ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵖⵣⵏ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⴼ ⵓⵙⵎⵍ ⴳ ⵜⴰⵣⵣⵓⵍⵉⵏ ⴰⵜⵜⵓⵢⵏⵉⵏ ⴷ ⵓⵙⵏⴼⴰⵔ ⵏ ⵓⵙⵍⴳⵏ ⴼ ⵜⵏⴼⴳⵓⵔⵉⵏ ⵜⵉⵥⵕⴼⴰⵏⵉⵏ ⴼ ⵓⵖⵓⵍ ⵏ ⵜⵥⵕⵉⴳⵜ ⵏ ⵉⵛⵉⴽⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵡⴰⵢⵏⴰⵙ 04 ⵉⵏⵏⴰⵢⵔ 2021, ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 57.20 ⴼ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 02.12 ⴼ ⵓⵙⵎⵍ ⴳ ⵜⵣⵣⵓⵍⵉⵏ ⴰⵜⵜⵓⵢⵏⵉⵏ ⵙ ⵓⵎⵙⴰⵙⴰ ⴷ ⵉⵎⴰⴳⵔⴰⴷⵏ 49 ⴷ 92 ⴳ ⵓⴷⵓⵙⵜⵓⵔ, ⵙ ⵓⵎⴰⴽⵕⴰⴹ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 69.20 ⴼ ⵓⵙⵖⵣⵏ ⵏ ⵓⵎⵕⵚⵓⵎ  ⵙ ⵓⵙⵍⴳⵏ ⵓⵟⵟⵓⵏ 2.20.690 ⵏ 12 ⵚⴰⴼⴰⵕ 1442 (30 ⵛⵓⵜⴰⵏⴱⵉⵔ 2020) ⴼ ⵉⴱⴹⵉⵢⵏ ⵥⵍⵉⵏⵉⵏ ⵙ ⵜⵏⴼⴳⵓⵔⵉⵏ ⵜⵉⵥⵕⴼⴰⵏⵉⵏ ⵉ ⵓⵖⵓⵍ ⵏ ⵜⵥⵕⵉⴳⵜ ⵏ ⵉⵛⵉⴽⵏ, ⵖ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵛⴰⵄⴱⵓⵏ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.

ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵖ ⵜⴳⵓⵔⵉ ⵏⵏⵙ ⵎⴰⵙ ⵉⵡⴰⵜⵜⵙ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 57.20 ⴰⵙⵎⴰⴷ ⵏ ⵜⵍⴳⴰⵎⵉⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵜⵜⵓⴱⴷⴰⵔⵏⵉⵏ ⵖ ⵉⵎⴹⴼⵓⵕⵏ 1 ⴷ 2 ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 02.12 ⵍⵍⵉⵖ ⵜⵜⵓⵙⴽⴰⵔ “ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⵣⵎⵎⵉⵎⵏ” ⵙ ⵓⵙⵍⴳⵏ ⵓⵟⵟⵓⵏ 72.18 ⴼ ⵓⵏⴳⵔⴰⵡ ⵏ ⵡⵉⵍⵍⵉ ⵎⵓ ⵚⴰⵃⴰⵏ ⵉⵖⴰⵡⴰⵙⵏ ⵏ ⵓⵙⵏⴰⵍ ⴰⵏⴰⵎⵓⵏ ⴷ ⵓⵙⴽⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⵣⵎⵎⵉⵎⵏ, ⵖ ⵜⵍⴳⴰⵎⵜ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵏ ⴼ ⵉⵍⵍⴰ ⵓⵎⴷⴰⵡⴰⵍ ⵅⴼ ⵉⵎⵙⵜⴳⴳⴰⵔⵏ ⵏⵏⵙⵏⵜ ⵖ ⵓⵙⵇⵇⵉⵎ ⴰⵎⴰⵡⵙⴰⵙ, ⴷ ‘ⵜⵎⵙⵙⵓⵔⵓⵜ ⵜⴰⵏⴰⵎⵓⵔⵜ ⵉ ⵓⴹⵎⵏ ⴷ ⵓⵙⵙⵥⵕⴼ ⵏ ⵜⵎⵙⵙⵏⵜⴰⵢⵜ” ⵙ ⵓⵙⵍⴳⵏ ⵓⵟⵟⵓⵏ 36.20 ⵙ ⵓⵙⵎⴰⵜⵜⵉ ⵏ ⵓⴼⵏⵉⵇ ⴰⵏⴰⵎⵎⴰⵙ ⵏ ⴹⴹⴰⵎⴰⵏⴰ ⵙ ⵜⵎⵙⵙⵓⵔⵓⵜ ⵏ ⵜⵡⵉⵙⵉ,  ⵖ ⵜⵍⴳⴰⵎⵜ ⵏ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵏ ⴼ ⵉⵍⵍⴰ ⵓⵎⴷⴰⵡⴰⵍ ⵅⴼ ⵓⵙⵎⵍ ⵏ ⵉⵎⵙⵜⴳⴳⴰⵔⵏ ⵏⵏⵙⵏⵜ ⵖ ⵓⵙⵇⵇⵉⵎ ⴰⵎⴰⵡⵙⴰⵙ.

ⵉⴳⴰ ⵓⵙⵖⵣⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 69.20 ⵉⴳⴰⵏ ⴰⵙⵖⵣⵏ ⵏ ⵓⵎⵕⵚⵓⵎ ⵙ ⵓⵙⵍⴳⵏ ⵓⵟⵟⵓⵏ 2.20.690 ⵍⵍⵉ ⴷ ⵉⴼⴼⵖⵏ ⵖ 12 ⵚⴰⴼⴰⵕ 1442 (30 ⵛⵓⵜⴰⵏⴱⵉⵔ 2020) ⵙ ⵓⵙⵔⵓⵙ ⵏ ⵉⴱⴹⵉⵢⵏ ⵥⵍⵉⵏ ⵙ ⵜⵏⴼⴳⵓⵔⵉⵏ ⵜⵉⵥⵕⴼⴰⵏⵉⵏ ⵉ ⵓⵖⵓⵍ ⵏ ⵜⵥⵕⵉⴳⵜ ⵏ ⵉⵛⵉⴽⵏ, ⴷⴼⴼⵉⵔ ⵎⴰ ⴷ ⵜⵙⵙⴼⵓⵖ ⵜⵏⴱⴰⴹⵜ ⴰⵎⵕⵚⵓⵎ ⵙ ⵓⵙⵍⴳⵏ ⵖ ⵜⵉⵣⵉ ⵉⵍⵍⴰⵏ ⵏⴳⵔ ⵜⵙⵓⵜⵍⵉⵏ ⵜⵉⵣⵣⵔⴰⴼⵉⵏ, ⵍⵍⵉ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴼⵙⵔ ⵏⵏⵙ ⵖ ⵓⴱⵕⵍⴰⵎⴰⵏ ⵖ ⵜⵙⵓⵜⵍⵜ ⵜⴰⵏⵎⵢⵓⵔⵜ ⴷ ⵢⵓⵛⴽⴰⵏ.  

ⵉⵡⴰⵜⵜⵙ ⵓⴹⵕⵉⵚ ⴰⴷ ⴰⵙⵉⵣⴷⵔ ⵏ ⵜⵏⴼⴳⵓⵔⵜ ⵜⴰⵥⵕⴼⴰⵏⵜ ⵍⵉ ⵔⴰⴷ ⵉⵜⵜⵓⴼⴽⵉ ⵉ ⵓⵖⵓⵍ ⵏ ⵜⵥⵕⵉⴳⵜ ⵏ ⵉⵛⵉⴽⵏ ⵙ 0.5% ⵖ ⵓⵏⵛⴽ ⵏ ⵓⵛⵉⴽ ⴰⵎⵣⵡⴰⵔⵓ, ⴷ 1% ⵖ ⵡⵉⵙ ⵙⵉⵏ, ⴷ 1.5% ⵖ ⵡⵉⵙ ⴽⵕⴰⴹ ⴷ ⵡⵉⵢⵢⴰⴹ. ⵔⴰⴷ ⵢⵉⵍⵉ ⵓⵙⵡⵓⵔⵉ ⵙ ⵜⵓⵎⴰⵢⵉⵏ ⴰⴷ ⴰⵔ 31 ⵎⴰⵕⵚ ⵖ ⵓⵙⴳⴳⵯⴰⵙ ⴰⴷ, ⵉⵥⴹⴰⵕ ⴰⴷ ⵢⵉⵍⵉ ⵓⵙⵡⵓⵔⵉ ⴰⴷ ⵖ ⵜⵉⵣⵉ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⵙ ⵓⵎⵕⵚⵓⵎ.