ⴰⵙⵜⴰⵢ ⵏ ⵍⵎⵖⵔⵉⴱ ⴷ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵉⵎⴰⵔⴰⵜⵏ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ

ⵉⵜⵜⵓⵙⵜⴰⵢ ⵍⵎⵖⵔⵉⴱ ⴷ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵉⵎⴰⵔⴰⵜⵏ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ, ⴳ ⵜⵙⵎⵓⵏⵉ ⵏ ⵜⴳⵔⴰⵡⵜ ⴰⴷ ⵉⵍⵍⴰⵏ ⴳ ⵎⴰⴷⵔⵉⴷ  ⴰⵙⵙ ⵏ ⵓⵚⵉⴹⵢⴰⵚ ⴳ ⵓⴳⵔⴰⵡ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.

ⵙ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴰⵙ ⵜⵜⵓⵙⵜⴰⵢ ⵜⴳⵍⴷⵉⵜ ⵙ ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵢⵉⵏⵉ ⵎⴰⵙⵙ ⵍⵅⴰⴷⴷⵉ ⵎⴰⵙ ⴰ ⵉⵎⵎⴰⵍ ⵓⵙⵜⴰⵢ ⵏ ⵍⵎⵖⵔⵉⴱ ⴰⴷ ⵉⴳ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⴷ, ⴰⴷⵖⴰⵔ ⵉⵥⵍⵉⵏ ⵍⵍⵉ ⵉⵟⵟⴰⴼ ⵍⵎⵖⵔⵉⴱ ⴷ ⵓⴱⵕⵍⴰⵎ ⴰⵎⵖⵔⵉⴱⵉ ⴳ ⵓⵏⴳⵔⴰⵡ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ.

ⵢⵉⵏⵉ ⵎⴰⵙ ⵉⴳⴰ ⵓⵙⵜⴰⵢ ⴰⴷ ⴰⵙⵉⵙⵙⵏ ⵙ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵜⵎⵙⴽⴰⵔ ⵏⵏⵙ ⴳⴳⵓⵔⴰⵏⵉⵏ ⵙ ⵉⵎⵓⴽⵏⵏ ⵎⵇⵇⵓⵔⵏⵉⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ.

ⵉⵣⵎⵎⵉⵎ ⵎⴰⵙ ⵉⴳⴰ ⵓⵙⵜⴰⵢ ⴰⴷ ⵜⴰⵢⵢⴰⴼⵓⵜ ⵏ ⵜⵡⵡⵓⵔⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵜⵡⵉⵙⵉ ⵏⵏⵙ ⵉⵕⵡⴰⵏ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.

ⵜⵎⵓⵏ ⵜⵎⵙⵎⵓⵏⵜ ⵏ ⵉⵎⴰⵔⴰⵜⵏ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⵙⵍⵓ ⴳ 16 ⵖⵓⵛⵜ 1939, ⴰⵔ ⵜⵜⵉⵍⵉ ⴼ ⵓⵙⵔⵙ ⵏ ⵜⴱⵔⵉⴷⵉⵏ ⴷ ⵜⵎⵙⴽⴰⵔ ⵏ ⵉⴱⵕⵍⴰⵎⴰⵏⵏ, ⴷ ⵓⵙⵔⵙ ⵏ ⵉⵙⵡⵓⴷⴷⵓⵜⵏ ⵉ ⵓⵙⵖⵓⴷⵓ ⵏⵏⵙⵏⵜ ⴷ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ.

ⵉⵍⵍⴰ ⴳ ⵜⵎⵙⵎⵓⵏⵜ ⵓⴳⴳⴰⵔ ⵏ 130 ⵏ ⵓⴱⵕⵍⴰⵎⴰⵏ  ⵙⴳ ⵓⵎⴰⴹⴰⵍ, ⵙ ⵜⵓⵜⵔⴰ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴰⵔ ⴷⵉⴷⵙ ⵜⵜⵎⵢⴰⵡⴰⵙ ⴳ ⵜⵎⵥⵍⴰⵢ ⵏⵏⵙ, ⵖⵎⴽ ⵍⵍⵉ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵉⵏⵇⵇⵉⵙⵏ ⵉⵙⴳⴳⵯⵙⴰⵏⵏ ⴼ ⵜⵉⵍⴰⵍ ⵏ ⵜⴰⵎⵓⵏⵜ ⵉ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.