ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵙⵉⵕⴰⵍⵢⵓⵏ ⴳ ⵓⵏⵎⵓⵇⵇⴰⵔ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵙⵉⵕⴰⵍⵢⵓⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 29 ⴷⵓⵊⴰⵏⴱⵉⵔ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⴰⵜⵓⵎⴰⵏⵉ ⴷⴰⵢⵏⴽⵉ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵙⵉⵕⴰⵍⵢⵓⵏ ⴳ ⵜⴳⵍⴷⵉⵜ ⵏ ⵍⵎⴰⵖⵔⵉⴱ.
ⴳ ⵜⵣⵡⵉⵔⵉ, ⵉⵙⵏⵉⵎⵎⵔ ⵓⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵙⵉⵕⴰⵍⵢⵓⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ ⴷ ⵓⵙⴱⵔⵔⴽ, ⵉⵙⵙⵔⵖⴷ ⵜ ⵙ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⵉⵙⴷⴷⵉⴷ ⴰⴷ ⵎⵖⵔⵏⵜ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴷ ⵓⵣⴷⴷⵓⵢ ⵊⴰⵔ ⵍⵎⵖⵔⵉⴱ ⴷ ⵙⵉⵕⴰⵍⵢⵓⵏ ⴳ ⵉⴳⵔⴰⵡⴰⵏ ⵉⴱⵕⵍⴰⵎⴰⵏⵉⵢⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ. ⵉⵏⵏⴰ ⵎⴰⵙⵙ ⴰⵜⵓⵎⴰⵏⵉ ⴷⴰⵢⵏⴽⵉ ⵎⴰⵙ ⴱⴷⴷⴰ ⵉⴱⴷⴷ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵙⵉⵕⴰⵍⵢⵓⵏ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵓⵙⵏⴰⵍ ⵏⵏⵙⵏⵜ ⴳ ⵜⴰⵙⵙⴰⵙⵉⵏ ⵜⵉⴷⵓⵙⴰⵏⵉⵏ, ⵉⵙⵓⵜⴳ ⵓⵍⴰ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵕⵕⴱⴰⵟ ⴷ ⴼⵕⵉⵟⴰⵡⵏ.
ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⵙ ⴰⵜⵓⵎⴰⵏⵉ ⴷⴰⵢⵏⴽⵉ, ⵉⴱⴷⵔ ⵜⵉⵕⵡⵉ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵙⵉⵕⴰⵍⵢⵓⵏ ⴳ ⴽⵓ ⵉⵙⵡⵉⵔⵏ ⴳ ⵓⵙⴰⵜⵉ ⵏ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵏ ⵜⵏⵏⵓⴱⴹⴰ ⵜⴰⵏⴰⵎⵓⵔⵜ ⴷ ⵓⵎⵣⴰⵖ ⵏ ⵜⵏⵓⴼⴰ ⵜⵓⴷⴷⵉⵔⵉⵏ ⵛⵛⴰⵔⵏⵉⵏ ⵏⵏⵙⵏ, ⵉⵙⴷⴷⵉⴷ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⵙ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴷ ⵉⵔⵣⴰⴼⵏ ⴷ ⵓⵣⴷⴷⵓⵢ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ ⴷ ⵉⵏⵎⴰⵏⴹⵏ ⴷ ⵉⵙⴳⴰⵡⴰⵏⵏ, ⴳ ⵉⵍⵍⴰ ⵓⴳⵔⴰⵡ ⵏ ⵜⵎⵓⵏⴰⵢ ⵜⵉⴱⵕⵍⴰⵎⴰⵏⵉⵢⵉⵏ ⵉⴼⵔⵉⵇⵢⴰ-ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵍⵍⵉ ⵔⴰⴷ ⵢⵉⵍⵉ ⴳ ⴱⵕⴰⵢⵕ ⴳ ⴱⴰⵏⴰⵎⴰ.
ⵉⴳⴰ ⵓⵙⵏⵓⴱⴳ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏ ⵎⴰⵙⵙ ⴰⵜⵓⵎⴰⵏⵉ ⴷⴰⵢⵏⴽⵉ, ⴰⵎⵙⵇⵇⴰⴷ ⵏ ⵙⵉⵕⴰⵍⵢⵓⵏ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.