ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵜⴰⴱⵔⴰⵜ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵙⵟⵉⵏⵉ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵓⵜⴳ ⵏ ⵡⴰⴷⴷⴰⴷ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵓⵙⵏⴰⵍ ⵏ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ
ⵉⵏⵏⴰ ⵙⴰⵍⵉⵎ ⵣⵣⴰⵄⵏⵓⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵙⵟⵉⵏⵉ, ⴰⵙⵓⵜⴳ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⵏ ⵡⴰⴷⴷⴰⴷ ⵉⵙⵓⵍⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵖ ⵓⵙⵏⴰⵍ ⵏ ⵉⵣⵔⴼⴰⵏ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ ⵖ ⵓⵙⴽⵔ ⵏ ⵓⵡⴰⵏⴽ ⵏⵏⵙ ⴰⵙⵉⵎⴰⵏ ⵙ ⵜⵎⴰⵥⵓⵏⵜ ⵏⵏⵙ ⵉⴳⴰⵏ ⵍⵇⵓⴷⵙ.
ⵉⵙⴷⴷⵉⴷ ⵎⴰⵙⵙ ⵣⵣⴰⵄⵏⵓⵏ ⵖ ⵜⴱⵔⴰⵜ ⵉ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ « ⵜⵜⵓⵙⵙⴰⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵎⴰⴷⴰⵏ ⴰⵎⵖⵔⵉⴱⵉ ⵙ ⴽⵓ ⵉⴼⵔⴷⴰⵙ ⵏⵏⵙ « ⵙ ⵓⵙⵏⴰⵍ ⴷ ⵓⵙⵖⵓⵏ ⴰⵄⵕⴰⴱ ⵎⵏⵉⴷ ⵏ ⵜⵎⵙⴰⵔⵜ ⵏ ⴰⵢⵜⵎⴰⵜⵜⵙⵏ ⵏ ⴼⴰⵍⵉⵙⵟⵉⵏ, ⵍⵍⵉ ⵓⵔ ⵉⵜⵜⵓⵙⵏⴼⴰⵍⵏ ⵎⵇⵇⴰⵔ ⵙⵏⴼⵍⵏⵜ ⵜⵎⵙⵓⵜⵍⵉⵏ, ⴰⵢⵍⵍⵉ ⵉⵍⵍⴰⵏ ⵖ ⵜⵉⵍⴰⵍ ⵏ ⵜⵡⵉⵣⵉ ⵜⵉⵎⴰⴷⴷⵓⴷⵉⵏ ⴷ ⵜⵎⴷⵏⴰⵏⵉⵏ ⴷ ⵜⵉⵏ ⵉⵎⵎⵓⵍⵍⵉⵜⵏ ⴷ ⵉⵏⵎⵓⵍⵍⴰ ⵖ ⴽⵓ ⵜⴰⵙⴳⵉⵡⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙ ⵓⵙⴼⵓⴳⵍⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵡⵉⵣⵉ ⴷ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ ».
ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⴼⵉⵍⵉⵙⵟⵉⵏⵉ ⵙ ⵓⴷⵖⴰⵔ ⴰⵏⴰⵎⵎⴰⵙ ⵏ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⴷⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵢⵉⵏⵉ ⵎⴰⵙ ⵓⵔ ⵉⵇⴱⵍ ⵓⵎⴰⴹⴰⵍ ⴰⵡⴰⵍ ⵏ ⵉⵙⵕⴰⵉⵍ ⴷ ⵜⵙⵔⵜⵉⵜ ⵏⵏⵙ, ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⵖⵡⵏ ⵙ ⵉⵎⵇⵇⵏⵏ ⴷ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵙⴰⵡⴰⵍⵏⵉⵏ ⴼ ⵓⵎⴰⴷⴰⵏ ⴷ ⵓⵡⴰⵏⴽ ⵏ ⴼⵉⵍⵉⵙⵟⵉⵏ ⴷ ⵜⵎⵙⴰⵔⵜ ⵏⵏⵙ, ⵜⵉⵍⵉ ⴳⵉⵙ ⵜⵉⵏ ⵍⵇⵓⴷⵙ ⵙ ⵓⵎⵏⵉⴷ ⵏⵏⵙ ⵏ ⵓⵙⴳⴷ ⴷ ⵉⵎⴰⵏ ⴷ ⵜⴷⵍⵙⴰ ⴷ ⵜⵖⵔⵎⴰ ⴷ ⵜⵙⵔⵜⵉⵜ.