ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵎⴹⴰⴽⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⴰⵔⵉⵜ ⵏ ⵓⵏⵙⵉⵅⴼ ⵜⴰⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ
ⵉⵎⴹⴰⴽⴰⵕ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 28 ⴽⵟⵓⴱⵕ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴷ ⵎⴰ. ⵎⴰⵔⵜⴰ ⵍⵓⵙⵢⴰ ⵔⴰⵎⵉⵔⵉⵣ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵜⴰⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵖ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⵎⴰⵣⵉⵔⵜ ⵏⵏⵖ.
ⴳ ⵜⵣⵡⵉⵔⵉ, ⵉⵙⵓⵜⴳ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴷⴷⴰⴷ ⵏ ⴽⵓⵍⵓⵎⴱⵢⴰ ⴳ ⵓⵙⵏⴰⵍ ⵏ ⵜⵎⵖⵔⵉⴱⵉⵜ ⵏ ⵚⵚⵃⵕⴰ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⴰⴼⵙⵙⴰⵢ ⵓⵙⵎⵉⴷ ⴷ ⵡⵉⵏ ⵜⵉⵍⴰⵡⵜ ⵏ ⵜⵎⴰⵖⵜ ⵉⵜⵜⵓⵙⴽⴰⵔⵏ ⴼ ⵜⵎⵙⴰⵔⵜ ⵜⴰⵏⴰⵎⵓⵔⵜ, ⵉⵙⵓⵜⴳ ⵜⴰⵖⵜⴰⵙⵜ ⵏ ⴽⵓⵍⵓⵎⴱⵢⴰ ⴰⴼⴰⴷ ⴰⴷ ⵜⵓⵎⴰ ⵜⵡⵡⵓⵔⵉ ⵏⵏⵙ ⵜⴰⵙⵇⵓⵏⵙⵓⵜ ⴳ ⵜⴳⵍⴷⵉⵜ ⵚⵚⵃⵕⴰ ⵜⴰⵎⵖⵔⵉⴱⵉⵜ , ⴷ ⵡⴰⴷⴷⴰⴷⵏ ⵏ ⵓⴽⵓⵏⴳⵕⵉⵚ ⴰⴽⵓⵍⵓⵎⴱⵉ ⴳ ⵓⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ.
ⵉⵙⵙⵉⵙⴼⵉⵡ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴷⵔⵓ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ ⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵚⴽⵓ ⵏ ⵉⵎⴰⵍ ⵉⵥⵉⵍⵏ. ⵉⵙⴰⵡⵍ ⵓⵍⴰ ⴼ ⵉⵎⵓⴽⵏⵏ ⵅⴰⵜⵔⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⵍⵍⴰ ⵜⵉⵔⵎⵉⵜ ⵏ ⵢⵉⵙⴽⵉⵍ ⴷ ⵓⵎⵙⵓⵔⵓⴼ, ⵜⵉⵣⵡⵉⵔⵉ ⵏ ⵜⴳⵍⴷⵉⵜ ⴳ ⵜⵥⴹⴰⵕⵉⵏ ⵜⵜⵓⵙⵎⴰⵢⵏⵓⵉⵏ, ⴰⵙⵡⵓⴷⴷⵓ ⵏ ⵓⵣⵡⴰⴳ ⴷ ⵉⵙⵏⴼⵍⵏ ⵏ ⵓⵏⵣⵡⵉ, ⵜⵉⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴼⵍⴰⵃⵜ ⴷ ⵜⵏⴰⵎⵓⵏⵜ ⴳ ⵜⵎⴰⵣⵉⵔⵜ ⵏⵏⵖ.
ⵉⵙⴷⴷⵉⴷ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵥⴹⴰⵕ ⵍⵎⵖⵔⵉⴱ ⴰⴷ ⵉⵙⴱⴷⴷ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⵙ ⵜⵎⵙⴽⴰⵔ ⵜⵉⵎⵣⵡⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⵉⵏⵉ ⵎⴰⵙ ⵔⴰⴷ ⵉⵍⴽⵎ ⵍⵎⵖⵔⵉⴱ ⴰⴼⵔⴰⴳ ⴰⵎⴳⵔⵓ ⴷ ⵓⵖⵓⵍ ⴰⴷⵎⵙⴰⵏ ⴷ ⵓⵙⴷⵓⵙ ⵏ ⵓⴼⵔⴰⴳ ⴰⵏⴰⵎⵓⵏ.
ⴳ ⵓⵎⵏⵉⴷ ⵏⵏⵙ, ⵜⵙⵓⵜⴳ ⵎⴰ.ⵎⴰⵔⵜⴰ ⵍⵓⵙⵢⴰ ⵔⴰⵎⵉⵔⵉⵣ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵜⴰⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ ⵜⴰⵣⵣⵉⴳⵣⵜ ⵏ ⵍⵎⵖⵔⵉⴱ ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⵏⴰⵡ ⵏ ⵜⴷⵎⵙⴰⵡⵉⵏ ⵜⵜⵉⵎⵖⵓⵔⵏⵉⵏ, ⵜⵙⵙⵔⵖⴷ ⴰⴼⵔⵉⵙ ⴰⴷⵉⵎⵓⵇⵔⴰⵟⵉ ⵖ ⵣⵔⵉⵏ ⵉⵙⵜⴰⵢⵏ ⴳⴳⵓⵔⴰⵏⵉⵏ. ⵜⵙⴷⴷⵉⴷ ⵎⴰⵙ ⵉⵎⵓⵏ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ ⵙ ⵜⵣⴷⴰⵢⵉⵏ ⴷⵓⵙⵏⵉⵏ, ⵉⵍⵉⵏⵜ ⵜⵥⴹⴰⵕⵉⵏ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵏⴼⵍⴰⵃ ⵉ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.
ⵜⵙⵎⴰⵢⵏⵓ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵜⴰⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⴽⵓⵍⵉⵎⴱⵢⴰ ⴰⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵍⵎⵖⵔⵉⴱ ⴷ ⴰⴼⵙⵙⴰⵢ ⴰⴷⵉⵎⵓⵇⵔⴰⵟⵉ ⵉ ⵜⵎⴰⵖⵜ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵜⵙⴷⴷⵉⴷ ⵎⴰⵙ ⵜⵍⵍⴰ ⴽⵓⵍⵓⵎⴱⵢⴰ ⴷ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵓⵔ ⴰ ⵜⵜⵙⵙⵏ ⵙ ⵜⵓⵚⴽⵉⵡⵉⵏ ⵏ ⵎⴰⵔⵓⵔ.
ⵜⴼⴽⴰ ⵎⴰ ⵎⴰⵔⵜⴰ ⵍⵓⵙⵢⴰ ⵔⴰⵎⵉⵔⵉⵣ ⴰⵙⵎⴰⵇⵇⵍ ⴼ ⵉⵎⵓⴽⵏⵏ ⵏ ⴽⵓⵍⵓⵎⴱⵢⴰ ⴳ ⵜⴷⵉⵎⵓⵇⵔⴰⵟⵉⵜ ⴷ ⵜⴷⵎⵙⴰ ⴷ ⵡⴰⵎⵓⵏ, ⴷ ⵜⵓⴳⴳⴰⵙ ⵏⵏⵙ ⴳ ⵜⵏⴼⵔⵓⵜ ⴷ ⵓⵙⴱⴷⴷⵉ ⵏ ⵉⴱⴽⴽⴰⴹⵏ ⴷ ⵓⵙⵖⵏⵣⵉ ⴳ ⵉⵙⴷⵓⵀⴷⵓⵢⵏ, ⴷ ⵓⵙⵎⵖⵔ ⵏ ⵓⵙⵓⵔⵙ ⵏ ⵜⵎⵖⴰⵔⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵉⵍⵉⵜ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ.