ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⴽⵕⴰⴹ ⵜⵣⴰⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 20 ⴷⵓⵊⴰⵏⴱⵉⵔ 2021, ⵙ ⵓⵎⴰⴽⵕⴰⴹ ⵜⵣⴰⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ: ⵙⵏⴰⵜ ⵜⵉⵙⵉⵏⵔⴰⵏⵉⵏ ⴷ ⵙⴰⵜ ⵜⵉⴳⵜⵉⵔⴰⵏⵉⵏ. ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵉⵍⵉⵜ ⵏ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵜ ⴳ ⵓⴷⵖⴰⵔ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ.
ⵍⵍⴰⵏⵜ ⵜⵎⵢⴰⵇⵇⴰⵏⵉⵏ ⴰⴷ ⴰⴽⴷ ⵜⵛⴰⴷ ⴷ ⵚⵉⵕⴱⵢⴰⵏ, ⴽⵕⴰⴹⵜ ⴳ ⵓⵙⴰⵜⵉ ⴰⴼⵔⵉⵇⵉ, ⵙⵏⴰⵜ ⴷ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⴷ ⵙⵏⴰⵜ ⴳⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵙ ⵖⵎⴽ ⴰⴷ:
- ⴰⵙⵏⴼⴰⵔ ⵏ ⵓⵙⵍⴳⵏ 52.21 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵅⴼ ⵜⵏⴼⵔⵓⵜ ⵏ ⵓⵙⴰⵢⵔⵓⵔ ⴰⵍⵉⴽⵟⵕⵓⵏⵉ ⴷ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵉⵜⵜⵓⵙⵖⵣⴰⵏ ⴳ ⵎⴰⵍⴰⴱⵓ (ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ), 27 ⵢⵓⵏⵢⵓ 2014;
- ⴰⵙⵏⴼⴰⵔ ⵏ ⵓⵙⵍⴳⵏ 49.21 ⵉ ⵓⵎⵙⴰⵙⴰ ⴼ ⵓⵎⵇⵇⵏ ⵏ ⵉⵄⵔⵔⵉⵎⵏ ⵉⴼⵔⵉⵇⵉⵢⵏ , ⵉⵜⵜⵓⵙⵖⵣⴰⵏ ⴳ ⴱⴰⵏⵊⵓⵍ (ⴳⴰⵎⴱⵢⴰ), 2 ⵢⵓⵍⵢⵓⵣ 2006;
- ⴰⵙⵏⴼⴰⵔ ⵏ ⵓⵙⵍⴳⵏ 47.21 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵅⴼ ⵜⵎⵢⴰⵇⵇⴰⵏⵉⵏ ⵏ ⵓⴼⵓⴽⴽⵓ ⵜⵉⴳⵔⴰⵖⵍⴰⵏⵉⵏ ⵏ ⵜⵎⵣⵉⵣⵣⵍⵜ, ⵜⵜⵓⵙⵖⵣⴰⵏ ⴳ ⵏⵢⵓⵢⵓⵔⴽ ⴳ 20 ⴷⵓⵊⴰⵏⴱⵉⵔ 2018;
- ⴰⵙⵏⴼⴰⵔ ⵏ ⵓⵙⵍⴳⵏ 45.21 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡ&ⴰⵙ ⴰⵄⵚⴽⵕⵉ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵚⵉⵔⴱⵢⴰ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 5 ⵎⴰⵢ 2021;
- ⴰⵙⵏⴼⴰⵔ ⵏ ⵓⵙⵍⴳⵏ 42.21 ⵉ ⵓⵎⵙⴰⵙⴰ ⴼ ⵓⵙⵍⴻⵍⵍⵉ ⵏ ⵓⵙⵖⵏⵣⵉ ⴳ ⵜⵏⵓⴼⴰ ⵊⴰⵔ ⵉⵡⴰⵏⴽⵏ ⴰⵄⵕⴰⴱⵏ;
- ⴰⵙⵏⴼⴰⵔ ⵏ ⵓⵙⵍⴳⵏ 25.21 ⵉ ⵓⵎⵙⴰⵙⴰ ⴼ ⵓⵏⴳⵔⴰⵡ ⴰⵙⵉⵍⴰⵏ ⵏ ⵜⵎⴰⴷⴷⴰⵙⵜ ⵜⵓⵙⵍⵉⵎⵜ ⵉ ⵜⵏⴼⵔⵓⵜ ⴳ ⵜⵉⵔⴰⵎ, ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵏ ⴱⵕⵕ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⴳ ⵜⵙⵓⵜⵍⵜ 40 ⵉⵍⵍⴰⵏ ⴳ ⴽⵓⵏⴰⴽⵔⵉ (ⵖⵉⵏⵢⴰ) ⵙⴳ 9 ⴰⵔ 12 ⴷⵓⵊⴰⵏⴱⵉⵔ 2013.
- ⴰⵙⵏⴼⴰⵔ ⵏ ⵓⵙⵍⴳⵏ 21.21 ⵉ ⵓⵎⵙⴰⵙⴰ ⴼ ⵓⴱⵔⵓⵜⵓⴽⵓⵍ ⵏ 1988 ⵉⵣⴷⵉⵏ ⴷ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⵉⵔⵉⴳⵏ ⵏ ⵡⴰⵙⵙⴰⵢ ⵏ 1966, ⵜⵜⵓⵙⵖⵣⴰⵏ ⴳ ⵍⵓⵏⴷⵓⵏ ⴳ 11 ⵏⵓⵡⴰⵏⴱⵉⵔ 1988;
- ⴰⵙⵏⴼⴰⵔ ⵏ ⵓⵙⵍⴳⵏ 12.21 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⴰⵙⴰⵜⵉ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⴷ ⵉⵣⵓⵖⴰⵣ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵜⵛⴰⴷ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 26 ⴽⵟⵓⴱⵕ 2020;
- ⴰⵙⵏⵏⴼⴰⵔ ⵏ ⵓⵙⵍⴳⵏ 62.20 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⴼⵔⴰⴳ ⴷ ⵓⵙⵡⵓⴷⴷⵓ ⴷ ⵜⴳⵎⵉ ⵏ ⵡⴰⵡⵏⴰⴷ ⴰⵢⵍⴰⵏ ⴷ ⵜⵙⴳⴳⵉⵡⵉⵏ ⵏ ⵓⴼⵜⴰⵙ ⴰⵟⵍⴰⵚⵉ ⴳ ⵉⴼⵔⵉⵇⵢⴰ ⵏ ⵍⵖⵔⴱ ⴷ ⵜⵏⴰⵎⵎⴰⵜ ⴷ ⵜⵉⵏ ⵉⴼⴼⵓⵙ (ⵜⴰⵎⵢⴰⵇⵇⴰⵏⵜ ⵏ ⴰⴱⵉⴷⵊⴰⵏ) ⵉⵜⵜⵓⵙⵖⵣⴰⵏ ⴳ ⴰⴱⵉⴷⵊⴰⵏ ⴳ 23 ⵎⴰⵕⵚ 1981 ⴷ ⵓⴱⵔⵓⵜⵓⴽⵓⵍ ⵏⵏⵙ ⴼ ⵓⵎⵢⴰⵡⴰⵙ ⴳ ⵉⴳⵔ ⵓⴼⵔⴰⴳ ⵙⴳ ⵓⵙⴳⵓⴼⵙⵓ ⴳ ⵡⴰⴷⴷⴰⴷⵏ ⵀⵔⵛⵏⵉⵏ, ⵉⵜⵜⵓⵙⵖⵣⴰⵏⵏ ⴳ ⴰⴱⵉⴷⵊⴰⵏ ⴳ 23 ⵎⴰⵕⵚ 1981, ⵎⴽ ⵉⵜⵜⵓⵙⵏⴼⴰⵍ ⴳ 2011 ⴷ ⵓⴱⵔⵓⵜⵓⴽⵓⵍ ⴰⵎⴹⴼⵓⵔ ⵉⵣⴷⵉⵏ ⴷ ⵓⵙⴳⵓⴼⵙⵓ ⵏ ⵉⵖⴱⵓⵍⴰ ⴷ ⵜⵉⵍⴰⵍ ⵏ ⵡⴰⴽⴰⵍ, ⵉⵜⵜⵓⵙⵖⵣⴰⵏⵏ ⴳ ⴳⵔⴰⵏ ⴱⴰⵙⴰⵎ (ⴽⵓⵟⵉⴼⵡⴰⵕ) ⴳ 12 ⵢⵓⵏⵢⵓ 2012 ⴷ ⵓⴱⵔⵓⵜⵓⴽⵓⵍ ⴰⵎⴹⴼⵓⵕ ⵉⵣⴷⵉⵏ ⴷ ⵜⵔⵙⴰⵍ ⵜⵉⵡⵏⴹⴰⵏⵉⵏ ⵉ ⵓⵛⵓⴱⴱⵓ ⴷ ⵓⵙⵎⵔⵙ ⵏ ⵓⴱⵉⵜⵔⵓⵍ ⴷ ⵍⴳⴰⵣ ⴳ ⵢⵉⵍ, ⵉⵜⵜⵓⵙⵖⵣⴰⵏⵏ ⴳ ⴰⵎⵉⴷⵊⵓⵏ ⴳ 2 ⵢⵓⵍⵢⵓⵣ 2019 ⴷ ⵓⴱⵔⵓⵜⵓⴽⵓⵍ ⴰⵎⴹⴼⵓⵕ ⵉⵣⴷⵉⵏ ⵓⵙⵡⵓⴷⴷⵓ ⴰⵙⵉⴷⴼⴰⵏ ⵏ ⵜⵙⴳⴳⵉⵡⵉⵏ ⵏ ⵓⴼⵜⴰⵙ, ⵉⵜⵜⵓⵙⵖⵣⴰⵏⵏ ⴳ ⴰⴱⵉⴷⵊⴰⵏ ⴳ 2 ⵢⵓⵍⵢⵓⵣ 2019.