ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⵏⴰⵏⵜ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 10 ⵏⵓⵡⴰⵏⴱⵉⵔ 2021, ⵎⴰⵙⵙ ⵍⵉ ⵜⵛⴰⵏⵖⵍⵉⵏ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⴰⵏⴰⵏⵜ ⴳ ⵍⵎⵖⵔⵉⴱ.
ⴳ ⵜⵣⵡⵉⵔⵉ, ⵉⵙⵏⵉⵎⵎⵔ ⵓⵎⵙⵇⵇⴰⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ, ⵢⵉⵏⵉ ⴰⵙ ⴰⵙⵙⵔⵖⴷ ⵏⵏⵙ ⴷ ⵓⵙⵙⵔⵖⴷ ⵏ ⵓⵏⴳⴳⵯⵓ ⵏⵏⵙ ⴰⵛⵉⵏⵡⵉ ⴼ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⵜⴳ ⵜⵉⵣⴷⴰⵢⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵥⵉⵍⵏⵉⵏ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⵏⴰⵏⵜ, ⵍⵍⵉ ⵉⵣⵣⵉⴳⵣⵏ ⴷⴼⴼⵉⵔ ⵏ ⵓⵔⵣⴼ ⴰⴳⵍⴷⴰⵏ ⵉ ⴱⵉⴽⴽⵉⵏ ⴳ 2016, ⴷ ⵜⵙⵏⵜⴰⵢⵉⵏ ⵍⵍⵉ ⵙⴽⵔⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ, ⴷ ⵓⵙⴽⵔ ⵏ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⴳ ⵜⵉⵍⴰⵡⵜ ⴳ ⴽⵓ ⵉⴳⵔⴰⵏ.
ⵉⵙⴰⵡⵍ ⵓⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⵏⴰⵏⵜ ⴼ ⵜⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵊⴰⵔ ⵕⵕⴱⴰⵟ ⴷ ⴱⵉⴽⴽⵉⵏ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⴳ ⴽⵓ ⵉⴳⵔⴰⵏ ⵏ ⵜⴷⵎⵙⴰ ⴷ ⵜⵎⴳⵓⵔⵉ ⴷ ⵜⴷⵍⵙⴰ ⴷ ⵜⵓⵙⵙⵏⴰ ⴷ ⵓⴷⵡⴰⵙ, ⵉⵙⵓⵜⴳ ⴰⵎⵢⴰⵡⴰⵙ ⵉⵍⵍⴰⵏ ⴳ ⵓⵣⵎⵣ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19.
ⵉⵙⴰⵡⴰⵍ ⵎⴰⵙⵙ ⵍⵉ ⵜⵛⴰⵏⵖⵍⵉⵏ ⴼ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵚⵚⵉⵏ ⴷ ⵉⵎⵉⵥⵏ ⵍⵍⴰⵏⵉⵏ ⴷⴼⴼⵉⵔ ⵏ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⵎⵔⵙⵍ ⵏⵏⵙⵏ ⵙ ⵓⵣⵎⵎⴻⵎ, ⴳ 30 ⵛⵓⵜⴰⵏⴱⵉⵔ 2021, ⴼ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵉ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵎⵓⵔⴰ ⵏ ⵓⵎⴰⴷⴰⵏ ⴳ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⵏⴰⵏⵜ.
ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵎⵙⵇⵇⴰⴷ ⵏ ⵚⵚⵉⵏ ⵎⴰⵙⵙ ⵍⵉ ⵜⵛⴰⵏⵖⵍⵉⵏ ⴼ ⵓⵔⵣⴰⴼ ⴷ ⵓⵙⵔⵖⴷ, ⵉⵙⵓⵜⴳ ⵜⴰⴱⵔⴰⵜ ⵏ ⵓⵙⵙⵔⵖⴷ ⵏ ⵓⵏⴳⴳⵯⵓ ⵏⵏⵙ ⴰⵛⵉⵏⵡⵉ. ⵉⵙⵙⴽⵜⵉ ⴷ ⵜⵉⵣⴷⴰⵢⵉⵏ ⵏ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵉⵍⵍⴰⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⵏⴰⵏⵜ, ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵏ ⵜⵅⵅⵓⵜⵔⴰ ⴷ ⵓⵎⵣⴰⵖ ⵏ ⵜⵏⵓⴼⴰ ⵜⵓⴷⴷⵉⵔⵉⵏ ⵛⵛⴰⵔⵏⵉⵏ, ⵉⵙⵓⵜⴳ ⴰⴷⴷⴰⴷ ⵏ ⴱⵉⴽⴽⵉⵏ ⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵎⵣⴰⵖ ⵏⵏⵙ ⴼ ⵜⵍⵍⵓⴳⵏⴰ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ. ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵚⵚⵉⵏ ⴼ ⵓⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵍⵎⵖⵔⵉⴱ ⴷ ⵓⵣⴷⴷⵓⵢ ⵊⴰⵔ ⵏⵏⵙⵏ ⴳ ⵜⴰⵙⵙⴰⵙⵜ ⵜⴰⵎⴰⴹⵍⴰⵏⵜ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19.
ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⴰⵙⵡⵉⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⵙⴽⵜⵉ ⴷ ⴰⵙⵏⴰⵍ ⵏ ⵚⵚⵉⵏ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⴽⵔ ⵏ ⵜⵙⵔⵜⴰⵜⵉⵊⵉⵜ ⵏ ⵓⴱⵕⵍⴰⵎⴰⵏ ⴰⵍⵉⴽⵟⵕⵓⵏⵉ ⵉⵏⵏⵓⵕⵥⵎⵏ ⴷ ⵓⵙⴷⵓⵙ ⵏ ⵓⵏⵏⵓⵕⵥⵎ ⵏⵏⵙ ⴼ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵙⵏⵖⵎⵙ ⴷ ⵜⵎⵓⵟⵟⵓⵏⵜ ⵜⴰⴱⵕⵍⴰⵎⴰⵏⵉⵜ. ⵉⵙⵎⵏⵉⴷ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⵥⵉⵍⵏⵉⵏ ⵙ ⵉⵔⵣⴰⴼⵏ ⵜⵜⵓⵙⵏⴼⴰⵍⵏⵉⵏ ⵏ ⵉⵎⵓⵔⴰ ⴷ ⵜⵉⵍⴰⵍ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ, ⴷ ⵓⵣⴷⴷⵓⵢ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵓⵏⵎⵏⴰⴹ ⵙ ⵜⴰⵎⵓⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ.
ⵉⴳⴰ ⵓⵙⵏⵓⴱⴳ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵏ ⵎⴰⵙⵙ ⵍⵉ ⵜⵛⴰⵏⵖⵍⵉⵏ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⵎⴷⵏⴰⵏⵜ, ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴼ ⴽⵉⴳⴰⵏ ⵏ ⵜⵎⵙⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵏⵔⴰⵏⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ.