ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⴼⴰⵍⵉⵚⵟⵉⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 11 ⵏⵓⵡⴰⵏⴱⵉⵔ 2021, ⵎⴰⵙⵙ ⵊⴰⵎⴰⵍ ⵄⴰⴱⴷⵍⵍⴰⵟⵉⴼ ⵚⴰⵍⵉⵃ ⵛⵛⵓⴱⴽⵉ, ⴰⵎⵙⵇⵇⴰⴷ ⵏ ⴼⴰⵍⵉⵚⵟⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵜⵣⵡⵉⵔⵉ ⵏ ⵓⵏⵎⵓⵇⵇⴰⵔ, ⵉⵙⵙⵔⵖⴷ ⵓⵎⵙⵇⵇⴰⴷ ⵏ ⴼⴰⵍⵉⵚⵟⵉⵏ ⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴼⴽ ⴰⵙ ⵜⴰⴱⵔⴰⵜ ⵏ ⵓⵙⵔⵖⴷ ⵖⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ ⵎⴰⵙⵙ ⵙⴰⵍⵉⵎ ⵣⵣⴰⵄⵏⵓⵏ. ⵉⵙⵓⵜⴳ ⵓⵎⵙⵇⵇⴰⴷ ⴰⴷⴷⴰⴷⵏ ⵏ ⵍⵎⵖⵔⵉⴱ ⵎⵏⵉⴷ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⴷ ⵍⵇⵓⴷⵙ ⵛⵛⴰⵔⵉⴼ, ⴷ ⵓⵣⵔⴼ ⵏ ⵓⵎⴰⴷⴰⵏ ⴰⴼⴰⵍⵉⵚⵟⵉⵏⵉ ⴳ ⵓⵙⴽⵔ ⵏ ⵓⵡⴰⵏⴽ ⵏⵏⵙ ⴰⵏⵙⵉⵎⴰⵏ, ⵉⴱⴷⵔ ⵜⵉⵍⴰⵍⵜ ⵜⴰⵎⵣⵡⴰⵔⵓⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜⵉ ⵖ ⵓⵙⵎⵖⵔ ⵏ ⵓⴼⵔⴰ ⴷ ⵓⵔⴳⴳⵉⴳ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ.
ⵉⵙⴰⵡⵍ ⵓⵎⵙⵇⵇⴰⴷ ⴰⴼⵉⵍⵉⵚⵟⵉⵏⵉ ⴼ ⵓⵙⵓⵜⴳ ⵏⵏⵙ ⵏ ⵜⵙⵏⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵃⴼⴹ ⵕⴱⴱⵉ, ⴷ ⵉⵙⵡⴰⵍⴰⵢⵏ ⵏⵏⵙ ⴰⵜⵜⵓⵢⵏⵉⵏ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴰⵢⵍⵍⵉ ⵉⵙⴽⵔⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⴳ ⵓⵎⵏⵥⴰⵡ ⴷ ⵓⵎⴰⴹⴰⵍ. ⵉⵙⵓⵜⴳ ⵓⵎⵙⵇⵇⴰⴷ ⵓⵍⴰ ⵜⵉⵔⵎⵉⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⵖⵔⵉⴱⵉⵜ ⴷ ⵓⵣⵎⵣ ⴳ ⵣⵔⵉⵏ ⵉⵙⵜⴰⵢⵏ ⴳⴳⵓⵔⴰⵏⵉⵏ ⵎⵇⵇⴰⵔ ⵍⵍⴰⵏⵜ ⵜⵙⵓⵜⵍⵉⵏ ⵜⵉⴷⵓⵙⴰⵏⵉⵏ ⵜⵉⵎⴰⴹⵍⴰⵏⵉⵏ ⵍⵍⵉ ⵓⵔ ⴱⴷⴷⵏⵉⵏ ⴷⴰⵜ ⵏ ⵓⵣⵣⵔⴰⵢ ⵏ ⵉⵙⵜⴰⵢⵏ ⴳ ⵓⵣⵎⵣ ⵏⵏⵙⵏ ⴷ ⵓⵡⵇⵇⵔ ⵏ ⵜⵎⵙⴽⴰⵔ ⵜⵉⴷⵓⵙⴰⵏⵉⵏ.
ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⵓⵜⴳ ⵎⴰⵙⵙ ⵊⴰⵎⴰⵍ ⵄⴰⴱⴷⵍⵍⴰⵟⵉⴼ ⵚⴰⵍⵉⵃ ⵛⵛⵓⴱⴽⵉ, ⵜⵉⵙⵏⵜⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⵉ ⵓⵙⵏⴰⵍ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ, ⵉⵙⵓⵜⴳ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴷ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ ⴷ ⵓⵣⴷⴷⵓⵢ ⵉⵥⵉⵍⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⵙⴳⴰⵡⴰⵏⵏ ⴷ ⵉⵏⵎⵏⴰⴹⵏ ⵉ ⵓⵡⵇⵇⵔ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵓⵎⵣⴰⵖ ⵏ ⵉⵣⵔⴼⴰⵏ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ , ⵍⵍⵉⵖ ⵉⵟⵟⴰⴼ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵍⵉⵜ ⵉⵥⵉⵍⵏ ⴳ ⴽⵉⴳⴰⵏ ⵏ ⵜⴳⵔⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵉⵙⴰⵡⵍ ⵓⵎⵙⵇⵇⴰⴷ ⵏ ⴼⴰⵍⵉⵚⵟⵉⵏ ⴼ ⵜⵉⵔⴰⵜ ⵏⵏⵙ ⵃⵎⴰ ⴰⴷ ⴷⵓⵙⵏⵜ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⴼⴰⵍⵉⵚⵟⵉⵏ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⴷ ⵓⵣⴷⴷⵓⵢ ⴳ ⵉⵙⴰⵢⵔⵓⵔⵏ ⵉⴱⵕⵍⴰⵎⴰⵏⵉⵢⵏ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⴼⴰⵍⵉⵚⵟⵉⵏ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ ⴼ ⵓⵙⵙⵔⵖⴷ ⴷ ⵓⵙⵡⵉⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵥⵉⵍⵏⵉⵏ, ⵉⵙⴷⴷⵉⴷ ⵎⴰⵙ ⴱⴷⴷⵏ ⵉⵎⵓⵔⴰ ⴼ ⵡⴰⴷⴷⴰⴷ ⵏ ⵓⵙⵏⴰⵍ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⵙ ⵓⴹⴼⵕ ⵏ ⵜⵣⵣⵉⴳⵣⵜ ⵏ ⵉⵙⵓⵔⵙⵏ ⴳ ⴼⴰⵍⵉⵚⵟⵉⵏ ⵙ ⵓⵎⵣⴰⵖ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⵙ ⵓⵎⵢⴰⵡⴰⴹ ⵉⵙⵓⵍⵏ ⴰⴽⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ.
ⵉⵙⵎⴰⵢⵏⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⴷⴷⵉⴷ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ, ⴷ ⵎⴰⵙ ⵔⴰⴷ ⵎⵖⵔⵏⵜ ⵙ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵣⴷⴷⵓⵢ ⵏ ⵡⴰⴷⴷⴰⴷⵏ ⴷ ⵓⵎⵛⴰⵡⴰⵕ ⴳ ⵉⵏⵎⵓⵇⵇⴰⵔⵏ ⵏ ⵜⵎⵓⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ.
ⵉⴳⴰ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵏ ⵓⵎⵙⵇⵇⴰⴷ ⵏ ⴼⴰⵍⵉⵚⵟⵉⵏ ⵎⴰⵙⵙ ⵊⴰⵎⴰⵍ ⵄⴰⴱⴷⵍⵍⴰⵟⵉⴼ ⵛⵛⵓⴱⴽⵉ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴼ ⵜⵎⵙⴰⵔⵉⵏ ⵜⵉⵙⵏⵔⴰⵏⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ.