ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴳ ⵓⵙⵏⵓⴱⴳ ⵏⵏⵙ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ...ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ
ⵉⵙⵏⵓⴱⴳ ⵎ. ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 07 ⵢⵓⵍⵢⵓⵣ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙⴰ Cécile Rebecca Meta Kassanda ⵜⴰⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ, ⵍⵍⵉ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⵖ ⵓⵏⵎⵓⵇⵇⴰⵔ ⴰⴷ ⵖ ⵉⵃⴰⴹⵔ ⵓⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵍⴽⵓⵏⴳⵓ ⴳ ⵕⵕⴱⴰⵟ, ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ ⵜⴰⵣⵣⵉⴳⵣⵜ ⵏ ⵓⵏⴳⵔⴰⵡ ⴰⵣⵔⴼⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ, ⵜⵉⵏⵉ” ⵉⴳⴰ ⵍⵎⵖⵔⵉⴱ ⴰⵏⴰⵡ ⴳ ⵢⵉⴳⵔ ⴰⴷ, ⵏⵓⵛⴽⴰⴷ ⵃⵎⴰ ⴰⴷ ⵏⵍⵎⵎⴷ ⴷ ⴰⴷ ⵏⵥⵕ ⵙ ⵡⴰⴷⴰⵙ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ”.
ⵜⵙⵎⵏⵉⴷ ⵎⴰ. Cécile Rebecca Meta Kassanda ⵉⵙⵓⵔⵙⵏ ⵏ ⵓⴱⵔⵉⴷ ⵏ ⵓⵙⴷⵓⵙ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ, ⵜⵙⴰⵡⵍ ⴼ ⵓⵙⵓⵊⴷ ⵏ ⵜⵙⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⴳ ⵓⵎⵏⵉⴷ ⴰⴷ ⴷ ⵜⵓⴳⴳⴰⵙ ⵏ ⵓⵙⴼⵔⴽ ⴷ ⵜⵉⵍⴰⵍ ⵢⴰⴹⵏⵉⵏ ⵍⵍⵉ ⵜⵙⴽⴰⵔ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵉ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵍⴽⵓⵏⴳⵓ.
ⵙ ⵜⵎⵍⴷⴰ, ⵜⵙⵓⵜⴳ ⵜⵏⵙⵙⵉⵅⴼⵜ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵙⵎⵓⵏⵏⵉⵏ ⵊⴰⵔ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵜⵉⵏⵉ” ⵉⵍⵍⴰ ⴱⴷⴷⴰ ⵍⵎⵖⵔⵉⴱ ⴷ ⵓⵎⴰⴷⴰⵏ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴳ ⵜⴰⵙⵙⴰⵙⵉⵏ ⵛⴷⴷⴰⵏⵉⵏ”, ⵜⵙⴰⵡⵍ ⴼ ⵓⵙⵏⵉⵎⵎⵔ ⴷ ⵓⵙⵓⵜⴳ ⵏ ⵓⵙⵏⴰⵍ ⵍⵍⵉ ⵜⴰⴽⴽⴰ ⵜⴳⵍⴷⵉⵜ ⴳ ⵢⵉⴳⵔ ⴰⴷⵓⵙⴰⵏ ⵙⵍⴰⵡⴰⵏ ⴰⴽⴽⵯ ⵜⵉⵡⵉⵣⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵓⴼⵉⵔⵓⵙ ⵉⴱⵓⵍⴰ ⴷ ⴽⵓⴼⵉⴷ 19, ⴷ ⵜⵙⵎⵉⴳⵍⵜ ⵏⵏⵙ ⴳ ⵓⴼⵔⴰⴳ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵍⴽⵓⵏⴳⵓ ⴷⴷⵓ ⵏ ⵓⵎⴰⵍⵓ ⵏ ⵜⵎⵜⵜⴰ ⵎⵓⵏⵏⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵙⵏⴰⵜ ⵜⵎⵉⵣⴰⵔ, ⵉⵙⵙⴽⵜⵉ ⴷ ⴰⵙⵙⵔⵖⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵅⴰⵜⴰⵔ ⴰⵏⵙⵙⵉⵅⴼ ⵏ ⵍⴽⵓⵏⴳⵓ ⵎ.ⴼⵉⵍⵉⴽⵙ ⵜⵛⵉⵙⵉⴽⵉⴷⵉ ⴷⴼⴼⵉⵔ ⵏ ⵓⵙⵜⴰⵢ ⵏⵏⵙ ⴳ 2019. ⵢⵉⵏⵉ ⵎⴰⵙ ⴷ ⵜⴰⴷⵔⴰⵡⵜ ⴳ ⵜⵡⵡⵓⵔⵉⵡⵉⵏ ⵏ ⵓⴼⵔⴰⴳ ⵏ ⵓⴼⵔⴰ ⴳ ⵍⴽⵓⵏⴳⵓ ⴷⴷⵓ ⵏ ⵓⵎⴰⵍⵓ ⵏ ⵜⵎⵜⵜⴰ ⵎⵓⵏⵏⵉⵏ ⴽⵛⵎⵏⵜ ⴳ ⵓⵎⵛⴰⴱⴱⴰⴽ ⵏ ⵍⵎⵖⵔⵉⴱ ⴳ ⵉⵥⵓⵕⴰⵏ ⵏⵏⵙ ⵉⴼⵔⵉⵇⵉⵢⵏ, ⴷ ⵜⵣⴷⴰⵢⵉⵏ ⵏⵏⵙ ⵜⵉⵎⵣⵔⴰⵢⵉⵏ ⴰⴽⴷ ⵜⴰⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴷ ⵓⴼⵔⴰⴽ ⵏⵏⵙ ⵉⴷⵓⵙⵏ ⵎⴰⵙ ⵉⴳⴰ ⵓⴼⵔⴰ ⴷ ⵓⵔⴳⴳⵉⴳ ⵜⵉⵔⵙⴰⵍ ⵜⵉⴷⵙⵍⴰⵏⵉⵏ ⵉ ⵜⴳⵎⵉ ⵜⴰⵙⵓⵍⴰⵏⵜ.
ⵢⵉⵏⵉ ⵎ.ⵍⵎⴰⵍⴽⵉ ⵎⴰⵙ ⵉⵍⵍⴰ ⵓⵣⴷⴰⵢ ⵉⴷⵓⵙⵏ ⵊⴰⵔ ⵓⵙⵖⵏⵣⵉ ⴳ ⵓⴼⴳⴰⵏ ⴷ ⵜⵎⵓⴽⵔⵉⵙⵜ ⵏ ⵓⵣⵡⴰⴳ, ⵢⵉⵏⵉ ⵎⴰⵙ ⴰ ⵉⵙⵡⵉⵏⴳⵉⵎ ⵓⵙⵇⵇⵉⵎ ⵏ ⵉⵎⵓⵔⴰ ⵃⵎⴰ ⴰⴷ ⵉⵜⵜⵓⵙⴽⵉⵔ ⵢⴰⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴼ ⵓⵣⵡⴰⴳ ⵍⵍⵉ ⵔⴰⴷ ⵉⵙⴰⵡⵍ ⴼ ⴽⵓ ⵉⵎⵔⵙⵉⵡⵏ ⵏ ⵢⵉⴳⵔ ⴰⴷ. ⵉⵙⴷⴷⵉⴷ ⵎⴰⵙ ⴷ ⴰⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵔⴰⴷ ⵉⴳ ⴰⵎⴰⵢⵏⵓ ⴷⴼⴼⵉⵔ ⵏ ⵓⵖⵓⴷⵓ ⵏ ⵜⵎⵙⵓⵜⵍⵉⵏ ⵜⵉⴷⵓⵙⴰⵏⵉⵏ ⵣⴷⵉⵏⵉⵏ ⴷ ⵓⴱⴰⵢⵢⵓⵕ ⵏ ⴽⵓⴼⵉⴷ 19.