ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵜⵎⵓⵏⵜ ⵏ ⵍⵎⵓⵃⵉⵟ ⵍⵀⴰⴷⵉ, ⴰⵙⵏⴰⵍ ⵏ ⵜⵎⵙⴽⴰⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵓⵙⴼⵍⵙ ⵏ ⵓⵙⴰⴽⴰ « ⵍⴳⵔⴳⴰⵔⴰⵜ »
ⵜⵏⵏⴰ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵜⵎⵓⵏⵜ ⵏ ⵍⵎⵓⵃⵉⵟ ⵍⵀⴰⴷⵉ, ⵜⴳⴰ ⴰⵏⴳⵎⴰⵎ ⵏ ⵓⵣⴷⴷⵓⵢ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵎⵢⴰⵡⴰⵙ ⴷ ⵓⵙⵉⴷⴼ ⵏⴳⵔ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ, ⴰⵅⵎⵎⴻⵎ ⵏⵏⵙ ⵖ ⵜⵎⵙⴰⵔⵉⵏ ⴳⴳⵓⵔⴰⵏⵉⵏ ⵖ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⵙⴷⴷⵉⴷ ⴰⵙⵏⴰⵍ ⵏⵏⵙ ⵉ ⵜⵎⵙⴽⴰⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉ ⵓⴼⵔⴰⴳ ⵏ ⵜⵏⴼⵔⵓⵜ ⴷ ⵜⵣⵣⵉⴳⵣⵜ ⵏ ⵜⵎⴳⵓⵔⴰ ⴷ ⵉⵡⴷⴰⵏ ⴷ ⵜⵏⵓⴼⴰ ⵖ « ⵍⴳⵔⴳⴰⵔⴰⵜ » ⵉⵍⵍⴰⵏ ⵖ ⵉⵡⵜⵜⴰ ⵏⴳⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ.
ⵜⵉⵏⵉ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵜⵎⵓⵏⵜ ⵏ ⵍⵎⵓⵃⵉⵟ ⵍⵀⴰⴷⵉ « ⴰⵙⵏⴰⵍ ⵏⵏⵙ ⵉⵙⵎⴷⵏ ⵉ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⴷ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵙ ⵓⵅⵎⵎⴻⵎ ⵏ ⵜⵎⵜⵜⴰ ⵉⵎⵓⵏⵏ ⴷⴷⵓ ⵏ ⵓⴱⴰⴹ ⴰⵎⵖⵔⵉⴱⵉ ⴷ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ».
ⵎⴰⵢⴰ ⴷ ⴰⴷ ⵉⵍⵍⴰⵏ ⵖ ⵓⵙⵉⵡⴹ ⵏ ⵜⵙⵇⵇⵉⵎⵜ ⵏ ⵓⴽⵡⴰⵙ 10 ⴷⵓⵊⴰⵏⴱⵉⵔ 2020, ⴷⴼⴼⵉⵔ ⵏ ⵓⵣⵎⵎⴻⵎ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ Miguel Ángel Calisto ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ, ⴼ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵙ ⵉⴳⴰ ⵍⵎⵖⵔⵉⴱ ⴰⴳⵎⴰⵎ ⵉⵎⵥⵕⵉ ⴷⴰⵔ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ.
ⵖ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴷ ⴰⵍⵜⴰⵖ ⴰⴷ ⴰⵔ ⵉⵎⵎⴰⵍ ⵜⵉⵣⴷⴰⵢⵉⵏ ⵏ ⵓⵏⵔⴰⵎⴰⵙ ⴷ ⵜⴷⴷⵓⴽⵍⴰ ⵉⵙⵎⵓⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵏ ⵉⵡⴰⵏⴽⵏ ⵍⵍⴰⵏⵉⵏ ⵖ ⵜⵎⵓⵏⵜ ⵏ ⵍⵎⵓⵃⵉⵟ ⵍⵀⴰⴷⵉ, ⵉⴳ ⵓⵎⵢⴰⵡⴰⵙ ⴰⴷ : « ⵜⴰⵔⵙⵍⵜ ⵜⴰⴷⵙⵍⴰⵏⵜ ⵉ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵉⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵛⵛⵉⵍ ⵓⴷⴷⵉⵔ ⵉ ⵓⵎⵣⴰⵖ ⵏ ⵜⵏⵓⴼⴰ ⴷ ⵉⵏⴰⵔⵓⵣⵏ ⵏ ⵉⵡⴷⴰⵏ ⵏⵏⵖ ⵉⵎⴷⴷⵓⴽⴽⴰⵍ ».
ⵜⵡⴰⵜⵜⵙ ⵜⵎⵢⴰⵇⵇⴰⵏⵜ ⴰⴷ ⴰⴷ ⵉⵍⵉⵏⵜ ⵜⵣⴷⴰⵢⵉⵏ ⵙⵓⵍⵏⵉⵏ, ⴰⵙⴷⵓⵙ ⵏ ⵓⵎⵙⴰⵡⴰⵍ ⴰⵙⵔⵜⴰⵏ, ⴰⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵙⵇⵇⵉⵎ ⵏ ⵉⵎⵓⵔⴰ.
ⵜⵙⵎⵓⵏ ⵜⵎⵓⵏⵜ ⴰⴷ ⴽⴽⵓⵥ ⵉⵡⴰⵏⴽⵏ : ⵛⵛⵉⵍⵉ, ⴽⵓⵍⵓⵎⴱⵢⴰ, ⵍⵎⵉⴽⵙⵉⴽ, ⵍⴱⵉⵔⵓ, ⴳⵉⵙ 59 ⵏ ⵓⵡⴰⵏⴽ ⵉⵎⵥⵕⵉ, ⵜⴳ ⵜⵉⵙ ⵙⴰⵜ ⵏ ⵜⵎⴷⵙⴰⵏⵉⵏ ⵖ ⵓⵎⴰⴹⴰⵍ ⵙ 40 % ⵏ ⵜⵢⴰⴼⵓⵜ ⵜⴰⵎⵙⴰⵔⵉⵜ ⵖ ⵎⵉⵔⵉⴽⴰⵏ ⵜⴰⵍⴰⵜⵉⵏⵉⵜ.