ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵜⵛⵉⴽ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 27 ⵉⵏⵏⴰⵢⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵜⵛⵉⴽ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵎⴰⵙⵙ Ladislav Škeřík.
ⴳ ⵜⵣⵡⵉⵔⵉ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵡⵉⵔ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⴳⴰⵏⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵜⵛⵉⴽ, ⴷ ⵜⴷⵉⵏⴰⵎⵉⵜ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵥⵉⵍⵏⵉⵏ ⵊⴰⵔ ⵜⵉⵎⵔⵙⴰⵍ ⵏⵏⵙⵏ ⵜⵉⵣⵣⵔⴰⴼⵉⵏ.
ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵙⵎⴷ ⵓⵙⴽⵔ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⴳ ⵜⵙⴳⴰ ⵏ ⵍⵎⵖⵔⵉⴱ ⵍⵍⵉ ⵔⴰⴷ ⵉⵎⵓⵏ ⴷ ⵜⵏⴳⴳⵓⵜ ⵏⵏⵙ ⴳ ⵓⴱⵕⵍⴰⵎⵏ ⵏ ⵜⵛⵉⴽ ⵃⵎⴰ ⴰⴷ ⵣⵣⵉⴳⵣⵏⵜ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⴼ ⵜⵉⵔⴰⵜ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙ ⵓⵏⵎⵓⵇⵇⴰⵔ ⵉⵜⵜⵓⵙⴽⴰⵔⵏ ⴰⴽⴷ ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵜⵛⵉⴽ ⵎⴰⵙⵙⴰ Markéta Pekarová Adamová ⴳ ⵜⵙⵎⵓⵏⵉ ⵏ ⵜⵔⴰⴱⴱⵓⵜ ⴼⵉⵛⵖⵔⴰⴷ+ⵍⵎⵖⵔⵉⴱ ⵍⵍⵉ ⵔⴰⴷ ⵢⵉⵍⵉ ⴳ ⴱⵓⴷⴰⴱⵉⵙⵜ ⴳ ⵜⴳⴷⵓⴷⴰⵏⵜ ⵏ ⵍⵎⴰⵊⴰⵕ ⴳ ⵎⴰⵕⵚ ⴷ ⵢⵓⵛⴽⴰⵏ.
ⵙⴰⵡⵍⵏ ⵙⵉⵏ ⵉⵎⵙⵜⴳⴳⴰⵔⵏ ⵓⵍⴰ ⴼ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ ⵔⴰⴷ ⵢⵉⵍⵉ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵉⴱⵕⵍⴰⵎⴰⵏⵏ ⵏ ⵜⴰⵎⵓⵏⵜ ⵏ ⵓⵔⵓⴱⴱⴰ ⴳ ⵉⵍⵍⴰ ⵓⴱⵕⵍⴰⵎⴰⵏ ⴰⵜⵛⵉⴽⵉ, ⵉⵙⴰⵡⵍ ⵎⴰⵙⵙ ⴰⵎⵙⵇⵇⴰⴷ ⴼ ⵓⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⴰⵡⵍ ⵓⵍⴰ ⴼ ⵓⵏⴰⵔⵓⵣ ⵏⵏⵙ ⴰⴷ ⵢⵉⵍⵉ ⵓⴼⵙⵙⴰⵢ ⴰⵙⵔⵜⴰⵏ ⵉ ⵜⵎⵙⴰⵔⵜ ⵙ ⵜⵎⵜⵜⴰ ⵎⵓⵏⵏⵉⵏ ⴷ ⵜⵖⵜⴰⵙⵉⵏ ⵏⵏⵙ.
ⵉⴳⴰ ⵓⵙⵏⵓⴱⴳ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏ ⵎⴰⵙⵙ Ladislav Škeřík ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵜⵛⵉⴽ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⴷ ⵓⵙⵏⴼⵍ ⵏ ⵜⵏⵏⴰⵢⵢⵉⵏ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.