ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⵓⴱⴳ ⴰⵎⵙⵇⴰⴷ ⵏ ⵉⵏⴷⵓⵏⵉⵙⵢⴰ ⵖ ⵕⵕⴱⴰⵟ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔ, ⴰⵙⵙ ⵏ ⵓⵙⵉⵏⴰⵙ 1 ⴷⵓⵊⴰⵏⴱⵉⵔ 2020 ⵖ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ HASRUL AZWAR ⴰⵎⵙⵇⴰⴷ ⵏ ⵉⵏⴷⵓⵏⵉⵙⵢⴰ ⵖ ⵕⵕⴱⴰⵟ.
ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵓⵏⵎⵓⵇⵇⴰⵔ ⴰⴷ, ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ:”ⵎⵇⵇⴰⵔ ⵜⴰⴳⴳⵓⴳⵜ ⵜⴰⵊⵢⵓⵖⵔⴰⴼⵉⵜ, ⴳⴰⵏⵜ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵏⴷⵓⵏⵉⵙⵢⴰ ⵜⵉⴷ ⴷⵓⵙⵏⵉⵏ ⴷ ⵕⵡⴰⵏⵉⵏ ⵖ ⴽⵓ ⵉⴳⵔⴰⵏ”. ⵉⵙⴰⵡⵍ ⵓⵍⴰ ⴼ ⵓⵙⵏⵉⵎⵎⵔ ⴷ ⵓⵙⵓⵜⴳ ⵏ ⵓⵙⵏⴰⵍ ⵏ ⵓⴱⵕⵍⴰⵎⴰⵏ ⵏ ⵉⵏⴷⵓⵙⵉⵢⴰ ⵉ ⵜⵓⵜⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⴳ ⴰⴳⵎⴰⵎ ⵉⵎⵥⵕⵉ ⵖ ⵉⵏⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ (ⴰⵙⵢⴰⵏ).
ⵉⵖⵔ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉ ⵓⵙⵡⵉⵔ ⵏ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ, ⵢⵉⵏⵉ ⵎⴰⵙ ⵜⴳⴰ ⴰⵙⵢⴰ ⴷ ⵉⴼⵔⵉⵇⴰⵢ ⵙⵏⴰⵜ ⵜⵎⴰⵥⵓⵏⵉⵏ ⵜⵜⵉⵎⵖⵓⵔⵏⵉⵏ, ⵉⵥⴹⴰⵕ ⵍⵎⵖⵔⵉⴱ ⴷ ⵉⵏⴷⵓⵏⵉⵙⵢⴰ ⴰⴷ ⵙⵡⵓⵔⵉⵏ ⵉ ⵓⵙⴷⵓⵙ ⵏ ⵓⵙⵏⴼⵍ ⴰⴷⵎⵙⴰⵏ ⴷ ⵓⵏⴼⵍⴰⵃ ⴷ ⵡⵉⵏ ⵓⵙⵏⵖⵏⵣⵉ ⵊⴰⵔ ⵙⵏⴰⵜ ⵜⵎⴰⵥⵓⵏⵉⵏ.
ⵖ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⴰⵎⵙⵇⴰⴷ ⵜⵉⵣⴷⴰⵢⵉⵏ ⵏ ⵜⴷⴷⵓⴽⵍⴰ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵔⴰⴷ ⵢⵉⵍⵉ ⵖ ⵓⵙⴳⴳⵯⴰⵙ ⴰⴷ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 60 ⵏ ⵓⵙⵏⵜⵉ ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵏⵏⵙⵏ. ⵢⵉⵏⵉ ⵎⴰⵙ ⵉⵙⵙⵏ ⵓⵎⴰⴷⴰⵏ ⴰⵏⴷⵓⵏⵉⵙⵉ ⵍⵎⵖⵔⵉⴱ ⵙⴳ ⵜⴰⵙⵓⵜⵉⵏ ⴳⴳⵓⵜⵏⵉⵏ ⵙ ⴱⴰⴱ ⵏ ⵓⵎⵓⴷⴷⵓ ⴱⵏ ⴱⵟⵟⵓⵟⴰ ⵍⵍⵉ ⴷ ⵉⴽⴽⴰⵏ ⵜⴰⵙⴳⴰ, ⴷ ⵡⴰⴳⴳⴰⴳⵏ ⵉⵎⵖⵔⵉⴱⵉⵢⵏ ⵉⵡⵙⵏⵉⵏ ⵖ ⵓⵣⵓⵣⵣⵔ ⵏ ⵍⵉⵙⵍⴰⵎ ⵉⴳⴰⵏ ⴰⵎⵙⵓⵔⵓⴼ.
ⵉⵙⵎⵏⵉⴷ ⵎⴰⵙⵙ ⴰⵎⵙⵇⴰⴷ ⵜⵉⵍⴰⵍ ⵏ ⵜⵎⵙⵇⴰⴷⵜ ⵙ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 60 ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⵓⵜⴳ ⵜⴰⵖⵜⴰⵙⵜ ⵏ ⵍⵎⵖⵔⵉⴱ ⵖ ⵡⴰⵍⴰⵢ ⵏ ⵓⵏⵛⴽ ⵏ ⵜⵖⵔⴰⴷ ⵉ ⵉⵎⵣⵔⴰⵡⵏ ⵉⵏⴷⵓⵏⵉⵙⵉⵢⵏ ⵖ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⵎⵙⴰⵛⴽⴰⵏ ⴷ ⵙⵉⵏ ⵉⵎⵙⵜⴳⴳⴰⵔⵏ ⵉ ⵓⵙⵡⵓⵔⵉ ⴼ ⵡⴰⵍⴰⵢ ⵏ ⵓⵎⵢⴰⵡⴰⵙ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵖ ⵙⵏⴰⵜ ⵜⵎⵉⵣⴰⵔ ⴷ ⵓⵙⵉⴳⵓⵜ ⵏ ⵉⵔⵣⴰⴼⵏ ⵏ ⵉⴳⵎⴰⵎⵏ ⵏ ⵉⴱⵕⵍⴰⵎⴰⵏⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⵍⴰ ⴷ ⵓⵣⴷⴷⵓⵢ ⴷ ⵓⵎⵢⴰⵡⴰⵙ.