ⴳ ⵓⵙⵏⵓⴳ ⵏⵏⵙ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⵜⴳ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ ⵙ ⵜⵣⵡⵉⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ

ⵉⵎⴹⴰⴽⴰⵕ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⴹⵢⴰⵙ 13 ⵎⴰⵕⵚ 2021, ⴳ ⵕⵕⴱⴰⵟ ⴷ ⵎⴰⵙⵙ Fortune Charumbira ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ ⵍⵍⵉ ⴷ ⵉⵔⵣⴼⵏ ⵙ ⵜⵎⴰⵣⵉⵔⵜ ⵏⵏⵖ.

ⵓⵙⵓⵜⴳ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ ⵙ ⵜⵣⵡⵉⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⵜⵎⵙⴽⴰⵔ ⴷ ⵉⵙⵡⵓⴷⴷⵓⵜⵏ ⵏ ⵜⴳⵍⴷⵉⵜ ⴳ ⵓⵎⵏⵉⴷ ⴰⴷ, ⵜⵙⵙⵓⵙⵎ ⵜ ⴰⵡⴷ ⵜⴰⵣⵣⵉⴳⵣⵜ ⵏ ⵍⵎⵖⵔⵉⴱ ⴳ ⴽⵓ ⵉⴳⵔⴰⵏ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵉⵙⴷⴷⵉⴷ ⵎⴰⵙⵙ Fortune Charumbira ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ, ⵢⵉⵏⵉ ⵎⴰⵙ ⵉⵜⵜⵓⵙⴽⴰⵔ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ ⵉ ⵚⴰⵃⴰ ⵏ ⵜⴳⵎⵉ ⴳ ⵉⴼⵔⵉⵇⵢⴰ, ⵉⴳ « ⴰⵢⴷⴰ ⵏ ⵉⵎⴰⴷⴰⵏⵏ ⵏ ⵓⵎⵏⵥⴰⵡ », ⵉⵙⴰⵡⵍ ⵓⵍⴰ ⴼ ⵉⵙⵡⵓⴷⴷⵓⵜⵏ ⵏ ⵓⵙⵎⴰⵢⵏⵓ ⵏ ⵓⴱⵕⵍⴰⵎⴰⵏ ⴰⴷ ⴳ ⵜⵙⵓⵜⵍⵜ ⴷ ⵢⵓⵛⴽⴰⵏ ⵏ ⵎⴰⵢⵢⵓ ⴳ ⵓⵙⴳⴳⵯⴰⵙ ⴰⴷ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⵏ ⵉⴼⵔⵉⵇⵢⴰ ⴳ ⵓⵙⵏⵉⵍⴽⵎ ⵊⴰⵔ ⵉⵎⴰⴷⴰⵏⵏ ⵏ ⵓⵏⵎⵏⵥⴰⵡ, ⵉⴱⴷⴷ ⴼ « ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵎⵔⵙⵍⵜ ⴰⴷ, ⴷ ⴰⴷ ⵜⴻⵟⵟⵉⴼ ⵜⵓⵍⴳⵉⵏⵜ ⵜⵓⵛⵛⵉⵍⵜ », ⵉⵖⵔ ⴰⴷ ⵢⵉⵍⵉ ⵓⵎⵙⴰⵡⴰⵍ ⴰⴷⵉⵎⵓⵇⵔⴰⵔⴰⵟⵉ ⵉ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ ⴳ ⵉⴼⵔⵉⵇⵢⴰ, ⴷ ⵓⵙⵡⵓⵔⵉ ⵉ ⵜⴰⵎⵓⵏⵜ ⵏⵏⵙ ⵙ ⴰⵢⵍⵍⵉ ⵔⴰⴷ ⵉⵕⵥⵎ ⵉⵎⵏⴰⴷⵏ ⵉⵎⴰⵢⵏⵓⵜⵏ ⵉ ⵉⵎⴰⵍ ⵏ ⵜⴰⵙⵓⵜⵉⵏ ⴷ ⵓⵛⴽⴰⵏⵉⵏ.

ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⵎⴰⵙ ⴷ ⵉⵙⵜⴰⵢⵏ ⴷ ⵓⵛⴽⴰⵏⵉⵏ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ, ⵉⵇⵇⴰⵏ ⴷ ⴰⴷ ⴳⵉⵏ ⴰⵣⵎⵣ ⴰⴷⵉⵎⵓⵇⵔⴰⵟⵉ ⵢⴰⴳⴳⵓⴳⵏ ⴼ ⵉⵎⴰⵖⵏ, ⵉⴱⴷⵔ ⵜⵉⵔⴰⵜ ⵉⴷⵓⵙⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉ ⵓⵙⵎⵔⵙ ⵏ ⵓⵙⵔⵙ ⴰⴷ ⴷ ⵜⵡⵉⵣⵉ ⴰⴷ ⵢⵉⵍⵉ « ⵓⵚⴽⵓ ⵏ ⵉⴼⵔⵉⵇⵢⴰ ⵉⵎⵓⵏⵏ ».