ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵓⵕⵉⵟⴰⵏⵉ
ⵉⵙⵏⵓⴱⴳ ⵎ.ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⴰⵡⴰⵙ 9 ⵢⵓⵍⵢⵓⵣ 2021 ⴳ ⵓⵙⵖⵉⵎ ⵏ ⵓⵙⵇⵉⵎ, ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⵓⵕⵉⵟⴰⵏⵉⵜ ⵙ ⵜⵏⵙⵙⵉⵅⴼⵜ ⵏ ⵎ.ⵙⵉⴷⵏⵉ ⵙⵓⵅⵓⵏⴰ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ, ⴷⴼⴼⵉⵔ ⵎⴰⴷ ⵉⴷⵔⵓ ⴳ ⵓⵏⵎⵓⵇⵇⴰⵔ ⴰⵎⵛⴰⵡⴰⵕ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵉⵢⵉⵏ ⵏ ⵉⴼⵔⵉⵇⵢⴰ ⵉⵜⵜⵓⵙⴽⴰⵔⵏ ⵉⴳⴹⴰⵎ ⴳ ⵕⵕⴱⴰⵟ.
ⵙ ⵜⵎⵍⴷⴰ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵏ ⵜⴰⴳⵯⵎⴰⵜ ⵉⵙⵎⵓⵏⵏ ⵙⵉⵏ ⵉⵎⴰⴷⴰⵏⵏ ⴷ ⵙⵏⴰⵜ ⵜⵎⵉⵣⴰⵔ, ⵉⵙⴷⴷⵉⴷ ⵎⴰⵙ ⴷ ⵜⴰⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵔⴰⴷ ⵜⵕⵥⵎ ⵉⵎⵏⴰⴷⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵖⵔ ⵉ ⵓⵙⵎⵔⵙⵍ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵙ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵎⵢⴰⵡⴰⵙ, ⴷ ⵓⵙⴽⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵎⵓⵕⵉⵟⴰⵏⵉ-ⴰⵎⵖⵔⵉⴱⵉ ⵍⵍⵉ ⵔⴰⴷ ⵉⵜⵜⵎⵓⵏ ⴳ ⵜⵙⵎⵓⵏⴰⵢ ⴳ ⵙⵏⴰⵜ ⵜⵎⵉⵣⴰⵔ, ⵔⴰⴷ ⵉⴳ ⴰⵙⴰⵢⵔⵓⵔ ⵏ ⵓⵎⵙⴰⵡⴰⵍ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵅⴼ ⵜⴱⵔⵉⴷⵉⵏ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵉ ⴽⵉⴳⴰⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ.
ⵉⵙⵓⵜⴳ ⵎ.ⵍⵎⴰⵍⴽⵉ ⵜⴰⴷⵔⴰⵡⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵓⵕⵉⵟⴰⵏⵉ ⴳ ⵓⵏⵎⵓⵇⵇⴰⵔ ⵏ ⵓⵎⵛⴰⵡⴰⵕ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵢⵉⵏ, ⵢⵉⵏⵉ ⵎⴰⵙ ⴱⴷⴷⴰ ⵉⴱⴷⴷ ⵍⵎⵖⵔⵉⴱ ⴷ ⵉⴼⵔⵉⵇⵢⴰ, ⵉⵎⵎⴰⵖ ⵓⵍⴰ ⴼ ⵓⵙⵎⵖⵔ ⵏ ⵜⵡⵡⵓⵔⵉ ⵜⴰⴼⵔⵉⵇⵉⵜ ⵉⵛⵛⴰⵔⵏ ⴷ ⵓⵙⵡⵓⵔⵉ ⵙ ⵓⵎⵙⴰⵡⴰⵍ ⴳ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ, ⵉ ⵚⴰⵃⴰ ⵏ ⵜⵏⵓⴼⴰ ⵏ ⵉⵎⴰⴷⴰⵏⵏ ⵏ ⵜⵙⴳⴰ.
ⴳ ⵓⵎⵏⵉⴷ ⵏⵏⵙⵏ, ⵉⵙⴷⴷⵉⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵓⵕⵉⵜⴰⵏⵉ ⴳ ⵜⵍⵍⴰ ⵓⵍⴰ ⵎⴰ. “ⵎⵙⵄⵓⴷⴰ ⴱⴰⵃⴰⵎ” ⴷ ⵎ.”ⵚⵚⵖⵉⵔ ⵍⵄⵜⵉⵇ” ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⵓⵕⵉⵟⴰⵏⵉⵜ, ⴷ ⵜⵖⵔⵉ ⵉ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.
ⵙⴷⴷⵉⴷⵉⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵎⵓⵕⵉⵟⴰⵏⵉ ⴼ ⵡⴰⵜⵉⴳ ⵏ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ ⵏ ⵉⴼⵔⵉⵇⵢⴰ, ⵉⵏⵉⵏ ⵎⴰⵙ ⴷ ⵓⵖⵓⵍ ⵏ ⵍⵎⵖⵔⵉⴱ ⵙ ⵜⵎⵓⵏⵜ ⵜⴰⴼⵔⵉⵇⵉⵜ ⴳ 2017 ⵉⵙⵜⴰⵡⵀⵎⵎⴰ ⴱⴰⵀⵔⴰ, ⵙⵓⵜⴳⵏ ⵓⵍⴰ ⴰⵙⵏⴰⵍ ⵏ ⵍⵎⵖⵔⵉⴱ ⵉ ⵎⵓⵕⵉⵟⴰⵏⵢⴰ ⴳ ⵓⵙⵉⵍⵖ ⴷ ⵓⵙⵙⵍⵎⴷ, ⴷ ⵜⴳⵎⵉ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵜⴼⵍⵍⴰⵃⵜ ⴷ ⵜⴷⵎⵙⴰ ⴷ ⵜⴷⵓⵙⵉ ⴷ ⵡⵉⵢⵢⴰⴹ.