ⴰⵙⵉⵔⴰ(2016-2021):
ⵉⵎⴹⴰⴽⴰⵕⵏ ⵏ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵕⵡⴰⵏⴷⴰ
ⵍⵍⵉⵖ ⵉⴷⵔⵓ ⴳ ⵜⵙⵓⵜⵍⵜ 12 ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵏⴰⵎⵓⵔⵏ ⴷ ⵉⵏⵙⵙⵉⵅⴼⵏ ⵏ ⵜⴰⵢⵢⴰⵡⵉⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉⵍⵍⴰⵏ ⴳ 25 ⴰⵔ 28 ⵎⴰⵢⵢⵓ ⴳ ⵜⵎⴰⵥⵓⵏⵜ ⵏ ⵕⵡⴰⵏⴷⴰ ⴽⵉⴳⴰⵍⵉ, ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏⵉⵎⵓⵔ, ⴰⵙⵉⵎⴰⵡⵙ 28 ⵎⴰⵢⵢⵓ 2021, ⴷ ⵎⴰⵙⵙⴰ ⴷⵓⵏⴰⵜⵉⵍ ⵎⵓⴽⴰⴱⴰⵍⵉⵙⴰ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⵏⵢⴰⵔⴰ ⵙⴼⴰⵔⵉ ⵉⵙⴱⵉⵔⴰⵏⵙ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴳ ⵕⵡⴰⵏⴷⴰ.
ⴰⵏⵎⵓⵇⴰⵔ ⵏ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ ⴷ ⵎⴰⵙⵙⴰ ⴷⵓⵏⴰⵜⵉⵍ ⵎⵓⴽⴰⴱⴰⵍⵉⵙⴰ, ⵜⴰⵏⵙⵙⵉⵅⴼⵜ ⵏ ⵏ ⵓⵙⵇⵇⵉⵎ ⵏ ⵉⵎⵓⵕⴰ ⴳ ⵕⵡⴰⵏⴷⴰ
ⴳ ⵓⵏⵎⵓⵇⴰⵔ ⵏⵏⵙ ⴷ ⵎⴰⵙⵙⴰ ⴷⵓⵏⴰⵜⵉⵍ ⵎⵓⴽⴰⴱⴰⵍⵉⵙⴰ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵕⵡⴰⵏⴷⴰ, ⵉⵙⵓⵜⴳ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ ⴰⵙⵡⵉⵔ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵍⴰ ⴷ ⵓⵎⵢⴰⵡⴰⵙ ⵊⴰⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵓⴷⴰⴷⴰⵏⵜ ⵏ ⵕⵡⴰⵏⴷⴰ, ⴳ ⵜⵍⵍⴰ ⵜⴷⵉⵏⴰⵎⵉⵜ ⵉⴷⵓⵙⵏ ⴳ ⵜⴳⴰⵔⴰ ⴰⴷ, ⴷⴼⴼⵉⵔ ⵏ ⵓⵔⵣⴰⴼ ⴰⵎⵣⵔⴰⵢ ⵏ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⵉ ⵕⵡⴰⵏⴷⴰ ⴳ ⴽⵟⵓⴱⵕ 2016, ⴷ ⵓⵔⵣⴰⴼ ⵏ ⵓⵏⵙⵙⵉⵅⴼ ⵏ ⵕⴰⵡⴰⵏⴷ ⴱⵓⵍ ⴽⴰⴳⴰⵎⵉ ⵉ ⵜⵎⴰⵣⵉⵔⵜ ⵏⵏⵖ ⴳ ⵢⵓⵏⵢⵓ 2016, ⴰⵢⵍⵍⵉ ⵉⵕⵥⵎⵏ ⵉⵎⵏⵉⴷⵏ ⴷ ⵜⴱⵔⵉⴷⵉⵏ ⵜⵉⵎⴰⵢⵏⵓⵜⵉⵏ ⵉ ⵓⵙⵎⵖⵔ ⵏ ⵓⵙⵡⵉⵔ ⵏ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⴽⵓ ⵉⴱⴰⵔⴰⵣⵏ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴷⵔⵓⵏ ⵉⵏⵙⵙⵉⵅⴼⵏ ⵏ ⵙⵏⴰⵜ ⵜⵎⵉⵣⴰⵔ ⴰⵙⵎⵎⴰⵇⵍ ⵏ ⵓⵏⴰⵔⵓⵣ ⴼ ⵜⴳⵎⵉ ⵏ ⵉⴼⵔⵉⵇⵢⴰ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⵉⵙⵓⵜⴳ ⵓⵍⴰ ⴰⵙⵏⴼⵍ ⴰⴷⵉⵎⵓⵇⵔⴰⵟⵉ ⴳ ⵜⴳⴷⵓⴷⴰⵏⵜ ⵏ ⵕⵡⴰⵏⴷⴰ, ⴷ ⵜⵉⵍⴰⵍⵜ ⵉⵥⵍⵉⵏ ⴷ ⵉⵕⵡⴰⵏ ⵏ ⵜⵎⴰⵣⵉⵔⵜ ⴰⴷ ⵜⴰⵎⴷⴷⴰⴽⴽⵍⵜ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⵎⵏⵥⴰⵡ ⴳ ⵓⵙⴽⵔ ⵏ ⵓⵙⵉⴷⴼ ⴰⴼⵔⵉⵇⵉ, ⴷ ⵓⵎⵛⴰⴱⴱⴰⴽ ⵏⵏⵙ ⵙ ⵜⵏⴼⵔⵓⵜ ⴷ ⵓⴼⵔⴰ ⴷ ⵓⵔⴳⴳⵉⴳ ⴳ ⵉⴼⵔⵉⵇⵢⴰ. ⴷ ⵜⵉⵍⵉⵜ ⵉⵥⵉⵍⵏ ⵏ ⵜⵎⵖⴰⵔⵜ ⵜⴰⵕⵡⴰⵏⴷⵉⵜ ⴳ ⵓⴱⵕⵍⴰⵎⴰⵏ ⴷ ⵓⴷⵖⴰⵔ ⵏⵏⵙ ⴷ ⵜⵉⵍⴰⵍⵜ ⵏⵏⵙ ⵍⵍⵉ ⵜⵙⴽⴰⵔ ⴳ ⵡⴰⵎⵓⵏ ⴷ ⵜⵎⵔⵙⴰⵍ.
ⵉⵙⵓⵜⴳ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴷⴷⴰⴷ ⵏ ⵜⴳⴷⵓⴷⴰⵏⵜ ⵏ ⵕⵡⴰⵏⴷⴰ ⵉ ⵓⵙⵏⴰⵍ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵖⵓⵍ ⵙ ⵓⴷⵖⴰⵔ ⵏⵏⵙ ⵓⵍⴳⵉⵏ ⴳ ⵜⵎⵓⵏⵜ ⵏ ⵉⴼⵔⵉⵇⵢⴰ, ⵉⵙⴷⴷⵉⴷ ⴼ ⵜⵣⴷⴰⵢⵜ ⵏ ⵜⴳⵍⴷⵉⵜ ⴷ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⵙ ⵓⴼⵔⴰⴽ ⵉⴷⵔⴰⵏ ⴳ ⵉⵎⴰⵍ ⵏ ⵉⴼⵔⵉⵇⵢⴰ. ⵎⴰ ⴰⴷ ⴰⴼ ⵜⵏⵄⵔ ⴳ ⴽⵓ ⵉⵏⵎⵓⵇⴰⵔⵏ ⵉⴳⵔⴰⵖⵍⴰⵏⵏ ⴼ ⵜⵎⵙⴰⵔⵉⵏ ⵏⵏⵙ ⵥⵉⵍⵏⵉⵏ ⴳⴰⵏⵉⵏ ⵜⵉⵣⵔⴼⴰⵏⵉⵏ ⴳ ⵓⵙⴱⴷⴷⵉ ⵏ ⵜⵎⴰⵖⵉⵏ ⴷ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⴷ ⵉⵙⴷⵉⴷⴷⵉⵢⵏ.
ⵢⵉⵏⵉ ⵎⴰⵙ ⵉⵎⵎⴰⵖ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙ ⵓⵙⵏⴰⵍ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵙ ⵓⵣⵎⵎⴻⵎ ⵏ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⴷ ⵓⵙⴽⵔ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵕⵡⴰⵏⴷⴰ, ⵉ ⵜⵎⴰⴷⵔⴰⵡⵜ ⵉⴷⵓⵙⵏ ⵙ ⵓⵙⵏⴼⵍ ⵏ ⵜⵎⵓⵥⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵓⵣⴷⴷⵓⵢ ⴷ ⵓⵎⵛⴰⵡⴰⵕ ⴳ ⴽⵓ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⴼ ⵜⵎⵙⴰⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵉⵙⵓⵜⴳ ⵎⴰⵙⵙ ⵜⵡⵉⵎⵉ ⴱⵏ ⵊⵍⵍⵓⵏ ⴰⴷⴷⴰⴷ ⵏ ⵜⴳⴷⵓⴷⴰⵏⵜ ⵏ ⵕⵡⴰⵏⴷⴰ ⴼ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⴱⴰⴹ ⴰⵏⴰⵎⵓⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴼ ⴽⵓ ⵜⴰⵙⴳⵉⵡⵉⵏ ⵏⵏⵙ.
ⴳ ⵓⵎⵏⵉⴷ ⵏⵏⵙ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵕⵡⴰⵏⴷⴰ ⴼ ⵡⴰⵜⵉⴳ ⵏ ⵜⵉⵔⴰⵜ ⵜⴰⵙⵔⵜⴰⵏⵜ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⴷ ⴱⵓⵍ ⴽⴰⴳⴰⵎⵉ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵕⵡⴰⵏⴷⴰ ⴼ ⵜⴳⵎⵉ ⵙ ⴽⵓ ⵓⴷⵎⴰⵡⵏ ⵏⵏⵙ ⴳ ⵙⵏⴰⵜ ⵜⵎⵉⵣⴰⵔ, ⴷ ⵓⵙⵕⵚⵓ ⵏ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵉⵜⵜⵓⵙⵎⴰⵢⵏⵓⵏⵏ ⵉⴳⴰⵏ ⴰⵏⴰⵡ ⵉⴼⴼⵓⵙ-ⵉⴼⴼⵓⵙ, ⵉⵍⵍⴰⵏ ⴷ ⵉⵏⴰⵔⵓⵣⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵙⵉⵏ ⵉⵎⴰⴷⴰⵏⵏ ⴳⴰⵏⵉⵏ ⵉⵎⴷⴷⵓⴽⴽⴰⵍ.
ⵜⵙⴷⴷⵉⴷ ⵎⴰⵙⵙ ⴷⵓⵏⴰⵜⵉⵍ ⵎⵓⴽⴰⴱⴰⵍⵉⵙⴰ ⴼ ⵡⴰⵜⵉⴳ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵏⴳⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵜⵉⵍⴰⵜ ⵏⵏⵙ ⴳ ⵓⵙⴷⵓⵙ ⴷ ⵓⵙⴷⵔⵓ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵡⴰⵜⵉⴳ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ. ⵜⵖⵔ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵔⵣⴰⴼ ⵏ ⵜⵡⵓⵔⵉ ⵉ ⵕⵡⴰⵏⴷ ⵉ ⵓⵙⵎⴰⴷ ⵏ ⵓⵣⵎⵎⴻⵎ ⵏ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵉⵙⵇⵇⵉⵎⵏ.
ⴰⵏⵎⵓⵇⴰⵔ ⵏ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ ⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵕⵡⴰⵏⴷⴰ ⵎⴰⵙⵙⴰ ⵏⵢⴰⵔⴰ ⵙⴼⴰⵔⵉ ⵉⵙⴱⵉⵔⴰⵏⵙ
ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵜⵉⵡⵉⵎⵉ ⴷ ⵎⴰⵙⵙⴰ ⵏⵢⴰⵔⴰ ⵙⴼⴰⵔⵉ ⵉⵙⴱⵉⵔⴰⵏⵙ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵕⵡⴰⵏⴷⴰ, ⴼ ⵜⴱⵔⵉⴷⵉⵏ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵓⵣⴷⴷⵓⵢ ⴷ ⵓⵎⵢⴰⵡⴰⵙ ⵊⴰⵔ ⵙⵉⵏ ⵉⵙⵇⵇⵉⵎⵏ ⴷ ⵓⴹⴼⵕ ⵏ ⵉ ⵉⴱⵕⵍⴰⵎⴰⵏⵉⵢⵉⵏ ⵉ ⵜⵎⵢⴰⵇⵇⴰⵏⵉⵏ ⵜⵜⵓⵣⵎⵎⴰⵎⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⴽⵓ ⵉⴳⵔⴰⵏ.
ⵉⵃⴰⴹⵕ ⴳ ⵉⵏⵎⵓⵇⴰⵔⵏ ⵎⴰⴷ ⵜⴰⵎⴰ ⵏ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵎⵓⵔⴰ, ⵎⴰⵙⵙ ⵢⵓⵙⵓⴼ ⵉⵎⴰⵏⵉ, ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴽⵉⴳⴰⵍⵉ.