ⴰⵙⵉⵔⴰ(2016-2021):
ⵉⵎⵍⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴼⵔⵉⵇⵉ ⵙ ⵜⵏⴰⵔⴰ ⵏ ⵍⵎⵖⵔⵉⴱ ⵉ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵜⵉⵎⵓⴽⵔⵉⵙⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ
ⵉⵙⵏⵓⴱⴳ ⵎⴰⵙⵙ ⴼⵉⵍⴽⵙ ⵜⵛⵉⵙⵉⴽⵉⴷⵉ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⴽⵉⵏⵛⴰⵙⴰ ⴰⴽⵡⴰⵙ 19 ⵖⵓⵛⵜ 2021, ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ.
ⵉⴳⴰ ⵓⵏⵎⵓⵇⴰⵔ ⴰⴷ ⴰⴹⴼⵕ ⴷ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⵎⵓⵇⴰⵔ ⴰⵎⵛⴰⵡⴰⵕ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⵉⵍⵍⴰⵏ ⴳ ⵕⵕⴱⴰⵟ ⴳ 8 ⵢⵓⵍⵢⵓⵣ 2021 ⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ , ⵖ ⵉⵍⵍⴰ ⵓⵎⵙⴰⵛⴽⴰ ⵙ ⵓⵎⴰⴽⵕⴰⴹ ⴼ ⵓⵙⵉⵡⴹ ⴰⵎⴳⴳⴰⵔⵓ ⵉⵙⴰⵡⵍⵏ ⴼ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⵜⵡⵓⵔⵉ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵙⴳ ⵎⴰⵢⵢⵓ 2021.
ⵉⵙⵎⵓⵏ ⵓⴽⴰⴱⴰⵕ ⵏ ⵓⴹⴼⵕ ⴷ ⵓⵎⵙⵓⵔⵓⴼ ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ, ⵍⴽⵓⵏⴳⵓ, ⴽⴰⵎⵉⵕⵓⵏ, ⵎⴰⵍⵉ, ⴳⴰⵎⴱⵢⴰ, ⵎⴰⴷⴰⵖⴰⵛⵇⴰⵔ, ⵙⵙⵉⵏⵉⴳⴰⵍ, ⵍⴳⴰⴱⵓⵏ, ⵉⴳⵏⵙⴻⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎ.ⵍⴰⵃⴱⵉⴱ ⵍⵎⴰⵍⴽⵉ ⴳ ⵓⵏⵎⵓⵇⴰⵔ ⴰⴷ ⴰⵎⴰⵔⵉ ⵏⵏⵙ ⵎ.ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ.
ⵙ ⵜⵎⵍⴷⴰ, ⵉⵙⵎⵏⵉⴷ ⵎ.ⵜⵡⵉⵎⵉ ⴱⵏ ⵊⵍⵍⵓⵏ ⵙ ⵢⵉⵙⵎ ⵏ ⵜⵙⵇⵇⵉⵎⵜ ⵏ ⵓⴹⴼⵕ ⴷ ⵓⵎⵙⵓⵔⵓⴼ ⵉⵙⵖⵍⴰⴼ ⵏ ⵜⵙⵎⵓⵏⵉ ⵏ ⵓⵎⵛⴰⵡⴰⵕ ⵉⵍⵍⴰⵏ ⴳ ⵕⵕⴱⴰⵟ, ⵉⵙⴷⴷⵉⴷ ⴼ ⵓⵛⵛⵉⵍ ⵏ ⵓⵙⴱⴷⴷⵉ ⵏ ⵜⵎⵏⵜⵍⵉⵏ ⴷ ⵜⵉⴼⵉⵜ ⵏ ⵜⵉⵢⴰⴼⵓⵜⵉⵏ ⵍⵍⵉⵖ ⵜⴱⴷⴷ ⵜⵙⵓⵜⵍⵜ ⵜⴰⵎⴳⴳⴰⵔⵓⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵃⵎⴰ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⴼ ⵉⵍⵍⴰ ⵓⵎⵙⴰⵛⴽⴰ, ⴷ ⵓⵖⵓⵍ ⵏ ⵓⵕⵥⵥⵓⵎ ⵏ ⵜⵉⵍⴰⵍ ⵜⵉⵣⵔⴼⴰⵏⵉⵏ ⵏ ⵜⵎⵔⵙⵍⵜ ⴰⴷ. ⵉⵙⴰⵡⵍ ⴼ ⵜⵉⵍⴰⵍⵜ ⵜⴰⵎⴳⵔⵓⵜ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⴼ ⵉⵍⵍⴰ ⵓⵎⵙⴰⵛⴽⴰ ⵊⴰⵔ ⴽⵓ ⵜⴰⵏⵏⴰⵢⵉⵏ, ⴰⵢⵍⵍⵉ ⵔⴰⴷ ⵉⴹⵎⵏ ⵜⴰⵣⵣⵉⴳⵣⵜ ⵏ ⵜⵎⵔⵙⵍⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⴳⴰⵏ ⵜⵉⵏ ⵉⵎⴰⴷⴰⵏⵏ ⵏ ⵓⵎⵏⵥⴰⵡ ⴰⴼⵔⵉⵇⵉ.
ⵉ ⵡⴰⵡⵜⵜⴰⵙ ⴰⴷ, ⵜⴻⵜⵜⵔ ⵜⵙⵇⵇⵉⵎⵜ ⴳ ⵓⵏⵙⵙⵉⵅⴼ ⵜⵛⵉⵙⵉⴽⵉⴷⵉ ⴰⴷ ⵢⴰⵡⵙ ⴳ ⵓⴼⵙⵙⴰⵢ ⵉⵕⵡⴰⵏ ⵙ ⵜⵙⵏⵜⴰⵢⵜ ⵏⵏⵙ ⴷ ⵉⵏⴳⴳⵯⴰ ⵏⵏⵙ ⴷ ⵜⴳⵔⴰⵡⵉⵏ ⵏ ⵜⵎⵓⵏⵜ ⵜⴰⴼⵔⵉⵇⵉⵜ.
ⴳ ⵓⵎⵏⵉⴷ ⵏⵏⵙ, ⵉⵙⵏⵓⴱⴳ ⵓⵏⵙⵙⵉⵅⴼ ⵜⵛⵉⵙⵉⴽⵉⴷⵉ ⵙ ⵜⵙⵜⴰⵢⵜ ⵏ ⵍⵎⵖⵔⵉⴱ, ⵉⵙⴰⵡⵍ ⴼ ⵓⵖⵉⵍⵓⴼ ⵏⵏⵙ ⴼ ⵎⴰⴷ ⵉⵊⵔⴰⵏ ⴳ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵜⵎⵙⵎⵓⵏⵜ ⵜⴰⴳⴷⵓⴷⴰⵏⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵢⵉⵏⵉ ⵎⴰⵙ ⵉⵀⵔⵛ ⵎⴰ ⵢⴰⵏⵏ ⵉ ⵡⴰⵡⵍⴰⴼ ⵏ ⵉⴼⵔⵉⵇⵢⴰ, ⵉⵜⵜⵔ ⴳ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⴷ ⵢⵉⵍⵉ ⵓⵣⵣⵔⴰⵢ ⵏ ⵎⴰ ⴰⵏⵏ ⴷ ⵓⵙⵎⵖⵔ ⵏ ⵜⵏⵓⴼⴰ ⴰⵜⵜⵓⵢⵏⵉⵏ ⵏ ⵓⵎⵏⵥⴰⵡ.
ⵉⴼⴽⴰ ⴰⵡⴰⵍ ⴰⴷ ⵉⵖⵔ ⵉ ⵓⵏⵙⵙⵉⵅⴼ ⵏ ⵜⴳⵏⵙⴰⵙⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵉ ⵓⵙⵏⵎⴰⵍⴰ ⵏ ⵜⵙⵎⵓⵏⵉ ⵉⵥⵍⵉⵏ ⵖ ⵔⴰⴷ ⵉⴷⵔⵓ ⵓⵙⵉⵔⴰ ⵏ ⵉⵏⵙⵙⵉⵅⴼⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵜⵉⴷⵎⵙⴰⵏⵉⵏ ⵜⵉⵏⵎⵏⴰⴹⵉⵏ ⵃⵎⴰ ⴰⴷ ⵢⵉⵍⵉ ⵓⵙⵓⵊⴷ ⵏ ⵉⵙⵡⴰⵍⴰⵢⵏ ⵣⴷⵉⵏⵉⵏ ⴷ ⵜⴰⵙⵙⴰⵙⵜ ⵖ ⵉⵍⵍⴰ ⵓⴱⵕⵍⴰⵎⴰⵏ ⴰⴼⵔⵉⵇⵉ.