ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴰⵎⴰⵔⵉ ⴰⵎⴰⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵉⵏⵏⴰⵡⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ ⴼ ⵓⵙⵙⴰⵔⵓ ⴳ ⵜⴼⵍⵍⴰⵃⵜ ⴷ ⵉⵏⴳⵔⴰⵡⵏ ⵏ ⵜⵉⵔⴰⵎ
ⵢⵉⵡⵙ ⵎⴰⵙⵙ ⵎⵓⵃⴰⵎⵎⴰⴷ ⵚⵉⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 25 ⵏⵓⵡⴰⵏⴱⵉⵔ 2021, ⴳ ⵜⵉⵏⵏⴰⵡⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ, ⵙ ⵓⵎⵢⴰⵡⴰⵙ ⴷ ⵜⵎⴰⴷⴷⴰⵙⵜ ⵏ ⵜⵉⵔⴰⵎ ⴷ ⵜⴼⵍⵍⴰⵃⵜ ⵏ ⵜⵎⵜⵜⴰ ⵎⵓⵏⵏⵉⵏ, ⴰⵙⵉⵏⴰⴳ ⴰⴳⵔⴰⵖⵍⴰⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴼ ⵓⵙⵙⴰⵔⵓ ⴳ ⵉⴳⵔⴰⵏ ⵏ ⵜⴼⵍⵍⴰⵃⵜ ⴷ ⵉⵏⴳⵔⴰⵡⵏ ⵏ ⵜⵉⵔⴰⵎ, ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ.
ⵉⵙⴰⵡⵍ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⴳⴰⵔ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴼ ⵜⴼⵍⵍⴰⵃⵜ ⴷ ⵉⵏⴳⵔⴰⵡⵏ ⵏ ⵜⵉⵔⴰⵎ, ⵍⵍⵉⵖ ⵉⵛⵇⴰ ⵓⵎⵓⴷⴷⵓ ⵉⴱⴷⴷ ⵓⵍⴰ ⵓⴼⴰⵔⵙ ⵉⵥⵍⵉⵏ ⵙ ⵉⴼⴰⵔⴰⵏⵏ.
ⵉⵙⴰⵡⵍ ⵎⴰⵙⵙ ⵚⵉⴱⴰⵕⵉ ⴼ ⵓⵏⴰⵔⵓⵣ ⵏⵏⵙ ⴰⴷ ⵉⵙⴽⵔ ⵍⵖⵔⵉⴱ, ⵉⴳⴰⵏ ⴰⴳⵎⴰⵎ ⵉⵎⵥⵕⵉ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ, ⵜⵉⵍⴰⵍⵜ ⵏⵏⵙ ⴳ ⵓⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⴰⵙⵢⴰ ⴷ ⵉⴼⵔⵉⵇⵢⴰ, ⴷ ⵓⵙⵏⴼⵍ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵜⵜⴰⵡⵙⵏⵉⵏ ⴰⴷ ⵉⴷⴷⵔ ⵜⵓⴷⵔⵜ ⵉⵥⵉⵍⵏ ⵏ ⵉⵏⵎⵓⵔⴰⵏ.
ⵉⵙⵎⵏⵉⴷ ⵎⴰⵙⵙ ⴰⵎⴰⵔⵉ ⵜⴰⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵜⴼⵍⵍⴰⵃⵜ ⴳ ⵓⵖⴰⵡⴰⵙ “ ⵜⴰⵙⵓⵜ ⵜⴰⵣⴳⵣⴰⵡⵜ 2020/2030”, ⵉⴱⴷⴷⵏ ⴼ ⵜⵎⵏⴰⴳⴰⵔⵜ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴼ ⵜⴼⵍⵍⴰⵃⵜ ⴷ ⵉⵏⴳⵔⴰⵡⵏ ⵏ ⵜⵉⵔⴰⵎ. ⴰⵎ ⴰⵖⴰⵡⴰⵙ ⴰⵏⴰⵎⵓⵔ ⵉ ⵡⴰⵎⴰⵏ, ⴷ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵜⵎⵙⵙⵏⵜⴰⵢ ⴷ ⵓⵖⴰⵡⴰⵙ ⵏ ⵓⵙⵎⵖⵔ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ.
ⵉⵙⴰⵡⵍ ⵎⴰⵙⵙ ⵚⵉⴱⴰⵕⵉ ⴼ ⵜⵙⵜⵔⴰⵜⵉⵊⵉⵜ ⵜⴰⵏⴼⵍⴰⵃⵜ ⵏ ⵍⵎⵖⵔⵉⴱ ⴰⵔ 2030, ⵉⴱⴷⴷⵏ ⴼ ⵓⵙⵎⵖⵔ ⵏ ⵓⵢⴰⴼⵓ ⴰⴳⵯⵏⵙⴰⵏ ⴰⵏⴼⵍⴰⵃ ⴷ ⵡⴰⵜⵉⴳ ⵏ ⵉⵙⵓⴼⵖⵏ, ⴷ ⵓⵙⴽⵔ ⵏ ⵜⵡⵡⵓⵔⵉ ⴷ ⵓⵙⵖⵓⴷⵓ ⵏ ⵜⵓⴷⵔⵜ ⵏ ⵉⴼⵍⵍⴰⵃⵏ, ⴷ ⵓⵙⴽⵔ ⵏ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵜⴷⵓⵍⵉ ⵜⴰⵏⴰⵎⵎⴰⵙⵜ ⵙ ⵉⵎⵙⵙⵏⵜⵉⵢⵏ ⵉⵎⴰⵢⵏⵓⵜⵏ ⴳ ⵢⵉⴳⵔ ⵏ ⵜⴼⵍⵍⴰⵃⵜ, ⴷ ⵓⵙⴽⵔ ⵏ ⵜⵎⴰⴷⴷⴰⵙⵉⵏ ⵜⵉⴼⵍⵍⴰⵃⵉⵏ ⴷ ⵜⵎⴰⵎⴽⵉⵏ ⵏ ⵓⴹⴼⵕ ⴳ ⵓⵥⵕⴼ ⴷ ⵓⵙⵍⴳⵏ ⴷ ⵡⴰⵢⴷⴰ...
ⴼ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵍⵍⵉ ⵉⴳⴰⵏ ⴰⵛⴰⵎⵓⵛ ⵏ ⵜⵙⵔⵜⵉⵜ ⵏ ⴱⵕⵕⴰ ⵏ ⵍⵎⵖⵔⵉⴱ, ⵉⵙⴰⵡⴰⵍ ⵎⴰⵙⵙ ⵚⵉⴱⴰⵕⵉ ⴼ ⵓⵍⵜⴰⵖ ⵏ ⵜⴳⵍⴷⵉⵜ ⴳ ⵉⵙⵏⴼⴰⵔⵏ ⵉⵙⵜⵔⴰⵜⵉⵊⵉⵢⵏ ⵏ ⴽⵉⴳⴰⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵉⵎⴷⴷⵓⴽⴽⴰⵍ ⴳ ⵢⵉⴳⵔ ⴰⵏⴼⵍⴰⵃ ⴰⵎ ⵡⵉⵏ ⵓⵙⵏⴳⵉⴷⴷⵉ ⵏ ⵜⴼⵍⵍⴰⵃⵜ ⵖ ⵉⴼⵔⵉⵇⵢⴰ ⵉⵡⴰⵜⵜⵙⵏ ⴰⵙⴷⵓⵙ ⵏ ⵜⵙⵓⴳⴰⵔ ⵏ ⵉⵎⵙⴽⴰⵔⵏ ⴳ ⵢⵉⴳⵔ ⴰⴷ, ⴷ ⵓⵍⵜⴰⵖ ⵏ ⵓⵙⵉⵔⴰ ⴰⵛⴰⵔⵉⴼ ⵏ ⵍⴼⵓⵚⴼⴰⵟ ⴳ ⵉⵙⵏⴼⴰⵔⵏ ⵏ ⵓⴼⴰⵔⵙ ⵏ ⵍⴰⵏⴳⵔⵉⵢⴰⵜ ⴳ ⵎⵏⵏⴰⵡ ⵉⵡⴰⵏⴽⵏ ⵏ ⵓⵎⴰⴹⴰⵍ, ⵖⵎⴽ ⴰⵏⵏ ⴰⴼⴰ ⵉⵜⵜⵉⵍⵉ ⵚⴰⵃⴰ ⵙⴳ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ.
ⵉⵙⴰⵡⵍ ⵎⴰⵙⵙ ⴰⵎⴰⵔⵉ ⵓⵍⴰ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵜⵙⵔⵜⴰⵢ ⵜⵓⵏⴱⵉⴹⵉⵏ, ⴷ ⵜⵉⵍⴰⵍ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⴳ ⵢⵉⴳⵔ ⵏ ⵓⴼⴰⵔⵙ ⴳ ⵜⴼⵍⵍⴰⵃⵜ ⴷ ⵜⵉⵔⴰⵎ, ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵉⵍⴰⵍ ⵏ ⵓⴼⴳⴰⵏ ⴳ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵔⴰⵏⵉⵏ ⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ.
ⴳ ⵜⵉⵏⵏⴰⵡⵜ, ⵉⵍⵍⴰ ⵓⵙⵎⵏⵉⴷ ⵏ ⵙⵉⵏ ⵉⵙⵎⵏⵉⴷⵏ ⴼ ⵜⵔⵙⴰⵍ ⵏ ⵓⵙⵙⴰⵔⵓ ⴳ ⵜⴼⵍⵍⴰⵃⵜ ⴷ ⵓⴼⴰⵔⵙ ⵏ ⵜⵉⵔⴰⵎ, ⴷ ⵓⵙⵎⵏⵉⴷ ⵏ ⵓⵎⴰⵏⴰⵔ ⵉ ⵉⴱⵕⵍⴰⵎⵏⵉⵢⵏ, ⵍⵍⵉ ⵔⴰⴷ ⵜⵙⵖⵣⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ ⵃⵎⴰ ⴰⴷ ⵢⵉⵍⵉ ⵡⴰⵡⵏⴰⴹ ⴷ ⵢⵓⵙⴰⵏ ⴳ ⵉⴳⵔⴰⵏ ⴰⴷ ⴷ ⵓⵙⵉⴷⴼ ⵏ ⵉⵙⵙⴰⵔⵓⵜⵏ ⴰⴷ ⴼ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵖⴰⵡⴰⵙ ⴰⵣⵣⵔⴰⴼ.
ⵜⴳⴰ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ ⵉⵜⵜⵓⵙⵙⴰⵏ ⵙ ⴰⵙⵢⴰⵏ ⴰⴳⵔⴰⵡ ⴰⴷⵎⵙⴰⵏ ⴷ ⵓⵙⵔⵜⴰⵏ ⵉⵍⵍⴰⵏ ⴳ 1967, ⴳⵉⵙ 10 ⵉⵡⴰⵏⴽⵏ: ⵉⵏⴷⵉⵏⵓⵙⵉⵢⴰ, ⵙⴰⵏⵖⴰⴼⵓⵔⴰ, ⵎⴰⵍⵉⵣⵢⴰ, ⴼⵉⵜⵏⴰⵎ, ⵟⴰⵢⵍⴰⵏⴹ, ⵎⵢⴰⵏⵎⴰⵔ, ⴼⵉⵍⵉⴱⵉⵏ, ⴱⵔⵓⵏⴰⵢ, ⵍⴰⵡⵙ, ⴽⴰⵎⴱⵓⴷⵢⴰ. ⵜⵡⴰⵜⵜⵙ ⴰⴷ ⵜⵉⵍⵉ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⴳ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ, ⴷ ⵓⵙⴽⵔ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⵊⴰⵔ ⵉⵡⴰⵏⴽⵏ ⵏⵏⵙ.