ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⴱⴰⵃⵕⴰⵢⵏ ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵙⵓⵜⴳⵏ “ⵜⴰⵙⵔⵜⵉⵜ ⵜⴰⵎⴷⵢⴰⵏⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵡⵓⴷⴷⵓ ⵏ ⵓⵣⵡⴰⴳ”
ⵜⵏⵏⴰ ⵎⴰⵙⵙⴰ ⴼⵓⵣⵉⵢⵢⴰ ⵄⴰⴱⴷⵓⵍⵍⴰⵀ ⵣⵉⵏⵍ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ, ⴷ ⵎⴰⵙⵙ ⵄⴰⴷⵉⵍ ⵄⴰⴱⴷⵓⵍⵍⴰⵀ ⵄⴰⴱⴷⵓⵕⵕⴰⵃⵎⴰⵏ ⵍⵄⵙⵓⵎⵉ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ, ⵜⵉⵡⵉⵣⵉ ⵏⵏⵙⵏ ⵉⵙⵎⴷⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⴳⵯⵉⵜ ⵏ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴼ ⵉⵎⵥⵢⴰⵏⵏ ⵉⵎⵖⵔⵉⴱⵉⵢⵏ ⴷ ⵓⵣⵡⴰⴳ, ⵙⵓⵜⴳⵏ ⵜⴰⵖⵜⴰⵙⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵖⵓⵍ ⵏ ⵉⵎⵥⵢⴰⵏⵏ ⵉⵎⵖⵔⵉⴱⵉⵢⵏ ⵓⵔ ⵎⵓⵏⵏⵉⵏ ⵍⵍⴰⵏⵉⵏ ⴳ ⵓⵙⵓⵔⵙ ⵡⴰⵔⵓⵍⴳⵉⵏ ⴳ ⵜⵎⵉⵣⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵙⵓⵜⴳⵏ ⵜⴰⵙⵔⵜⵉⵜ ⵜⴰⵎⴷⵢⴰⵏⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵡⵓⴷⴷⵓ ⵏ ⵓⵣⵡⴰⴳ.
ⴳ ⵉⵎⴹⴰⴽⴰⵕⵏ ⵏ ⵜⵜⵉⵍⵉⴼⵓⵏ ⴷ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎⵏ ⵉⵎⵓⵔⴰ, ⴰⵙⵉⵏⴰⵙ 22 ⵢⵓⵏⵢⵓ 2021, ⴳ ⵉⵍⵍⴰ ⵓⵙⴷⴷⵉⴷ ⵎⴰⵙ ⵓⵔ ⵢⵉⵡⵙ ⵓⵙⵎⵔⵙ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵜⵎⵙⴰⵔⵜ ⵜⴰⵙⵉⵏⵔⴰⵏⵜ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⴳ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵜ ⵏ ⵜⵉⴷⵜ ⵉⵍⵍⴰⵏ ⵊⴰⵔ ⵚⴱⴰⵏⵢⴰ ⴷ ⵍⵎⵖⵔⵉⴱ, ⵓⵔ ⴷ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵢⵉⵏⵉ ⵎⴰⵙⵙ ⵄⴰⴷⵉⵍ ⵄⴰⴱⴷⵓⵕⵕⴰⵃⵎⴰⵏ ⵍⵄⵙⵓⵎⵉ ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵓⵙⴽⵔ ⵏ ⵜⵖⵉⵎⵉⵜ ⵉⵣⵔⴱⵏ ⴳ 26 ⵢⵓⵏⵢⵓ ⵉ ⵜⵡⵉⵣⵉ ⴰⴽⴷ ⵍⵎⵖⵔⵉⴱ ⵎⴳⴰⵍ ⵏ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵍⵍⴰⵏⵜ ⴽⵉⴳⴰⵏ ⵏ ⵜⵣⴳⴰⵍⵉⵏ.
ⵜⵙⵓⵜⴳ ⴼⵓⵣⵉⵢⵢⴰ ⵄⴰⴱⴷⵓⵍⵍⴰⵀ ⵣⵉⵏⵍ , ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⵜⵉⵣⴷⴰⵢⵉⵏ ⵏ ⵜⴰⴳⵯⵎⴰⵜ ⴷ ⵜⵡⵉⵣⵉ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⴽⵓ ⵉⵙⵡⵉⵔⵏ, ⵜⵙⴷⴷⵉⴷ ⵓⵍⴰ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.