ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⵙⵇⵇⴰⴷⵜ ⵏ ⴱⵉⵍⵊⵉⴽ
ⵉⵙⵏⵓⴱⴳ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 8 ⴷⵓⵊⴰⵏⴱⵉⵔ, ⵎⴰ.ⴼⵉⵔⵓⵏⵉⴽ ⴱⵓⵜⵉ, ⵜⴰⵎⵙⵇⵇⴰⴷⵜ ⵏ ⴱⵉⵍⵊⵉⴽ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵜⵣⵡⵉⵔⵉ, ⵜⵙⵙⵔⵖⴷ ⵜⵎⵙⵇⵇⴰⴷⵜ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ, ⵜⵙⵓⵜⴳ ⵜⴰⵡⵡⵓⵔⵉ ⵜⴰⴷⵉⴱⵍⵓⵎⴰⵙⵉⵜ ⴷ ⵜⴱⴰⵕⵍⴰⵎⴰⵏⵉⵜ ⵍⵍⵉ ⵉⵙⴽⴰⵔ ⵓⵙⵇⵇⵉⵎ, ⵖⵎⴽ ⴰⵏⵏ ⴷ ⵜⵣⴷⴰⵢⵉⵏ ⵊⴰⵔ ⵕⵕⴱⴰⵟ ⴷ ⴱⵔⵓⴽⵙⵉⵍ ⴳ ⵜⴷⵎⵙⴰ ⴷ ⵓⵙⵖⵏⵣⵉ ⴷ ⵜⵎⴳⵓⵔⵉ ⴷ ⵜⴷⵍⵙⴰ, ⵜⵙⵓⵜⴳ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴽⵓⴼⵉⴷ 19.
ⵜⵉⵏⵉ ⵜⵎⵙⵇⵇⴰⴷⵜ ⵜⴰⴱⵉⵍⵊⵉⴽⵉⵜ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵜⵎⴷⵔⴰⵡⵉⵏ ⴷ ⵓⵏⵏⵓⵕⵥⵎ ⴼ ⵉⵙⴰⵢⵔⵓⵔⵏ ⵉⵎⴰⵢⵏⵓⵜⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⵜⵉⵎⵉⵣⴰⵔ ⵣⴷⵉⵏⵉⵏ ⴷ ⴱⵉⵍⵊⵉⴽ ⴰⵎ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ, ⴰⵛⴽⵓ ⵍⵍⴰⵏ ⴽⵉⴳⴰⵏ ⵏ ⵉⵙⵏⴼⵍⵏ ⴳ ⵓⵎⴰⴹⴰⵍ. ⵙ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⴼ ⵜⵎⵙⴰⵔⵉⵏ ⴰⵎ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⵎⵢⴰⵏⵏⴰⵡⵜ ⵜⴰⵙⵏⵉⵍⵙⵜ ⴷ ⵜⴷⵍⵙⴰⵏⵜ ⴷ ⵓⵣⵡⴰⴳ ⴷ ⵜⴰⵔⵏⴰⵎⵎⴰⵙⵜ, ⴳⵉⵏ ⵉⴱⵕⵍⴰⵎⴰⵏⵏ ⵉⴷⵖⴰⵔⵏ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰ.ⴼⵉⵔⵓⵏⵉⴽ ⴱⵓⵜⵉ ⵜⴰⵎⵙⵇⵇⴰⴷⵜ ⵏ ⴱⵉⵍⵊⵉⴽ, ⵉⵙⴷⴷⵉⴷ ⴼ ⵓⵙⵡⵉⵔ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵉⵍⵊⵉⴽ, ⴷ ⵓⵙⵉⵙⵙⵏ ⵏ ⴱⵔⵓⴽⵙⵉⵍ ⵙ ⵜⵢⴰⵏⴰⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵎⵣⴰⵖ ⵏⵏⵙ ⴼ ⵜⵏⵓⴼⴰ ⵏⵏⵙ ⵜⵓⴷⴷⵉⵔⵉⵏ ⴳ ⵉⵏⵎⵓⵇⵇⴰⵔⵏ ⵉⵎⵏⵥⴰⵡⵏ ⴷ ⵉⴳⵔⴰⵖⵍⴰⵏⵏ.
ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵕⵡⵉ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵔⵓⴽⵙⵉⵍ, ⵢⵉⵏⵉ ⵎⴰⵙ ⵜⴳⴰ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵊⴰⵔ ⵏⵏⵙⵏ ⴰⵏⴰⵡ ⵉⵕⵡⴰⵏ ⴳ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ. ⵢⵉⵏⵉ ⵎⴰⵙ ⵉⵏⵏⵓⵕⵥⵎ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵙⵏⵜⴰⵢⵉⵏ ⴷ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ ⴰⵎ ⵜⴰⵔⵏⴰⵎⵎⴰⵙⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⵖⵔ ⴰⵜⵉⴽⵏⵓⵍⵓⵊⵉ ⴷ ⵜⵎⵓⵟⵟⵓⵏⵜ ⴷ ⵜⵎⴳⵓⵔⵉ ⵏ ⵉⵙⴰⴼⴰⵔⵏ.
ⵉⵙⴷⴷⵉⴷ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵎⵔⵙⵍ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵉⵍⵊⵉⴽ, ⵃⵎⴰ ⴰⴷ ⵢⵉⵍⵉ ⵚⴰⵃⴰ ⵙⴳ ⵜⵉⵔⵎⵉⵜⵉⵏ ⵥⵉⵍⵏⵉⵏ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵙ ⵓⵙⵎⵓⵏ ⵏ ⵜⴰⵏⵏⴰⵢⵢⵉⵏ ⴷ ⵡⴰⴷⴷⴰⴷⵏ ⵅⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ ⴷ ⵓⵙⴽⵔ ⵏ ⵉⵙⴰⵢⵔⵓⵔⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ ⴷ ⵓⵣⴷⴷⵓⵢ.