ⴰⵎⵙⴰⵛⴽⴰ ⵏ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ

ⵉⵎⴹⴰⴽⴰⵕ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⵙⵙ ⵏ ⵓⴽⵡⴰⵙ 26 ⵏⵓⵡⴰⵏⴱⵉⵔ 2020, ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ, ⴷ ⵎⴰⵙⵙ Rik DAEMS, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⵙⴰⵡⵍⵏ ⴼ ⴽⵓ ⵓⴷⵎⴰⵡⵏ ⵍⵍⵉ ⵔⴰⴷ ⵉⵙⴷⵓⵙ ⵜⴰⵎⴰⴷⵔⴰⵡⵜ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ.

ⵙⴰⵡⵍⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵜⵉⵕⵡⵉ ⵏ ⵜⵣⴷⴰⵢⵉⵏ, ⵎⵙⴰⵛⴽⴰⵏ ⴷ ⴰⴷ ⵢⵉⵍⵉ ⵓⵙⴼⵓⴳⵍⵓ ⵖ 2021 ⵏ ⵓⴽⵜⵜⵓⵢ ⵡⵉⵙ ⵎⵔⴰⵡ ⵖ ⵉⴳⴰ ⵍⵎⵖⵔⵉⴱ, ⵖ 2011, ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⴷⴰⵔ (APCE), ⵙ ⴰⵢⵍⵍⵉ ⵔⴰⴷ ⵉⵎⵍ ⴰⵜⵉⴳ ⴰⵙⵜⵔⴰⵜⵉⵊⵉ ⵏ ⵜⵎⴰⴷⵔⴰⵡⵜ ⴰⴷ.

ⵉⵙⵓⵜⴳ ⵓⵏⵙⵙⵉⵅⴼ ⵏ (APCE) ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵖ ⵓⵎⴰⴹⴰⵍ ⴰⵄⵕⴰⴱ ⴷ ⵜⵡⵓⵔⵉ ⵏⵏⵙ ⵎⵏⵉⴷ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⵢⵉⵏⵉ: « ⵉⴳⴰ ⵍⵎⵖⵔⵉⴱ ⴰⵡⴰⵏⴽ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⵉ APCE ».

ⵉⵙⴰⵡⴰⵍ ⵎⴰⵙⵙ DAEMS ⴼ ⵜⵎⵣⵡⴰⵔ ⵜⵉⵙⵔⵜⴰⵏⵉⵏ ⵏ APCE, ⵖ ⵓⵡⵏⴰⴹ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵢⴰⴼⵓⵜ ⵉⵥⵉⵍⵏ ⵏ ⵜⵎⴰⴷⵔⴰⵡⵜ ⴷ ⵍⵎⵖⵔⵉⴱ, ⵉⵏⵄⵔ ⴰⴷ ⵜⵣⵣⵉⴳⵣ ⵜⵡⵉⵙⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵖ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵢⵉⵍⵉ ⵓⵙⵙⵔⵇⴱ ⵏ ⵍⵎⵖⵔⵉⴱ ⴰⴷ ⵉⴷⵔⵓ ⵖ ⵜⵎⵢⴰⵇⵇⴰⵏⵉⵏ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⵎ: ⵜⴰⵎⵢⴰⵇⵇⴰⵏⵜ ⵏ ⵓⴼⵔⴰⴳ ⵏ ⵜⴰⵣⵣⴰⵏⵉⵏ “ ⵜⴰⵎⵢⴰⵇⵇⴰⵏⵜ ⵏ ⵍⴰⵏⵥⴰⵕⵓⵟ”, ⴷ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⵏⵉⴷ ⵏ ⵜⵎⵖⴰⵔⵉⵏ, ⴷ ⵜⴽⵕⴹⵉ ⵏ ⵜⴳⵯⵎⵎⴰ “ⵜⴰⵎⵢⴰⵇⵇⴰⵏⵜ ⵏ ⵉⵚⵟⴰⵏⴱⵓⵍ”.

ⵖ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⵍⵎⴰⵍⴽⵉ ⴼ ⵜⴷⵔⴰⵡⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵖ ⵜⵡⵓⵔⵉⵡⵉⵏ ⵏ APCE, ⵜⵉⵍⴰⵍⵜ ⵏ ⵍⵎⵖⵔⵉⴱ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⴼⵔⴰⴳ ⵏ ⵓⴼⵔⴰ ⴷ ⵜⵏⴼⵔⵓⵜ, ⴷ ⵜⵓⴳⴳⴰⵙ ⵏ ⵜⴳⵍⴷⵉⵜ ⵖ ⵓⵙⴽⵔ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⴰⵎ: ⴰⵙⴱⴷⴷⵉ ⵏ ⵜⴽⵕⴹⵉ ⵎⵏⵉⴷ ⵏ ⵜⵎⵖⴰⵔⵉⵏ, ⵜⴰⵏⴳⴰⴷⴷⴰⵢⵜ ⵏⴳⵔ ⵉⵡⵜⵎⴰⵏ ⴷ ⵜⵓⵜⵎⵉⵏ, ⴰⵙⵡⵓⴷⴷⵓ ⵏ ⵓⵣⵡⴰⴳ, ⴰⵙⴱⴷⴷⵉ ⵏ ⴳⴰⵔ ⵙⴽⴽⵉⵔ ⵎⵏⵉⴷ ⵏ ⵉⴼⴳⴰⵏⵏ ⵍⵍⵉ ⴷ ⵢⵉⵡⵉ ⵓⵣⵡⴰⴳ.

ⵖ ⵓⵎⵏⴰⴹ ⴰⴷ, ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ, ⴷⴼⴼⵉⵔ ⵏ ⵓⵣⵣⵔⴰⵢ ⵏ ⴽⵕⴰⴹⵜ ⵜⴼⵔⴽⵉⵡⵉⵏ ⵖ 2013 ⴷ 2015 ⴷ 2019, ⴷ ⵉⵏⵇⵇⵉⵙⵏ ⵏ APCE, ⵍⵍⵉ ⵙⵓⵜⴳⵏⵉⵏ ⴰⴱⵔⵉⴷ ⵉⵙⵓⵍⵏ ⵍⵍⵉ ⵜⵙⵜⵉ ⵜⴳⵍⴷⵉⵜ ⵉ ⵓⵙⵎⵖⵔ ⵏ ⵓⵡⴰⵏⴽ ⵏ ⵓⵙⵍⴳⵏ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ, “ⴰⵢⵍⵍⵉ ⵉⵙⵉⵎⵖⵓⵔⵏ ⵙⴳ ⵓⵙⵔⵓⵙ ⵏ ⵓⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ, ⵉ ⵓⵙⵓⵔⵙ ⴱⴰⵀⵔⴰ ⵢⴰⵜⵜⵓⵢⵏ”.

ⵉⵎⵙⴰⵛⴽⴰ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵣⵣⵉⴳⵣⵜ ⵏ ⵓⵣⴷⴷⵓⵢ ⴼ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ ⵎⵔⴰⵡ ⵏ ⵜⵎⴰⴷⵔⴰⵡⵜ ⵊⴰⵔ ⵙⵏⴰⵜ ⵜⵎⵔⵙⴰⵍ, ⴷ ⵓⵙⵉⴳⴳⵍ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵜⵡⵉⵙⵉ ⵏ ⵍⵎⵖⵔⵉⴱ ⵖ ⵢⴰⵜ ⵖ ⵜⵙⵓⵜⵍⵉⵏ ⴷ ⵢⵓⵛⴽⴰⵏ ⵏ ⵜⵎⵙⵎⵓⵏⵜ ⵖ 2021.