ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵏⴼⵓⵙ ⴰⵎⴰⵢⵏⵓ ⵏ ⵜⵉⵍⵉⵜ ⵏ ⵉⵄⵔⵔⵉⵎⵏ ⵉ ⵜⵓⴷⵔⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵎⴰⵣⵉⵜⵔⵜ ⵏⵏⵖ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵙⵉⵏⴰⵙ 26 ⵉⵏⵏⴰⵢⵔ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵉⵎⴰⵔⴰⵜⵏ ⵉⵎⴰⵜⴰⵢⵏ ⵏ ⵜⵄⵄⵓⵔⵎⴰ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴷ ⴽⵔⴰ ⵏ ⵉⵎⵓⵔⴰ ⵉⵄⵔⵔⵉⵎⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ.
ⵙⴰⵡⵍⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴼ ⵜⵎⵙⵙⴽⵜⵉⵜ ⵏⵏⵙⵏ ⵏ ⵓⵏⵄⴰⵔ ⵖ ⵓⵙⵓⵊⴷ ⵏ ⵉⵙⵜⴰⵢⵏ ⴷ ⵓⵛⴽⴰⵏⵉⵏ. ⵙⴷⴷⵉⴷⵏ ⴼ ⵡⴰⵜⵉⴳ ⵏ ⵓⵙⴷⵔⵓ ⵏ ⵉⵄⵔⵔⵉⵎⵏ ⵖ ⵜⵖⵜⴰⵙⵜ ⵜⴰⵙⵔⵜⴰⵏⵜ ⵎⴽ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011, ⵉⵏⵉⵏ ⵎⴰⵙ ⵜⴳⴰ ⵜⵍⴳⴰⵎⵜ ⵜⴰⵏⴰⵎⵓⵔⵜ ⵢⴰⵏ ⵉⵎⵉⵙⵙ ⵉⵜⵜⴰⵡⵙⵏ ⴳ ⵓⵙⵕⵚⵓ ⵏ ⵓⵙⴽⵓ ⴰⴷⵉⵎⵇⵔⴰⵟⵉ ⴳ ⵜⵎⴰⵣⵉⵔⵜ ⵏⵏⵖ.
ⵙⴷⴷⵉⴷⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴼ ⵜⴷⵉⵏⴰⵎⵉⵜ ⵏ ⵜⵡⵓⵔⵉ ⵏ ⵉⵎⵓⵔⴰ ⵉⵄⵔⵔⵉⵎⵏ ⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ ⵓⵍⴰ ⵜⵉⴷⴰ ⵣⵔⵉⵏⵉⵏ. ⵖⵔⵉⵏ ⴰⴷ ⵙⵓⵍ ⵉⵍⵉⵏ ⵉⵄⵔⵔⵉⵎⵏ ⴳ ⴽⵓ ⵉⵏⴳⵎⴰⵎⵏ ⴷ ⵜⴳⵔⴰⵡⵉⵏ ⵜⵜⵓⵙⵜⴰⵢⵏⵉⵏ, ⵉⵏⵉⵏ ⵎⴰⵙ ⴷ ⵓⵖⵓⵍ ⵙⴳ ⵜⵉⵢⴰⴼⵓⵜⵉⵏ ⵔⴰⴷ ⵉⴳ ⵜⵉⵕⵥⵉ ⵏⵓⴱⵔⵉⴷ ⵍⵍⵉ ⵜⵙⵜⵉ ⵜⵎⴰⵣⵉⵔⵜ ⵏⵏⵖ ⵙⴳ ⵓⵙⵖⵣⵏ ⵏ ⵓⴷⵓⵙⵜⵓⵔ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵏⴼⵓⵙ ⴰⵎⴰⵢⵏⵓ ⵍⵍⵉ ⵜⴼⴽⴰ ⵜⵉⵍⵉⵜ ⵏ ⵉⵄⵔⵔⵉⵎⵏ ⵉ ⵜⵓⴷⵔⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵎⴰⵣⵉⵔⵜ ⵏⵏⵖ,”ⵓⵔ ⵉⵥⴹⴰⵕ ⴰⴷ ⵢⵉⵍⵉ ⴳ ⵉⵎⴰⵍ ⵢⴰⵏ ⵓⴱⵕⵍⴰⵎⴰⵏ ⵜⴰⵔ ⵜⵉⵍⵉⵜ ⵉⵙⵜⴰⵡⵀⵎⵎⴰⵏ ⵏ ⵉⵄⵔⵔⵉⵎⵏ ⴷ ⵜⵎⵖⴰⵔⵉⵏ”. ⵉⴱⴷⴷ ⵓⵍⴰ ⴼ ⵜⵉⵍⴰⵍⵜ ⵜⴰⵙⵉⵍⴰⵏⵜ ⵏ ⵉⵄⵔⵔⵉⵎⵏ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ, ⵢⵉⵏⵉ ⵎⴰⵙ ⴷ ⵉⵎⵖⴰⵔⵏ ⵉⵎⵣⵔⴰⵢⵏ ⵏ ⵜⵎⴰⵖⵜ ⵏ ⵓⵙⴷⵔⴼⵉ ⵎⴳⴰⵍ ⵏ ⵓⵙⴷⴷⵓⵔⵔⵉ ⴳⴰⵏ ⵉⵄⵔⵔⵉⵎⵏ.
ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⵎⴰⵙ ⴷ ⵜⴰⵡⵓⵔⵉ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵙⵔⵜⴰⵏⵜ ⵜⴱⴷⴷ ⴼ ⵓⵙⴳⵓⴷⵉ ⴷ ⵓⵎⵙⴰⵙⴰ ⴷ ⵎⴰⴷ ⵜⵔⴰ ⵜⴼⵔⴽⴰ, ⵉⵖⵔ ⵉ ⵓⵙⵓⵜⴳ ⵏ ⵜⵢⴰⴼⵓⵜⵉⵏ ⴷ ⵓⵙⴱⵓⵖⵍⵓ ⵏⵏⵙⵏ, ⵢⵉⵏⵉ ⵎⴰⵙ “ⵉⴱⴷⴷ ⵓⵙⴽⵓ ⴰⴷⵉⵎⵓⴽⵔⴰⵟⵉ ⴷ ⵓⵙⴱⵓⵖⵍⵓ ⵏ ⵡⴰⵎⵓⵏ ⵖ ⴽⵓ ⵉⴳⵔⴰⵏ ⴼ ⵜⴷⵔⴰⵡⵜ ⵉⵕⵡⴰⵏ ⵏ ⵉⵄⵔⵔⵉⵎⵏ”.
.