ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵜⵉⵙ ⴽⵕⴰⴹⵜ ⴼ ⵓⴽⵓⵙ ⵏ ⵓⵔⴱⴰⴱ ⴰⵏⴰⵡⴰⵡⵉ ⴷ ⵜⵏⴼⵔⵓⵜ ⵜⴰⵏⴼⴳⴰⵏⵜ
ⴷⵔⵓⵏ ⵉⴱⵕⵍⴰⵎⴰⵏⵉⵢⵏ ⵎⴰⵙⵙ ⵃⵎⴰⴷ ⵜⵡⵉⵣⵉ ⴷ ⵎⴰⵙⵙ ⵎⵓⵚⵟⴰⴼⴰ ⵔⴷⴷⴰⴷ, ⵉⵏⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵖⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴰⴽⵕⴰⵙ 19 ⵉⵏⵏⴰⵢⵔ 2022 ⵙ ⵓⴼⵉⵣⵢⴽⵓⵏⵉⴼⵉⵕⵓⵏⵚ, ⴳ ⵜⴰⵙⵎⵓⵏⵓⵉ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ ⴽⵕⴰⴹⵜ ⴼⵓⴽⵓⵙ ⵏ ⵓⵔⴱⴰⴱ ⴰⵏⴰⵡⴰⵡⵉ ⴷ ⵜⵏⴼⵔⵓⵜ ⵜⴰⵏⴼⴳⴰⵏⵜ, ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵙ ⵓⵎⵢⴰⵡⴰⵙ ⴷ ⵡⴰⵎⵎⴰⵙ ⵏ ⵊⵓⵏⵉⴼ ⵉ ⵜⵙⵔⵜⵉⵜ ⴷ ⵜⵏⴼⵔⵓⵜ, ⴷ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⴱⴷⴷⵉ ⵏ ⵜⵣⵣⵉⴳⵣⵜ ⵜⴰⵏⴰⵡⴰⵡⵉⵜ ⴷ ⵓⴽⵓⵙ ⵏ ⵓⵔⴱⴰⴱ, ⴷ ⵓⵙⵇⵇⵉⵎ ⵏ ⵉⵎⴰⵍ ⵏ ⵓⵎⴰⴹⴰⵍ.
ⴳ ⵓⵏⵎⵓⵇⵇⴰⵔ ⴰⴷ, ⵙⴰⵡⵍⵏ ⵉⵎⴰⵙⵙⴰⵏⵏ ⴼ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵓⵙⴱⴷⴷⵉ ⵏ ⵓⵔⴱⴰⴱ ⴰⵏⴰⵡⴰⵡⵉ ⴷ ⵉⵎⵉⵣⵉⵜⵏ ⵏⵏⵙ ⴼ ⵓⵎⴰⴹⴰⵍ, ⵙⴰⵡⵍ ⵓⵍⴰ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵓⵙⵎⵀⵍ ⵏⵏⵙⵏⵜ.
ⵙⴰⵡⵍⵏ ⵉⵎⴷⵔⴰⵡⵏ ⵓⵍⴰ ⴼ ⵉⴷⵔⵉⵣⵏ ⵏ ⵓⵔⴱⴰⴱ ⴰⵏⴰⵡⴰⵡⵉ ⴷ ⵡⴰⵜⵉⴳ ⵏ ⵓⴽⵓⵙ ⵏⵏⵙ ⴼ ⵜⵏⴼⵔⵓⵜ ⵜⴰⵏⴼⴳⴰⵏⵜ, ⵉⵏⵉⵏ ⵎⴰⵙ ⴷ ⵜⵇⵇⴰⵏ ⵜⵡⵡⵓⵔⵉ ⵉ ⵓⵙⴼⵔⴽ ⴼ ⵜⵣⴷⴰⵢⵜ ⵉⵍⵍⴰⵏ ⵊⴰⵔ ⵜⵉⵎⴽⵕⴰⴹ ⵜⵉⵙⵔⴷⴰⵙⵉⵏ ⵥⵍⵉⵏⵉⵏ ⵙ ⵉⵔⴱⴰⴱⵏ ⵉⵏⴰⵡⴰⵡⵉⵢⵏ ⴷ ⵜⵡⵡⵓⵔⵉⵡⵉⵏ ⵏ ⵓⴼⵔⴰⴳ ⵏ ⵓⴼⵔⴰ ⴷ ⵓⴷⵡⴰⵙ ⴰⴳⴷⵓⴷⴰⵏ ⴷ ⵓⵙⵡⵓⴷⴷⵓ ⵏ ⵉⴱⴰⵢⵢⵓⵕⵏ.
ⵜⵍⵍⴰ ⵜⵎⵢⴰⵇⵇⴰⵏⵜ ⵏ ⵓⵙⴳⴷⵍ ⵏ ⵉⵔⴱⴰⴱⵏ ⵉⵏⴰⵡⴰⵡⵉⵢⵏ ⵙⴳ 22 ⵉⵏⵏⴰⵢⵔ 2021, ⵉⵣⵎⵎⵉⵎ ⵜⵜ 53 ⵏ ⵓⵡⴰⵏⴽ.