ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵡⵉⵣⵉ ⴷ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴷ ⵍⵎⵖⵔⵉⴱ, ⵜⴰⵏⴱⴰⴹⵜ ⴷ ⵓⵎⴰⴷⴰⵏ ⴷ ⵓⴱⵕⵍⴰⵎⴰⵏ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⵙⴽⵔ ⵖ ⵜⵎⵙⴰⵔⵜ ⵜⴰⴼⵉⵍⵉⵚⵟⵉⵏⵉⵜ ⵜⴰⵎⵙⴰⵔⵜ ⵜⴰⵏⴰⵎⵎⴰⵙⵜ
ⵖ ⵜⴳⵓⵔⵉ ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵡⵉⵣⵉ ⴷ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ (29 ⵏⵓⵡⴰⵏⴱⵉⵔ ⵙ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ), ⵉⵙⴷⴷⵉⴷ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⴷ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴰⴷ ⵜ ⵉⵃⴼⴹ ⵕⴱⴱⵉ, ⵜⴰⵏⴱⴰⴹⵜ ⴷ ⵓⵎⴰⴷⴰⵏ ⴷ ⵓⴱⵕⵍⴰⵎ, ⵉⵙⴽⵔ ⴱⴷⴷⴰ ⵖ ⵜⵎⵙⴰⵔⵜ ⵜⴰⴼⵉⵍⵉⵚⵟⵉⵏⵉⵜ ⵜⴰⴷ ⵉⴳⴰⵏ ⵜⴰⵏⴰⵎⵎⴰⵙⵜ ⵖ ⵜⵙⵔⵜⵉⵜ ⵏⵏⵙ ⴷ ⵓⴱⵔⵉⴷ ⵏⵏⵙ ⴷ ⵓⵏⵍⵉ ⵏⵏⵙ ⴷ ⵡⴰⴷⴷⴰⴷⵏ ⵏⵏⵙ, ⵖⵉⵍⴰⴷ ⴷ ⵉⵎⴰⵍ.
ⵉⵙⵉⵙⴼⵉⵡ ⵎⴰⵙⵙ ⵍⵎⴰⵍⴽⵉ ⵎⴰⵙ ⴷ ⵜⴰⵖⵜⴰⵙⵜ ⴰⴷ ⵏ ⵜⵎⵜⵜⴰ ⵉⵎⵓⵏⵏ, ⵓⵔ ⴷ ⵜⵓⵛⴽⵉ ⵖⵉⴽ ⴰⵏⵏ, ⵜⴳⴰ ⴰⵙⵉⵙⵙⵏ ⵙ ⵜⵉⵍⴰⵡⵜ ⴷ ⵓⵎⵣⵔⵓⵢ ⵏ ⵜⵉⴷⵜ ⴷ ⵓⵙⵉⵙⵙⵏ ⵙ ⵢⴰⵏ ⵓⵎⴰⴷⴰⵏ ⵉⵟⵟⴰⴼⵏ ⵜⵉⵍⵉⵜ ⵏⵏⵙ ⵖ ⵜⵊⵓⵖⵔⴰⴼⵉⵜ ⴷ ⵓⵎⵣⵔⵓⵢ ⴷ ⵜⵎⴽⵜⵉⵜ ⴷ ⵜⵖⵔⵎⴰ ⴷ ⵜⴼⴼⵓⴳⵏⴰ, ⵢⵉⵏⵉ ⵎⴰⵙ ⵜⴳⴰ ⴼⵉⵍⵉⵚⵟⵉⵏ ⴰⴳⵎⴰⵎ ⴰⵎⵥⵕⴰⵢ ⵖ ⵜⵎⵜⵜⴰ ⵉⵎⵓⵏⵏ, ⵢⵉⵍⵉ ⵓⵛⵏⵢⴰⵍ ⵏⵏⵙ ⵖ ⵓⵙⵖⵉⵎ ⵏ ⵜⵎⵜⵜⴰ ⵉⵎⵓⵏⵏ ⵖ ⵏⵢⵓⵢⵓⵕⴽ, ⴷ ⴽⵓ ⵉⵙⵖⵉⵎⵏ ⵏ ⵜⵎⵜⵜⴰ ⴰⴷ ⵏⴳⵔ ⵉⵛⵏⵢⴰⵍⵏ ⵏ ⵓⵎⴰⴹⴰⵍ.
ⵢⵉⵏⵉ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵜⵙⴽⵔ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵣⵓⵏ ⴰⵙⵙ ⴰⴷ ⵖ 1947 ⵢⴰⵜ ⵜⵖⵜⴰⵙⵜ ⵉⴳⴰⵏ ⴳⴰⵔ ⵉ ⵜⵉⵟⵟⵉⵜ ⵏ ⴼⴰⵍⵉⵚⵟⵉⵏ, “ⵉⴳⴰ ⵖ ⵓⵖⵉⵍⵓⴼ ⵍⵍⵉⵖ ⵓⵔ ⴰⴽⴽⵯ ⵢⵓⵎⵥ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴰⵔ ⵖⵉⵍⴰ ⴷ ⵉⴳⵔ ⵍⵍⵉ ⴰⵙ ⵜⴼⴽⴰ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ”. ⵉⵙⴷⴷⵉⴷ ⵎⴰⵙ ⵓⵔ ⵉⵜⵜⵓⵇⴱⴰⵍ ⵓⵙⵓⵔⵙ ⴰⴷ, “ⵓⵔ ⵔⴰⴷ ⵉⵇⴱⵍ ⵓⵎⴰⴹⴰⵍ ⴰⵖⵔⵎⴰⵏ ⵢⵓⵎⵏⵏ ⵙ ⵓⵙⵍⴳⵏ ⴷ ⵜⵍⵍⵓⴳⵏⴰ ⵜⵉⴳⵔⴰⵖⵍⴰⵏⵉⵏ ⵙ ⵓⵛⵏⵢⴰⵍ ⵏ ⵉⵚⵕⴰⵉⵍ ⴷ ⵜⵙⵔⵜⵉⵜ ⵏ ⵜⵉⵍⴰⵡⵜ ⵉⵍⵍⴰⵏ”.
ⵉⵖⵔ ⵎⴰⵙⵙ ⵍⵎⴰⵍⴽⵉ ⵉ ⵓⵙⵖⵡⵏ ⵙ ⵓⵙⵍⴳⵏ ⴷ ⵜⵍⵍⵓⴳⵏⴰ ⴷ ⵉⵎⵇⵇⵏⵏ ⴷ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⵍⵍⵉ ⵉⵙⵙⵏⵏ ⵙ ⵓⵎⴰⴷⴰⵏ ⴷ ⵓⵡⴰⵏⴽ ⵉⴼⵉⵍⵉⵚⵟⵉⵏⵉⵢⵏ, ⴷ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ, ⵜⵉⵍⵉ ⴳⵉⵙ ⵜⵎⵙⴰⵔⵜ ⵏ ⵍⵇⵓⴷⵙ ⵙ ⵉⵎⵏⴰⴷⵏ ⵏⵏⵙ ⵙ ⵓⵙⴳⴷ ⴷ ⵉⵎⴰⵏ ⴷ ⵜⴷⵍⵙⴰ ⴷ ⵜⵖⵔⵎⴰ ⴷ ⵜⵙⵔⵜⵉⵜ, ⵉⵙⵙⵀⵔⵛ “ⴰⵊⵓⴱⴱⵕ ⵏ ⵉⵚⵕⴰⵉⵍ ⴷ ⵓⵙⵡⵓⵔⵉ ⵏⵏⵙ ⵙ ⵜⵎⵥⵍⴰ ⵏ ⵜⴷⵓⵙⵉ ⴷ ⵓⵣⵓⵛⵛⵍ ⴷ ⵓⵇⵀⵔ ⵙ ⵡⴰⵏⴰⵡⵏ ⵏⵏⵙ ⵎⵏⵉⴷ ⵏ ⴰⵢⵜⵎⴰⵜⵏⵖ ⵉⴼⵉⵍⵉⵚⵟⵉⵏⵉⵢⵏ”.