⵉⵜ, ⴷ ⵓⴹⴼⵕ ⵏ ⵉⵙⴰⵖⵓⵍⵏ ⵍⵍⴰⵏⵉⵏ ⴳ ⵢⵉⴳⵔⴰ ⴰⴷ, ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⵏ ⵜⵥⴹⴰⵕⵉⵏ ⴰⴷ ⵢⵉⵍⵉ ⵚⴰⵃⴰ ⵙⴳ ⵜⵉⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⴳ ⵓⵙⵎⴽⵍ ⵏ ⵜⵎⵓⵛⴰ ⴷ ⵓⵙⵡⵉⵔ ⵏ ⵓⵙⵎⵖⵔ ⵏ ⵜⴷⵎⵙⴰ ⴷ ⵓⵙⵡⵉⵔ ⵏ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⵍⵙⴰⵏⵜ.

ⴰⵔ ⵏⵜⵜⵉⵏⵉ ⵎⴰⵙ ⵉⴳⴰ ⵢⵉⴳⵔ ⵏ ⵜⵎⵥⵍⴰⵢ ⵏⵏⵖ ⴷ ⵜⴰⵎⵔⵙⵍⵜ ⵜⴰⵣⵣⵔⴰⴼⵜ, ⴰⴽⵛⵓⵎ ⴰⵣⵔⴼⴰⵏ ⵙ ⵓⵙⵖⵓⴷⵓ ⵏ ⵓⵙⴰⵜⵉ ⴰⵣⵔⴼⴰⵏ ⴷ ⵓⵎⴰⴷⴷⴰⵙ ⵉ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ  ⴷ ⵓⵙⴽⵔ ⵏ ⵓⵎⵙⴰⵙⴰ ⴷ ⵓⵙⴰⵜⵉ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ  ⴷ ⵉⵙⵡⴰⵍⴰⵢⵏ ⵏ ⵜⵎⴰⴷⴷⴰⵙⵉⵏ ⴷ ⵜⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⴰⵎ ⵜⴰⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵜⴳⵎⵉ, ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵍⵉ ⴷ ⵉⵙⵙⴼⵖⵏ ⵜⵓⴳⵜ ⵏ ⵉⵙⵡⴰⵍⴰⵢⵏ ⴼ ⵜⵔⵙⴰⵍ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⴰⵏⵉⵏ.

ⴳ ⵜⴳⵉⵔⴰ, ⵏⵙⵙⵏ ⵎⴰⵙ ⵉⴳⴰ ⵓⵎⵙⴰⵙⴰ ⴳ ⵓⵙⵡⵉⵔ ⴰⵣⵔⴼⴰⵏ, ⵜⴰⵎⵍⴷⴰ ⵜⴰⵙⵉⵍⴰⵏⵜ ⵏ ⵓⵙⴱⴷⴷⵉ  ⵏ ⵜⵏⴰⵥⴰⵕⵉⵏ, ⵉⵇⵇⴰⵏ ⴰⵖ ⴷ, ⴳ ⵜⴰⵏⵏⴰⵢⵜ ⵏⵏⵖ, ⴰⴷ ⵏⵙⵡⵓⵔⵉ ⵙ ⵜⵎⵙⴽⴰⵔ ⵜⵉⵎⵓⵥⴰⵢⵉⵏ ⴷ ⵜⵎⵏⴰⴹⵉⵏ  ⵥⵉⵍⵏⵉⵏ ⴳ ⵢⵉⴳⵔ ⴰⴷ ⴰⴷ ⵏⴱⴷⴷⴰ ⴼ ⵓⵎⵢⴰⴷⴰⵙ ⵏ ⵉⵙⵍⴳⵏⵏ ⵉⵏⴰⵎⵓⵔⵏ ⵥⵍⵉⵏ ⴷ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⴷ ⵓⵎⵙⴰⵙⴰ ⵏⵏⵙⵏⵜ ⴷ ⵉⵙⵍⴳⵏⵏ ⴷ ⵉⵣⵣⵔⴰⴼⵏ ⵉⴳⵔⴰⵖⵍⴰⵏⵏ ⴷ ⵉⵙⵖⵍⴰⴼ ⵉⴳⵔⴰⵖⵍⴰⵏⵏ, ⵙ ⵜⵏⵇⵇⴰⴷ ⵏ ⵜⵎⵏⴰⴳⴰⵔⵜ ⴷ ⵓⵎⵣⴰⵔⴰⵢ ⵃⵎⴰ ⴰⴷ ⵉⵍⵉⵏⵜ ⵜⵙⵖⵍⴰⴼ ⴷ ⵓⵙⴰⵏⵉⵏ ⴳ ⵓⵎⵏⴰⴹ ⴰⵎⵖⵔⵉⴱⵉ. ⵎⴰⵢⴰⴷ ⴰⴷ ⵏⵔⴰ ⴰⴷ ⵜ ⵏⵍⴽⵎ ⴳ ⵜⵉⵏⵏⴰⵡⵜ ⴰⴷ ⵉⵙⵜⴰⵡⵀⵎⵎⴰⵏ ⵍⵍⵉ ⵉⴳⴰⵏ ⵜⴰⵎⵍⴷⴰ ⴰⴷ ⵏⵙⵎⵏⵉⴷ ⵉⵙⵉⵙⴼⵉⵡⵏ ⵅⴼ ⵓⵙⵏⵜⵍ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ , ⵏⵎⵍ ⴰⵢⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵎⵏⵉⴷ ⴰⴷ ⴷ ⵜⵡⵡⵓⵔⵉ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴷ ⵜⴱⴱⴰⵢⴹⴰⵕⵉⵏ ⴷⴰⵜ ⵏⵏⵙⵏⵜ, ⴷ ⵜⵎⵍⴷⴰ ⵏ ⵜⵓⵙⵙⵏⴰ ⵏ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵏⴰⵎⵓⵔⵉⵏ ⴳ ⵓⵎⵏⵉⴷ ⴰⴷ.

ⵜⴰⵏⵎⵎⵉⵔⵜ ⴼ ⵓⵙⴼⴼⵍⴷ ⵏⵏⵓⵏ, ⴰⵣⵓⵍ ⵏ ⵕⴱⴱⵉ ⴼⵍⵍⴰⵜⵓⵏ.