ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⵙⵇⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⴼⵉⵜⵏⴰⵎ ⵜⴰⵙⵔⵎⵓⵏⵜ
ⵉⵙⵏⵓⴱⴳ ⵎⴰⵙⵙ ⵕⴰⵛⵉ ⵟⴰⵍⴱⵉ ⵏ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 4 ⵏⵓⵡⴰⵏⴱⵉⵔ 2021, ⵎⴰⵙⵙⴰ ⴷⴰⵏⴳ ⵜⵀⵉ ⵜⵀⵓ ⵀⴰ ⵜⴰⵎⵙⵇⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⴼⵉⵜⵏⴰⵎ ⵜⴰⵙⵔⵎⵓⵏⵜ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⴳ ⵜⵣⵡⵉⵔⵉ, ⵜⵙⵏⵉⵎⵎⵔ ⵜⵎⵙⵇⵇⴰⴷⵜ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ ⴷ ⵓⵙⴱⵔⵔⴽ, ⵜⵙⵙⵔⵖⴷ ⴰⵙ ⵜⵉⵏⵉ ⴰⵙ ⵉⵙⵔⵖⵓⴷⵏ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ ⵙ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉⵖ ⵢⵉⵡⵉ ⵜⴰⵎⵢⵉⵎⴰⵏⵜ ⵏ ⵜⵓⴳⵜ ⵏ ⵉⴳⵎⴰⵎⵏ. ⵜⴼⴽ ⴰⵙ ⵢⴰⵜ ⵜⵖⵓⵔⵉ ⵙⴳ ⵓⵏⴳⴳⵯⵓ ⵏⵏⵙ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵉ ⵓⵔⵣⴰⴼ ⵏ ⴼⵉⵜⵏⴰⵎ, ⵃⵎⴰ ⴰⴷ ⵣⵣⵉⴳⵣⵏⵜ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴷ ⵓⵣⴷⴷⵓⵢ ⴳ ⴽⵓ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵉⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ.
ⵜⵉⵏⵉ ⵜⵎⵙⵇⵇⴰⴷⵜ ⵎⴰⵙ ⵣⵣⵉⴳⵣⵏⵜ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ, ⵜⵉⵍⵉ ⵜⵎⵢⴰⵇⵇⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ ⴳ 2017, ⵖⵎⴽ ⴰⵏⵏ ⴷ ⵓⴽⵛⵓⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵓⵙⵏⵇⵔ ⵏ ⴰⵙⵢⴰ ⴳ 2020 ⵖ ⵉⴳⴰ ⴰⴳⵎⴰⵎ ⵉⵎⵥⵕⵉ. ⵜⵙⴷⴷⵉⴷ ⵜⵎⵙⵇⵇⴰⴷⵜ ⴼ ⵜⵥⵍⴰⵢⵜ ⴷ ⵜⴷⵔⵓⵜ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⴼⵉⵜⵏⴰⵎ ⵜⴰⵙⵔⵎⵓⵏⵜ ⵉⵍⴽⵎⵏ 60 ⵏ ⵓⵙⴳⴳⵯⴰⵙ ⴳ ⵓⵙⴳⴳⵯⴰⵙ ⴰⴷ.
ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⵙⵇⵇⴰⴷⵜ ⴼ ⵓⵔⵣⴰⴼ, ⵢⵉⵏⵉ ⴰⵙⵓⵜⴳ ⵏⵏⵙ ⴼ ⵓⵙⵙⵔⵖⴷ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ, ⵉⵖⵔ ⴰⵙ ⵉ ⵓⵔⵣⴰⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴳ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ, ⵉ ⵓⵔⵣⵣⵓ ⵏ ⵜⵖⴰⵔⴰⵙⵉⵏ ⵏ ⵓⵙⴷⵔⵓ ⵏ ⵓⵎⵢⴰⵡⴰⵙ ⴷ ⵓⵕⵥⵥⵓⵎ ⴼ ⵉⵎⵏⴰⴷⵏ ⴷ ⵉⵙⴰⵢⵔⵓⵔⵏ ⵉⵎⴰⵢⵏⵓⵜⵏ ⵖ ⵉⵍⵍⴰ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.
ⵉⵙⵙⴽⵜⵉ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵓⵎⵎⵉⵥⵏ ⵍⵍⵉ ⵉⵍⴽⵎ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⵔⴰⵡⵜ ⵉⴳⴳⵓⵔⴰⵏ, ⴰⵍⵍⵉⵖ ⴷⴰⵔⵙ ⴰⴷⵖⴰⵔ ⵉⵥⵉⵍⵏ ⴷⴰⵔ ⴽⵉⴳⴰⵏ ⵏ ⵉⴳⵔⴰⵡⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉⵎⵏⵥⴰⵡⵏ ⴷ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ, ⵖⵎⴽ ⵍⵍⵉ ⵉⵙⵓⵜⴳ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⴷⴷⵉⴷ ⵎⴰⵙ ⵜⴻⵟⵟⴰⴼ ⵕⵕⴱⴰⵟ ⴷ ⵀⴰⵏⵓⵢ ⴰⵎⵣⵔⵓⵢ ⵉⵛⵛⴰⵔⵏ, ⴷ ⵜⵉⵔⵎⵉⵜⵉⵏ ⵍⵍⵉ ⴷ ⵉⵇⵇⴰⵏ ⵓⴷⵔⴰⵡ ⵃⵎⴰ ⴰⴷ ⴳⵉⵙⵏⵜ ⵢⵉⵍⵉ ⵚⴰⵃⴰ, ⵢⵉⵏⵉ ⵎⴰⵙ ⵉⵏⵏⵓⵕⵥⵎ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⴽⵓ ⵜⵉⵙⵏⵜⴰⵢⵉⵏ ⵉ ⵓⵙⵏⴰⵍ ⵏ ⵜⵣⴷⴰⵢⵉⵏ ⵏⵏⵙ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⴼⵉⵜⵏⴰⵎ ⵜⴰⵙⵔⵎⵓⵏⵜ, ⵍⵍⵉ ⴷ ⵢⴰⴷ ⵉⴽⴽⴰ, ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉ ⵉⵙⵡⵉⵔⵏ ⴰⵜⵜⵓⵢⵏⵉⵏ ⵎⵎⴰⵍⴰⵏⵉⵏ ⴰⵢⴷⴰ ⴰⵎⵣⵔⴰⵢ ⵉⵛⵛⴰⵔⵏ, ⴷ ⵓⵏⵏⵓⵕⵥⵎ ⴼ ⵜⵎⵙⴰⵔⵉⵏ ⵣⵡⴰⵔⵏⵉⵏ ⴳ ⵓⵖⴰⵡⴰⵙ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ.
ⵉⴳⴰ ⵓⵙⵏⵓⴱⴳ ⵏ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏ ⵜⵎⵙⵇⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⴼⵉⵜⵏⴰⵎ ⵜⴰⵙⵔⵎⵓⵏⵜ ⵎⴰⵙⵙⴰ ⴷⴰⵏⴳ ⵜⵀⵉ ⵜⵀⵓ ⵀⴰ, ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵎⵙⴰⵔⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ.