ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴳ ⵓⵙⵏⵓⴱⴳ ⵏⵏⵙ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⵜⴳ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵚⵉⵕⴱⵢⴰ ⵜⴰⵙⵔⵜⵉⵜ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 05 ⵎⴰⵢⵢⵓ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵎⴰⵙⵙ ⵏⵉⴽⵓⵍⴰ ⵙⵉⵍⴰⴽⵓⴼⵉⵛ ⴰⵎⴰⵡⵙⴰⵙ ⵏ ⴱⵕⵕⴰ ⵏ ⵜⴳⴷⵓⴷⴰⵏⵜ ⵏ ⵚⵉⵕⴱⵢⴰ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⴷⴷⵓⴽⴽⵍⴰ ⴷ ⵜⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⴳ ⵓⵏⵎⵓⵇⴰⵔ ⴰⴷ, ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷⴷⴰⴷ ⵏ ⵚⵉⵕⴱⵢⴰ ⴳ ⵓⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⵢⵉⵏⵉ ⵎⴰⵙ ⴷⵔⵓⵏⵜ ⵙⵏⴰⵜ ⵜⵎⵉⵣⴰⵔ ⴰⵜⵉⴳⵏ ⵜⵙⵎⵓⵏ ⵜⵏ ⵜⵣⴷⴰⵢⵜ ⵏ ⵜⴷⴷⵓⴽⴽⵍⴰ ⵉⴷⵓⵙⵏ ⵙⴳ ⴰⵙⵏⵜⵉ ⵏ ⵜⵣⴷⴰⵢⵜ ⵜⴰⴷⵉⴱⵍⵓⵎⴰⵙⵉⵜ ⵊⴰⵔ ⵏⵏⵙⵏ ⴳ 1957. ⵉⵣⵎⵎⵉⵎ ⴰⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵏ ⵙⵏⴰⵜ ⵜⵎⵉⵣⴰⵔ ⴳ ⴽⵓ ⵜⵉⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ, ⵢⵉⵏⵉ ⵎⴰⵙ ⴷ ⴰⵎⵣⴰⵖ ⵏ ⵓⴱⴰⴹ ⴰⵏⴰⵎⵓⵔ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⴳⴰⵏ ⴳ ⵜⵔⵙⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵏ ⵙⵏⴰⵜ ⵜⵎⵉⵣⴰⵔ.
ⴳ ⵓⵎⵏⴰⴹ ⴰⴷ, ⵉⵙⵙⴽⵜⵉ ⴷ ⵎⴰⵙⵙ ⵍⵎⴰⵍⴽⵉ, ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⵉⴳⵍⵍⵉⵏ ⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙ ⵙⵉⵏ ⵖ ⵓⵚⴽⵓ ⵏ ⵓⵎⵓⵙⵙⵓ ⵏ “ⵄⴰⴷⴰⵎ ⴰⵍⵉⵏⵃⵉⵢⴰⵣ” ⵖ ⵜⵙⵏⵓⴱⴳ ⵚⵉⵕⴱⵢⴰ ⴳ ⵓⵙⴳⴳⵯⴰⵙ ⴰⴷ ⴰⵙⴼⵓⴳⵍⵓ ⵏ ⵓⴽⵜⵜⴰⵢ ⵡⵉⵙ 60 ⵏ ⵓⵙⴽⵔ ⵏⵏⵙ. ⵉⵖⵔ ⵉ ⵜⵣⵣⵉⴳⵣⵜ ⵏ ⵓⵣⴷⴷⵓⵢ ⵉⴷⵓⵙⵏ ⴷ ⵉⵙⵓⵍⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵚⴰⵃⴰ ⵏ ⵜⵏⵓⴼⴰ ⵏⵏⵙⵏ ⵛⵛⴰⵔⵏⵉⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵙ ⵉⵙⵏⴼⴰⵔⵏ ⵛⵛⴰⵔⵏⵉⵏ ⴳ ⵓⵎⵏⵉⴷ ⵏ ⵜⴳⵎⵉ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ.
ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵏ ⵜⵎⴰⴷⵔⴰⵡⵜ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵍⵍⵉ ⵉⵣⵎⵎⵉⵎⵏ ⴳ 2018 ⵜⴰⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⴼ ⵓⵙⵎⵔⵙⵍ ⵏ ⵜⵣⴷⴰⵢⵉⵏ, ⵉⵖⵔ ⵓⵍⴰ ⵉ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵚⵉⵕⴱⵢⴰ ⵉ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵜⴳⴷⵓⴷⴰⵏⵜ ⵏ ⵚⵉⵕⴱⵢⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵢⵉⵏⵉ: “ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵉⴳⴰⵏ ⴰⵏⴰⵡ, ⵜⵔⵎⵙ ⴳ ⵜⵙⵔⵜⴰⵢ ⵏⵏⵙ ⵖ ⵜⵣⴷⵉ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ, ⵉⵙⵓⵜⴳ ⵓⵎⴰⴷⴰⵏ ⴰⵚⵉⵕⴱⵉ ⵜⴰⵙⵔⵜⵉⵜ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ”. ⵢⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⵏⵏⵙ ⵉ ⵍⵎⵖⵔⵉⴱ ⴰⵎⵣⵡⴰⵔⵓ ⵍⵍⵉ ⵉⵙⴽⵔ ⵉ ⵜⵎⴰⵣⵉⵔⵜ ⵙⴳ ⵉⴼⵔⵉⵇⵢⴰ, ⴰⵢⵍⵍⵉ ⵉⵎⵎⴰⵍⴰⵏ “ⴰⵙⵡⵉⵔ ⵏ ⵜⴷⴷⵓⴽⴽⵍⴰ ⵉⵥⵉⵍⵏ ⴷ ⵜⵎⵢⵉⵎⴰⵏⵜ ⵉⵜⵜⵓⵙⵏⴼⴰⵍⵏ ⵊⴰⵔ ⵙⵉⵏ ⵉⵎⴰⴷⴰⵏⵏ ⴷ ⵙⵏⴰⵜ ⵜⵎⵉⵣⴰⵔ”.
ⵉⵙⴷⴷⵉⴷ ⵓⵎⵙⵜⴳⴳⴰⵔ ⴰⵚⵉⵕⴱⵉ ⴼ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵙⵎⴰⵢⵏⵓ ⴰⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵜⵓⴳⴳⴰⵙ ⵏⵏⵙ ⴳ ⵓⵙⴽⵔ ⵏ ⵓⴼⵙⵙⴰⵢ ⵉⵙⵎⴷⵏ ⵉ ⵜⵎⵓⴽⵔⵉⵙⵜ ⵉⵜⵜⵓⵙⴽⴰⵔⵏ ⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵢⵉⵏⵉ ⵎⴰⵙ ⵔⴰⴷ ⵣⵣⵉⴳⵣⵏⵜ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙ ⵓⵣⵎⵎⴻⵎ ⵏ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴷⴼⴼⵉⵔ ⵏ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ.