ⴰⵖⵓⵔⵉ ⴼ ⵉⴳⵣⵣⴰⵢⵏ ⴷ ⵓⵙⴰⴼⴰⵔ ⵉ ⴽⵓ ⵢⴰⵏ ⴳ ⵉⴼⵔⵉⵇⵢⴰ

ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵉⴼⵔⵉⵇⵢⴰ ⵎⵓⵏⵏⵉⵏ ⴳ ⵕⵕⴱⴰⵟ ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ,

ⴰⵔ ⴷ ⵙⵙⴽⵯⵜⵉⵏ ⴰⵎⵏⴰⴹ ⴰⴷⵓⵙⴰⵏ ⵏ ⵓⵎⵏⵥⴰⵡ ⴷ ⵓⵎⴰⴹⴰⵍ ⵖ ⵉⵍⵍⴰ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⴷⵓⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵙⵍⴰⵡⴰⵏ ⴰⴽⴽⵯ ⴼ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴷ ⵜⴷⵎⵙⴰ ⵏⵏⵙ;

- ⴰⵔ ⵜⵜⵔⴰⵔⵏ ⵜⴰⵢⵏⵉⵜ ⴼ ⵓⵀⵔⴰⵛ ⵏ ⵉⵙⵓⵔⵙⵏ ⵉⴷⵓⵙⴰⵏⵏ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⵙ ⵜⵣⵣⵉⴳⵣⵜ ⵏ ⵓⴱⴰⵢⵢⵓⵕ ⴷ ⵓⵛⵃⵓ ⵏ ⵜⵥⴹⴰⵕⵉⵏ ⵏ ⵜⵎⵉⵣⴰⵔ ⵏ ⵓⵎⵏⵥⴰⵡ ⵉ ⵓⵙⴱⴷⴷⵉ ⵏⵏⵙ ⵙ ⵜⵓⵚⴽⵉⵡⵉⵏ ⵏ ⵜⵙⵏⵉⵊⵊⵉⵜ ⴷ ⵉⵙⴰⴼⴰⵔⵏ ⴷ ⵉⴳⵣⵣⴰⵢⵏ;

- ⴰⵔ ⵜⵜⵣⵎⵎⵉⵎⵏ  ⵙ ⵓⵖⵉⵍⵓⴼ ⵉⴳⴳⵓⵜⵏ ⵜⴰⵣⵣⵉⴳⵣⵜ ⵏ ⵜⵏⴱⴰⴹⵉⵏ ⵏ ⵜⵎⵉⵣⴰⵔ ⵜⵉⴱⵖⵓⵔⵉⵏ ⴷ ⵉⵙⵓⵔⴰⵎ ⵉⵎⴰⴹⵍⴰⵏⵏ ⵙⴽⴰⵔⵏⵉⵏ  ⵉⴳⵣⵣⴰⵢⵏ ⵏ ⴽⵓⴼⵉⴷ 19, ⴷ ⵜⵉⴽⴽⵉ ⵏ ⵉⴳⵣⵣⴰⵢⵏ ⴰⴷ ⵉ ⵓⵎⵥⵍⴰⵏ ⵏ ⵓⴳⴰⴷⴰⵣ ⴷ ⵜⵔⵙⴰⵍ ⵏ ⵜⵣⴷⴰⴳⵉⵢⵉⵏ ⵏ ⵉⵙⵍⵍⵡⵉ ⴷ ⵡⴰⵢⴷⴰ ⵏ ⵓⵙⵡⵉⵏⴳⵎ ⴷ ⵜⵎⴳⵓⵔⵉ, ⴳ ⵓⵣⵎⵣ ⴳ ⵉⵎⵎⴰⵖ ⵓⵎⴰⴹⴰⵍ ⴷ ⵢⴰⵏ ⵓⵙⴷⵉⴷⴷⵉⵢ ⵉⵛⵛⴰⵔⵏ ⵍⵍⵉ ⵔⴰⴷ ⵉⵖⴰⵎⴰ ⵉⵖ ⵓⵔ ⵉⵍⵍⵉ ⵓⵙⵎⴰⵜⴰ ⵏ ⵉⴳⵣⵣⴰⵢⵏ ⴼ ⵉⵎⴰⴷⴰⵏⵏ ⵏ ⵡⴰⴽⴰⵍ.

ⴰⵔ ⵜⵙⴷⴷⵉⴷⵏ ⴼ ⵎⴰ ⴰⴷ:

1. 1. ⴰⵔ ⵙⵓⵜⴳⵏ ⵜⵉⵙⵏⵜⴰⵢⵉⵏ ⵏ ⴱⴰⴱ ⵏ ⵡⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴷ ⴰⵔ ⴱⴰⵀⵔⴰ ⵙⵓⵜⴳⵏ ⵉⵙⵡⵓⴷⴷⵓⵜⵏ ⵍⵍⵉ ⵙ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜⵜⵓⵙⴽⵉⵔⵏ ⵙⴳ ⵉⵢⵢⵉⵔⵏ ⵉⵎⵣⵡⵓⵔⴰ ⵏ ⵓⴱⴰⵢⵢⵓⵕ ⵏ ⴽⵉⴼⵉⴷ 19, ⴳ ⵉⵍⵍⴰ ⵓⵚⵉⴼⴹ ⵏ ⵜⵡⵉⵙⵉ ⵏ ⵜⵙⵏⵉⵊⵊⵉⵜ (ⵉⵙⴰⴼⴰⵔⵏ, ⵜⵉⴽⵎⴰⵎⵏⵉⵏ, ⵉⵎⴰⵙⵙⵏ ⵏ ⵓⵙⵏⵓⴼⵓⵙ ⴰⵎⴳⵓⵔⴰⵏ, ⵉⵎⴰⵙⵙⵏ ⵏ ⵜⵖⵓⵙⵉ...)  ⵙ ⵓⵣⵔⴰⴱ ⵉ ⴽⵉⴳⴰⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵃⵎⴰ ⴰⴷ ⵜⴷⵓⵙ ⵜⵙⵓⴳⵔⵜ ⵏⵏⵙⵏ ⴳ ⵓⵙⴱⴷⴷⵉ ⵏ ⵓⴱⴰⵢⵢⴰⵕ, ⴷ ⴰⵥⵎⴰⵥⵥⵍ ⴰⵎⵣⵡⴰⵔⵓ ⵏ ⵜⵙⵏⵜⴰⵢⵜ ⵏ ⴱⴰⴱ  ⵏ ⵡⴰⴷⴷⵓⵔ ⵎⵏⵉⴷ ⵏ ⴰⵢⵜⵎⴰⵙ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵙⴳ ⵉⵎⴰⵍⴰⵙⵙⵏ ⵉⵎⵣⵡⵓⵔⴰ ⵏ ⵓⴱⴰⵢⵢⵓⵕ ⵉ ⵓⵙⵎⵓⵙⵙⵓ ⴷ ⵓⵙⵎⵓⵏ ⵏ ⵜⵓⴳⴳⴰⵙ ⵏ ⵉⴼⵔⵉⵇⵢⴰ ⴳ ⵜⵎⴰⵖⵜ ⵎⴳⴰⵍ ⵏ ⴽⵉⴼⵉⴷ 19.
   2. ⴰⵔ ⵙⵓⵜⴳⵏ ⵜⵓⴳⴳⴰⵙ ⵜⵉⵎⵖⵔⵉⴱⵉⵢⵉⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵃⵎⴰ ⴰⴷ ⵜⵉⵍⵉ ⵜⵅⵅⵓⵜⵔⴰ ⵜⴰⴼⵔⵉⵇⵉⵜ ⴳ ⵢⵉⴳⵔ ⵏ ⵉⴳⵣⵣⴰⵢⵏ, ⴰⵢⵍⵍⵉ ⴷ ⵢⵉⵡⵉⵏ ⴰⵙⵏⴼⴰⵔ ⵏ ⵜⵎⴳⵓⵔⵉ ⴷ ⵓⵙⵎⵓⵙⵙⵓ ⵏ ⵓⴳⵣⵣⴰⵢ ⵎⴳⴰⵍ ⴽⵓⴼⵉⴷ 19 ⴷ ⵉⴳⵣⵣⴰⵢⵏ ⵢⴰⴹⵏⵉⵏ ⴳ ⵍⵎⵖⵔⵉⴱ, ⴷ ⵜⵉⵍⵉⵜ ⵜⴰⵏⵉⵎⴰⵏⵜ ⵏ ⴱⴰⴱ ⵏ ⵡⴰⴷⵓⵔ ⴼ ⵓⵙⵏⴼⴰⵔ ⴰⴷ ⴷ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵉⵏ, ⴰⵢⵍⵍⵉ ⵔⴰⴷ ⵉⵙⴽⵔ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵔⵙⵍⵜ ⵜⴰⵎⴰⵥⵓⵏⵜ ⵏ ⵓⴼⴰⵔⵙ ⵏ ⵉⴳⵣⵣⴰⵢⵏ ⵍⵍⵉ ⵔⴰⴷ ⵉⵚⵉⵃⵉ ⵉ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ.
   3. ⴰⵔ ⵜⵜⴻⵣⵎⵎⵉⵎⵏ ⵙ ⵓⵙⵓⵏⴼⵓ ⴰⵖⵓⵔⵉ ⵏ ⵓⵏⵙⵙⵉⵅⴼ ⵏ ⵎⴰⵔⵉⴽⴰⵏ ⵎ.ⵊⵓⵣⵉⴼ ⵔⵓⴱⵉⵏⵉⵜ ⴱⴰⵢⴷⵏ ⴼ ⵓⵙⴱⴷⴷⵉ ⵏ ⵓⵙⵡⵓⵔⵉ ⵙ ⵜⵣⴷⴰⴳⵉⵢⵉⵏ ⵏ ⵉⵙⵍⵍⵡⵉ ⵏ ⵓⴳⵣⵣⴰⵢ ⵎⴳⴰⵍ ⵏ ⴽⵓⴼⵉⴷ 19, ⴰⵔ ⴰⵇⵔⴰⵏ ⵉ ⵓⵙⵎⵀⵍ ⴰⵣⵔⴰⴱ ⵏ ⵜⵙⵏⵜⴰⵢⵜ ⴰⴷ ⵍⵍⵉⵖ ⴱⴰⵀⵔⴰ ⵉⵙⴼⵔⵓⵔⵜ ⵓⴱⴰⵢⵢⵓⵕ, ⵙⵓⵜⴳⵏ ⵜⴰⵙⵏⵜⴰⵢⵜ ⵏⵏⵙ ⵍⵍⵉⵖ ⵉⵥⵍⵉ ⴰⵣⴳⵏ ⵏ ⵎⵍⵢⵓⵏ ⵏ ⵓⴳⵣⵣⴰⵢ ⵉ ⵜⵎⵉⵣⴰⵔ ⵍⵍⵉ ⵙⵔⵙ ⵙⵖⴰⵡⵙⴰⵏⵉⵏ.
   4. ⴰⵔ ⴰⵇⵔⴰⵏ ⵉ ⵉⵡⴰⵏⴽⵏ ⵉⵎⴳⵓⵔⴰⵏ ⴷ ⵉⵙⵓⵔⴰⵎ ⵉⴳⵔⴰⵖⵍⴰⵏⵏ ⴷ ⵜⵎⵙⵙⵓⵔⵉⵏ, ⵉ ⵓⵙⵎⴰⴷ ⵏ ⵓⵙⵡⵓⵔⵉ ⵙ ⵏ ⵜⵣⴷⴰⴳⵉⵢⵉⵏ ⵏ ⵉⵙⵍⵍⵡⵉ ⵥⵍⵉⵏⵉⵏ ⵙ ⴽⵓⴼⵉⴷ 19, ⵃⵎⴰ ⴰⴷ ⵟⵟⵉⴼⵏ ⴽⵓ ⵉⵡⴰⵏⴽⵏ ⵏ ⵡⴰⴽⴰⵍ, ⵉⵍⵉⵏ ⴳⵉⵙⵏ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ, ⴰⴳⵣⵣⴰⵢ ⴷ ⵓⴼⴰⵔⵙ ⵏⵏⵙ ⴰⴷⵖⴰⵔⴰⵏ ⵙ ⵓⵙⴽⵔ ⵏ ⵓⵣⵔⴼ ⴳ ⵜⵓⴷⵔⵜ ⴷ ⵜⴷⵓⵙⵉ ⴷ ⵓⵙⴰⴼⴰⵔ ⵉ ⴽⵓ ⵢⴰⵏ.
   5. ⴰⵔ ⴰⵇⵔⴰⵏ ⵉ ⵓⵙⵙⵔⵅⵓ ⵏ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⵉⵥⵍⵉⵏ ⵙ ⵜⵎⴳⵓⵔⵉ ⵏ ⵉⴳⵣⵣⴰⵢⵏ ⴷ ⵓⵙⵉⵥⴹⵕ ⵏ ⵉⵡⴰⵏⴽⵏ ⵏ ⵓⵎⵏⵥⴰⵡ ⴳ ⵜⵎⴷⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⴷⵖⴰⵔⴰⵏⵉⵏ ⵖ ⵉⵍⵍⴰ ⵢⵉⴳⵔ ⴰⵎⴰⵜⴰⵢ ⴷ ⵓⵙⵍⵉⴳ, ⴷ ⵓⵙⵎⵖⵔ ⵏ ⵉⴼⵔⴷⴰⵙ ⵉⴷⵖⴰⵔⴰⵏⵏ ⵏ ⵓⴼⴰⵔⵙ ⵖ ⵔⴰⴷ ⵢⵉⵍⵉ ⵓⵍⴰ ⵓⴼⴰⵔⵙ ⵏ ⵉⴳⵣⵣⴰⵢⵏ ⵎⴳⴰⵍ ⵏ ⵜⵎⵓⴹⴰⵏ ⵢⴰⴹⵏⵉⵏ ⵍⵍⴰⵏⵉⵏ ⴳ ⵉⴼⵔⵉⵇⵢⴰ.
   6. ⴰⵔ ⴰⵇⵔⴰⵏ ⵙ ⵓⵣⵔⴰⴱ ⵉ ⵉⵡⴰⵏⴽⵏ ⵉⴱⵖⵓⵔⵏ ⵉ ⵓⵙⴽⵔ ⵏ ⵜⵡⵉⵣⵉ ⴰⴽⴷ ⵉⴼⵔⵉⵇⵢⴰ ⵙ ⵓⵚⵉⴼⴹ ⵏ ⵉⴳⵣⵣⴰⵢⵏ ⵉ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⵍⵍⵉ ⵙⵔⵙⵏ ⵙⵖⴰⵡⵙⴰⵏⵉⵏ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ.
   7. ⴰⵔ ⵜⵜⵉⵏⵉⵏ ⵎⴰⵙ ⴷ ⴰⵜⵉⴳⵏ ⵏ ⵜⵡⵉⵣⵉ ⵜⴰⴳⵔⴰⵖⵍⴰⵏⵜ ⴷ ⵜⵏⴼⴳⴰⵏⵜ ⴷ ⵜⵣⵔⴼⵜ ⴷ ⵢⵉⵙⴽⵉⵍ ⵍⵍⴰⵏ ⴷⴰⵜ ⵏ ⵉⵔⵉⵎ ⴳ ⵓⵣⵎⵣ ⴰⴷ ⵉⵛⴷⴷⴰⵏ ⵍⵍⵉ ⵉⵣⵣⵔⴰⵢ ⵓⵎⴰⴹⴰⵍ, ⵙⵍⴰⵡⴰⵏ ⴰⴽⴽⵯ ⵉⴼⵔⵉⵇⵢⴰ ⴳ ⵍⵍⴰⵏⵜ ⵜⵎⵓⴹⴰⵏ ⵢⴰⴹⵏⵉⵏ ⴼ ⵓⵔ ⵜⵓⵙⵉ ⵜⴰⵎⵙⴰⵢⵜ ⵏⵏⵙⵏⵜ, ⴰⵎ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴱⵔⵙⵙⵉⵡⴷ ⴷ ⵓⵣⵡⴰⴳ ⴷ ⵜⵖⴰⵔⵜ, ⵜⵎⵎⴰⵖ ⵉ ⵓⵚⴽⵓ ⵏ ⵜⵎⵔⵙⴰⵍ ⵏⵏⵙ ⴷ ⵓⵙⴽⵔ ⵏ ⵜⴳⵎⵉ ⴷ ⵜⴷⵉⵎⵓⵇⵔⴰⵟⵉⵜ , ⴰⵔ ⵜⵜⵉⵏⵉ ⵎⴰⵙ ⴷ ⵜⵓⴳⴳⴰⵙ ⴰⴷ ⴰⵔ ⵟⵟⴰⵕⵏⵏⵜ ⵓⵙⵙⴰⵏ ⴰⴷ ⵙ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵍⵍⵉ ⵏⵏ ⵉⵍⵓⵃⵏ ⵉⴷ ⵍⵎⵏⴰⵢⵏ ⴳ ⵓⵥⵍⴰⴹ ⴷ ⵓⵛⵃⵓ, ⵖⵎⴽ ⵍⵍⵉ ⵜⵜⵎⵎⵜⴰⵏ ⴽⵉⴳⴰⵏ ⵏ ⵉⵡⴷⴰⵏ ⵍⵍⵉⵖ ⵛⵃⴰⵏ ⵉⴼⵔⴷⴰⵙ ⵏ ⵜⵙⵏⵉⵊⵊⵉⵜ ⵏ ⵉⵎⵓⴹⴰⵏ ⴷ ⵓⵣⵔⴰⵢ ⵏ ⵓⴱⴰⵢⵢⵓⵕ ⴰⴷ ⵏ ⵜⵥⴹⴰⵕⵉⵏ ⵏ ⵓⵎⵏⵥⴰⵡ.
   8. ⴰⵔ ⵙⵙⵖⵜⴰⵙⵏ ⴰⴷ ⵉⵜⵜⵢⵓⵣⵉⵏ ⵓⵖⵓⵔⵉ ⴰⴷ ⵉ ⵎ.ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ, ⵖⵔⵉⵏ ⴰⴷ ⵉⴳ ⵜⴰⵜⴳⴰⵔⵜ ⵜⵓⵏⵚⵉⴱⵜ ⵏ ⵜⵎⴰⴷⴷⴰⵙⵜ, ⵖⵎⴽ ⴰⵏⵏ ⴷ ⵡⴰⵍⴰⵢ ⵏⵏⵙ ⵉ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ ⵍⵍⵉ ⵎⵓ ⴰⵇⵔⴰⵏ ⵉ ⵓⵙⵎⵓⵙⵙⵓ ⴷ ⵓⵍⴳⴳⵓⴷ ⵉ ⵜⵣⵔⴼⵜ ⴳ ⵉⵙⴰⴼⴰⵔⵏ ⵉ ⵉⴼⵔⵉⵇⵢⴰ ⴷ ⵜⵉⴽⴽⵉ ⵏ ⵉⴳⵣⵣⴰⵢⵏ, ⴰⵔ ⵜⵜⵔⴰⵔⵏ ⵜⴰⵢⵏⵉⵜ ⴼ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵓⵣⵔⴼ ⴳ ⵉⴳⵣⵣⴰⵢⵏ ⴷ ⵓⵙⴰⴼⴰⵔ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.