ⵉⵎⵎⴰⵖ ⵍⵎⵖⵔⵉⴱ ⴼ ⵜⵡⵉⵙⵉ ⵉⵕⵡⴰⵏ ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⴱⵕⵍⴰⵎⵏⵉⵢⵉⵏ ⵜⵉⵙⴳⴰⵡⴰⵏⵉⵏ (ⵎ.ⵟⴰⵍⴱⵉ ⵍⵄⴰⵍⴰⵎⵉ)

ⵉⵙⴷⴷⵉⴷ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 25 ⵏⵓⵡⴰⵏⴱⵉⵔ ⴳ ⵎⴰⴷⵔⵉⴷ, ⵎⴰⵙ ⵉⵎⵎⴰⵖ ⵍⵎⵖⵔⵉⴱ ⴰⴷ ⴱⴷⴷⴰ ⵉⵜⵜⴰⵡⵙ ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⴳⴰⵡⴰⵏⵉⵏ, ⵍⵍⵉⵖ ⴰ ⵜⴰⴽⴽⴰ ⵜⴳⵍⴷⵉⵜ ⴰⵜⵉⴳ ⵉ ⵜⵣⴷⴰⵢⵉⵏ ⵏⵏⵙ ⴰⴽⴷ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⴰⵍ ⴷ ⵜⴰⵢⵜⵎⴰⵜⵉⵏ.

ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⴳⵓⵔⵉ ⵏⵏⵙ ⵉ ⵍⴰⵎⴰⴱ, ⵍⵍⵉⵖ ⵉⴷⵔⵓ ⴰⴽⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵊⵢⵓ-ⵜⵉⵙⵔⵜⴰⵏⵉⵏ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ, ⴳ ⵓⴳⵔⴰⵡ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ 26 ⴰⵔ 30 ⵏⵓⵡⴰⵏⴱⵉⵔ ⴳ ⵎⴰⴷⵔⵉⴷ, ⵎⴰⵙ ⵙⵔⵙⵏ ⵉⵏⵎⵓⵇⵇⴰⵔⵏ ⴰⴷ ⴰⵖⴰⵡⴰⵙ ⴼ ⵜⵡⵉⵙⵉ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵉⴼⵔⵉⵇⵉⵢⵏ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵜ, ⵉⴳ ⵡⴰⵡⵜⵜⴰⵙ ⴰⵎⵣⴰⵖ ⵏ ⵜⵏⵓⴼⴰ ⵜⵉⵎⴰⵜⵜⵓⵢⵉⵏ ⵏ ⵍⵎⵖⵔⵉⴱ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ.

ⵉⵜⵜⵓⵙⵜⴰⵢ ⵍⵎⵖⵔⵉⴱ ⴰⴷ ⵉⴳ ⴰⴳⵏⵙⴰⵙ ⵏ ⵜⵔⴰⴱⴱⵓⵜ ⵜⴰⵊⵢⵓ-ⵜⴰⵙⵔⵜⴰⵏⵜ ⴳ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.

ⵜⴻⵜⵜⵓⵙⴽⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ ⵓⴳⴳⴰⵔ ⵏ 130 ⵏ ⵓⵙⴳⴳⵯⴰⵙ, ⵜⵎⵎⴰⵖ ⴼ ⵓⵎⵢⴰⵡⴰⵙ ⴷ ⵓⵎⵙⴰⵡⴰⵍ ⵊⴰⵔ ⵜⵉⵎⵜⵜⴰ. ⴳⵉⵙ 179 ⵏ ⵓⴱⵕⵍⴰⵎⵏ ⴷ 13 ⵏ ⵜⵎⴰⴷⴷⴷⴰⵙⵜ. ⵉⵎⵎⴰⵖ ⴼ ⵜⵏⵏⵓⴱⴹⴰ ⵜⴰⴳⵔⴰⵖⵍⴰⵏⵔ, ⴷ ⵜⵡⵡⵓⵔⵉ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵜⵏ ⴰⵔ 2030.