ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵉ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵅⴼ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵜⴰⵙⵓⵜⵍⵜ ⵜⵉⵙ ⴽⵕⴰⴹⵜ

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴼ ⵓⵕⵇⵇⴰⵚ ⵏⵏⵙ ⵉⵍⴰⵏ ⴰⴷⴷⵓⵔ

* ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵙⵍⵎⴰⴷⵜ ⴰⵎⵉⵏⴰ ⵍⵎⵙⵄⵓⴷⵉ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵏⴼⴳⵓⵔⵜ, ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵏⴼⴳⵓⵔⵜ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵉ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵅⴼ ⵜⵡⵓⵔⵉ ⵜⴰⴱⵕⵍⴰⵎⵏⵉⵜ ;

* ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵄⵣⵣⴰⵏⵉⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⴷⴰⵡⵉⵢⵉⵏ ⴷ ⵉⵏⴱⴷⴰⴷⵏ ⵏ ⵜⵖⵉⵡⴰⵏⵉⵏ ⴷ ⵉⵏⵎⵀⴰⵍⵏ ⵏ ⵡⴰⵎⵎⴰⵙⵏ ⵏ ⵉⵔⵣⵣⵓⵜⵏ ⴷ ⵉⵙⴰⵔⵎⵏ ⴷ ⵉⵎⵣⴷⴰⵢⵏ ⵏ ⵉⵎⴰⵚⵟⵕⵏ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵯⵏⵙⴰⵙⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ

* ⵜⵉⵎⵣⵔⴰⵡⵉⵏ ⴷ ⵉⵎⵣⵔⴰⵡⵏ ⵜⵉⵎⵔⵣⵓⵜⵉⵏ ⴷ ⵉⵎⵔⵣⵓⵜⵏ ⵄⵣⵣⴰⵏⵉⵏ ⵍⵍⵉ ⴷⵉⴷⵏⵖ ⵃⴰⴹⵕⵏⵉⵏ;

* ⵎⵉⴷⴷⵏ ⵃⴰⴹⵕⵏⵉⵏ, ⴽⵓⴷ ⵢⴰⵏ ⵙ ⵉⵙⵎ ⵏⵏⵙ ⴷ ⵓⴼⵔⵉⵙ ⵏⵏⵙ.

ⵉⴳⴰ ⴰⴷⴷⵓⵔ ⴷ ⵓⴱⵓⵔⵣ ⴰⵅⴰⵜⴰⵔ ⴰⴷ ⵏⵎⵓⵏ ⴰⵙⵙ ⴰⴷ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵃⵎⴰ ⴰⴷ ⵏⵙⴼⵓⴳⵍⵓ ⴰⵔⵣⵣⵓ ⴰⵎⴰⵙⵙⴰⵏ ⴷ ⵉⵎⵔⵣⵓⵜⵏ ⵥⵍⵉⵏⵉⵏ ⴳ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵙ ⵜⵎⵍⴷⴰ ⵏ ⵓⵙⵉⵡⴹ ⵏ ⵜⵉⵢⵢⴰⴼⵓⵜⵉⵏ ⵏ ⵜⵖⵔⵉ ⴷ ⵓⵙⵓⵜⴳ ⵏ ⵜⵡⵓⵔⵉⵡⵉⵏ ⵜⵉⵎⴰⵙⵙⴰⵏⵏⵉⵏ ⵍⵍⴰⵏⵉⵏ ⵉ ⵉⵎⵉⵥ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵖⵔⵓⵉⵡⵉⵏ ⴷ ⵉⵔⵣⵣⵓⵜⵏ ⵅⴼ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⴽⵕⴰⴹⵜ.  

ⵙ ⵜⵎⵍⴷⴰ ⴰⴷ, ⵉⴳⴰ ⵉⵢⵉ ⴰⴷⴷⵓⵔ, ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⴰⴷ ⵙⵔⵓⵏ ⵙⴱⵔⵔⴽⵖ ⵎⴰⵕⵕⴰ, ⴼ ⵜⴼⵓⴳⵍⴰ ⵏ ⵓⵙⵉⵡⴹ ⵏ ⵜⵢⴰⴼⵓⵜⵉⵏ ⵏ ⵜⵙⵎⵖⵓⵔⵜ ⴰⴷ, ⵍⵍⵉ ⵉⴳⴰⵏ ⵉⴳⴰⵏ ⵜⴰⵙⵉⵍⴰ ⵉⴷⵓⵙⵏ ⵉⵎⵎⴰⵍⴰⵏ ⵜⴰⵣⴷⴰⵢⵜ ⵉⴷⵓⵙⵏ ⵉⵍⵍⴰⵏ ⴳⵔ ⵜⵓⵙⵙⵏⴰ ⵜⴰⵎⴰⵙⵙⴰⵏⵜ ⴷ ⵓⵔⵣⵣⵓ ⴰⴽⴰⴷⵉⵎⵉ ⴳ ⵢⴰⵜ ⵜⵙⴳⴰ, ⴷ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵙⴳⴰ ⵢⴰⴹⵏⵉⵏ, ⵍⵍⵉⵖ ⵉⴳⴰ ⵓⴱⵕⵍⴰⵎⴰⵏ ⵙⴳ ⵉⵎⵔⵙⵉⵜⵏ ⵉⵙⵉⵍⴰⵏⵏ ⵉⵡⵉⵏⵉⵏ ⵜⴰⵢⵏⵉⵜ ⵜⴰⵅⴰⵜⴰⵔⵜ ⵙⴳ ⵉⵎⵔⵣⵓⵜⵏ.

ⴳ ⵜⵣⵡⵉⵔⵉ, ⵙⵙⵓⵔⴼⴰⵜ ⵉⵢⵉ ⴰⴷ ⵙⴷⴷⵉⴷⵖ ⵎⴰⵙ ⴷ ⴰⴼⵔⴰⴽ ⵙ ⵡⴰⵜⵉⴳ ⵏ ⵜⵎⴰⵙⵙⴰⵏⵜ ⴷ ⵜⵓⵙⵙⵏⴰ ⴳ ⵓⵙⴽⵔ ⵏ ⵡⴰⵍⴰⵢ ⴷ ⵜⴳⵎⵉ, ⵉⴳⴰ ⴰⵅⵎⵎⴻⵎ ⵍⵍⵉ ⴷ ⵢⵉⵡⵉⵏ ⴰⴷ ⵢⵉⵍⵉ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⴽⵔ ⵏ ⵜⵙⵎⵖⵓⵔⵜ ⴰⴷ, ⵖ ⵏⵔⴰ ⴰⵙⵎⵖⵔ ⵏ ⵜⵡⵡⵓⵔⵉⵡⵉⵏ ⵥⵉⵍⵏⵉⵏ ⴽⵛⵎⵏⵉⵏ ⴳ ⵓⵙⴰⵜⵉ ⵏ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵓⵣⵣⵔⴰⴼ ⴷ ⵜⵉⴹⴰⴼ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵎⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴷ ⵎⴰⴷ ⵉⵣⴷⵉⵏ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵜⴳⵎⵉ ⵜⴰⵙⵔⵜⴰⵏⵜ ⵉⵣⴷⵉⵏ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⵉⵣⴷⵉ ⵓⵙⴽⵔ ⵏ ⵜⵉⵕⵉ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵢⴰⵜ ⴳ ⵜⵔⵙⴰⵍ ⵜⵉⴷⵙⵜⴰⵔⵉⵏ ⵜⵜⴰⵡⴱⴷⴰⵔⵏⵉⵏ ⴳ ⵓⵎⵏⵏⵉ 69 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵓⵙⴳⴳⵯⴰⵙ ⵏ 2011, ⴷ ⵓⵙⵡⵓⵜⵜⵓ ⵏ ⵓⵙⴽⴽⵉⵔ ⴰⴱⵕⵍⴰⵎⴰⵏⵉ ⴷ ⵜⵓⵙⵙⵏⴰ ⵜⴰⵎⴰⵙⵙⴰⵏⵜ ⵜⴰⴽⴰⴷⵉⵎⵉⵜ ⵉⵕⵚⴰⵏ, ⵉ ⵓⵙⵖⵓⴷⵓ ⵏ ⵜⵎⴰⵎⴽⵉⵏ ⴷ ⵜⵎⵙⴽⴰⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵙ ⵜⵖⴰⵔⴰⵙⵜ ⴳ ⵜⴹⴼⵕ ⵜⵓⵙⵙⵏⴰ ⵜⴰⴱⵔⵍⴰⵎⴰⵏⵉⵜ, ⴰⵔ ⵜⵎⵎⴰⵍ ⵜⵉⴼⴰⵡⵉⵏ ⵏⵏⵙ ⵜⵎ ⵜⵉⵎⵓⴽⵔⵉⵙⵉⵏ ⵏⵏⵙ, ⵜⵔⴰⵔ ⴼ ⵜⵎⵓⴽⵔⵉⵙⵉⵏ ⵏⵏⵙ ⵜⵉⵎⴰⵙⵙⴰⵏⵉⵏ, ⵜⴰⵡⵙ ⴳ ⵓⵙⵎⵖⵔ ⵏⵏⵙ, ⵜⵡⴰⵜⵜⵙ ⴰⵙⵖⵓⴷⵓ ⵏ ⵜⵎⵏⵜⵍⵉⵏ ⴷ ⵜⴼⴰⴷⵉⵡⵉⵏ ⵏ ⵓⵙⵎⵖⵔ ⵏ ⵜⵎⵙⴽⵔⵜ ⵏ ⵜⵙⵎⵉⴳⴰⵍ ⵜⵉⴳⵏⵙⴰⵏⵉⵏ, ⴷ ⵎⴰⴷ ⵉⵙⵉⴳⴳⵉⵍ ⵓⵙⵎⵖⵔ ⵏ ⵜⵉⵕⵡⵉ ⵏ ⵜⵎⵙⴽⵔⵜ ⵜⴰⴱⵕⵍⴰⵎⴰⵏⵉⵜ.

ⵍⵍⵉⵖ ⵉⵍⵍⴰ ⵓⴼⵔⴰⴽ ⵙ ⵡⴰⵜⵉⴳ ⵏ ⵓⵔⵣⵣⵓ ⴰⵎⴰⵙⵙⴰⵏ ⴳ ⵓⵙⵎⵖⵔ ⵏ ⵡⴰⵎⵓⵏ, ⵍⵍⵉⵖ ⵉⴳⴰ ⵢⴰⵏ ⵉⵎⵉⵙⵙ ⵏ ⵓⵙⴽⵔ ⵏ ⵜⴳⵎⵉ ⵜⴰⵎⴰⵜⴰⵢⵜ, ⵉⵏⵏⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵓⵙⴳⴳⵯⴰⵙ ⵏ 2011 ⴳ ⵓⵎⵏⵏⵉ 26: “ⴰⵔ ⵙⴷⵓⵙⵏ ⵉⵏⴱⴰⴹⵏ ⵉⴳⴷⵓⴷⴰⵏⵏ ⵙ ⵡⴰⵎⵎⴰⴽⵏ ⴷ ⵢⵓⵙⴰⵏ, ⵜⵉⴳⵎⵉ ⵏ ⵓⵙⵏⴼⵍⵓⵍ ⴰⴷⵍⵙⴰⵏ ⴷ ⵓⵏⴰⵥⵓⵕ ⴷ ⵓⵔⵣⵣⵓ ⴰⵎⴰⵙⵙⴰⵏ”, ⵉ ⵓⵙⴽⵔ ⵏ ⵓⵙⵖⵡⵏ ⴰⴷ ⴰⴷⵙⵜⴰⵔ, ⵜⵜⵓⴱⴷⴰⵔ ⵜⵇⵎⵖⵓⵔⵜ ⴰⴷ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵉⵙⵙ ⵏ ⵓⵙⵏⴰⵍ ⴷ ⵓⵙⵙⵔⵇⴱ ⵏ ⵓⵔⵣⵣⵓ ⴰⴽⴰⴷⵉⵎⵉ ⵉⵥⵍⵉⵏ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⴳ ⵓⵙⵡⴰⵍⴰ ⴰⴷ, ⵍⵍⵉⵖ ⵉⵙⵜⴰⵡⵀⵎⵎⴰ ⵓⵙⵕⵚⵓ ⴰⵎⴰⵙⵙⴰⵏ ⴳ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵏⵙⴽⵔ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵎⴰⵙ ⴰⴱⵕⵍⴰⵎⴰⵏⵉ ⵉ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ, ⴷ ⴰⵚⴽⵓ ⴰⵎⵙⵙⵓⴳⵓⵔ ⵍⵍⵉ ⵉⴹⴼⵕⵏ ⴰⵙⵇⵇⵉⵎ ⵉⵙⵏⴰⵍ ⵎⴰⵕⵕⴰ ⵉⴼⵔⴷⴰⵙ ⵏⵏⵙ, ⵏⵙⴽⵔ ⵓⵍⴰ ⵜⴰⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⵏ ⵓⵎⵢⴰⵡⴰⵙ ⴰⵎⴰⵙⵙⴰⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⴷⴰⵡⵉⵢⵉⵏ ⵜⵉⴳⴷⵓⴷⴰⵏⵉⵏ, ⵜⵡⴰⵜⵜⵙ ⴰⵙⴷⵓⵙ ⵏ ⵓⵏⵏⵓⵕⵣⵎ ⵏ ⵓⵙⵇⵇⵉⵎ ⴼ ⵡⴰⵡⵏⴰⴹ ⴰⵎⴰⵙⵙⴰⵏ ⴷ ⵓⴽⴰⴷⵉⵎⵉ, ⴷ ⵓⵙⵙⵔⵇⴱ ⵏ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ ⵥⵍⵉⵏⵉⵏ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴷ ⵓⵙⵙⵔⵇⴱ ⵏ ⵓⵏⵙⴽⵔ ⵏ ⵜⵣⵓⵏⵉⵡⵉⵏ ⵏ ⵓⵙⵎⵓⵜⵜⴳ ⴷ ⵉⵎⴰⵙⵙⴰⵏ ⵏ ⵓⵔⵣⵣⵓ ⴳ ⵢⵉⴳⵔ ⴰⴷ ⴰⵎⴰⵙⵙⴰⵏ ⵍⵍⵉ ⴱⴰⵀⵔⴰ ⵉⵣⵣⵉⴳⵣⵏ ⵙ ⵓⵙⴳⵓⴷⵉ  ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵙⵡⵉⵔ ⵏ ⵜⵎⵙⴽⵔⵜ ⵜⴰⴱⵕⵍⴰⵎⴰⵏⵉⵜ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵡⵉⵔ ⴰⵎⴰⵙⵙⴰⵏ, ⴷ ⵎⴰⵙ ⵜⵙⴳⵓⴹⵉ ⵜⵣⵔⴼⵜ ⵜⴰⴷⵙⵜⴰⵔⵜ ⵙ ⵜⵡⵓⵔⵉⵡⵉⵏ ⵥⵉⵍⵏⵉⵏ ⴳ ⵉⴳⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⵉ ⵓⵙⵏⴰⵍ ⵏ ⵓⵙⵎⵓⵜⵜⴳ ⵙⵇⵇⵉⵇⵏ ⴳ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵏⵎⵎⴰⵖ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵏⵏⵓⵕⵥⵎ ⵏ ⵓⵙⵇⵇⵉⵎ ⴼ ⵉⵎⵔⵣⵓⵜⵏ ⵉⵄⵔⵔⵉⵎⵏ, ⴷⴰ ⵏⵙⵏⵓⴱⴳ ⴳ ⴽⵔⴰⵢⴳⴰⵜ ⴰⵙⴳⴳⵯⴰⵙ ⴰⵏⵛⴽ ⵉⴳⴳⵓⵜⵏ ⵏ ⵉⵎⵣⵔⴰⵡⵏ ⵉⵎⵔⵣⵓⵜⵏ, ⵍⵍⵉ ⵎⵓ ⵏⵙⴽⴰⵔ ⴰⵙⴰⵏⵓⵏ ⴳ ⵓⵙⵇⵇⵉⵎ, ⵏⴰⵡⵙ ⴰⵙⵏ ⴳ ⵓⴹⴼⵕ ⵏ ⵜⵎⵙⴽⵔⵜ ⵜⴰⴱⵕⵍⴰⵎⴰⵏⵉⵜ ⵙ ⵡⴰⴷⴰⵙ, ⵏⴼⴽ ⴰⵙⵏ ⵜⵉⵏⵓⴼⴰ ⵏ ⵜⵙⴷⵍⵉⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵎⵓⵜⵜⴳ ⵖⵔ ⵉⵎⵙⵡⵓⵔⵉⵏ ⵏ ⵓⵙⵇⵇⵉⵎ.

ⵃⵎⴰ ⴰⴷ ⵏⵣⴷⵉ ⴳⵔ ⵓⵙⴽⵔ ⴰⴱⵕⵍⴰⵎⴰⵏⵉ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵏⵎⵎⴰⵖ ⴰⴷ ⴷⵔⵓⵏ ⵜⵓⴳⵜ ⵏ ⵉⵙⵍⵎⴰⴷⵏ ⵉⵎⵔⵣⵓⵜⵏ ⴷ ⵉⵎⵓⵣⴰⵢⵏ ⴳ ⵜⵉⵍⴰⵍ ⵜⵉⵎⴰⵙⵙⴰⵏⵉⵏ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵡⴰⵜⵜⵙ ⴰⴷ ⵢⵉⵍⵉ ⵓⵙⵎⴰⴷ ⵊⴰⵔ ⵓⵎⵙⴽⴰⵔ ⴷ ⵓⵎⵙⵜⴳⴳⴰⵔ ⴰⵙⵔⵜⴰⵏ ⴳ ⵜⵙⴳⴰ ⵜⴰⵎⵣⵡⴰⵔⵓⵜ, ⴷ ⵓⵎⵔⵣⵓ ⴰⵎⴰⵙⵙⴰⵏ ⴷ ⵓⴽⴰⴷⵉⵎⵉ ⵉⵥⵍⵉⵏ ⴳ ⵜⵙⴳ ⴰⵜⵉⵙ ⵙⵏⴰⵜ, ⴰⵢⵍⵍⵉ ⵔⴰⴷ ⵢⴰⵊⵊ ⵉⵣⵣⵔⴰⴼⵏ ⴷ ⵜⵙⵔⵜⴰⵢ ⴰⴷ ⵔⴰⵔⵏ ⵉ ⵎⴰⴷ ⵙⵖⴰⵡⵙⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ, ⵎⵉⴷⴷⵏⵃⴰⴹⵕⵏⵉⵏ;

ⴰⵙⵇⵇⵉⵎ ⵏ ⵉⵎⵓⵔⴰ ⵉⴼⵔⴽ ⴱⴰⵀⵔⴰ ⵙ ⵡⴰⵜⵉⴳ ⵏ ⵓⵏⵏⵓⵕⵥⵎ ⴼ ⵡⴰⵡⵏⴰⴹ ⴰⵏⴰⵎⵓⵏ, ⴷ ⵡⴰⵜⴳ ⵏ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⴰⴽⴷ ⵎⴰⵕⵕⴰ ⵉⵎⵙⴽⴰⵔⵏ, ⵏⵙⵔⵙ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵢⴰⵜ ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵉ ⵓⵙⵔⵎⵔⵙⵍ ⵏ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ, ⴰⵢⵍⵍⵉ ⵏⵉⵜ ⵉⵜⵜⵓⵙⴽⴰⵔⵏ ⵙ ⵜⵙⵏⵜⴰⵢⵉⵏ ⵍⵍⵉ ⵏⵙⴽⵔ ⴳ ⵓⵙⵡⵉⵔ ⵏ ⵜⵎⵓⵟⵟⵓⵏⵜ ⴷ ⵜⵉⵍⵉⵜ ⵏ ⵉⵏⵖⵎⵉⵙⵏ, ⴳ ⵓⵙⵡⵉⵔ ⵏ ⵓⵎⵢⴰⵡⴰⴹ ⴷ ⵓⵏⵢⴰⵍⴽⴰⵎ, ⴷ ⵎⴰⴷ ⵉⵥⵍⵉⵏ ⵙ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴷ ⵓⵙⵎⵀⵍ ⵏ ⵉⵎⴰⵙⵏ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴷ ⵓⵙⴷⵓⵙ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ.

ⵍⵍⵉⵖ ⵉⵙⵜⴰⵡⵀⵎⵎⴰ ⵓⵙⵜⴰⵢ ⴰⴷ ⴰⵙⵜⵔⴰⵜⵉⵊⵉ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵎⵙⴽⵔⵜ ⵜⴰⵏⵎⵓⵔⵉⵜ, ⵔⴰⴷ ⴱⴷⴷⴰ ⵉⵙⵡⵓⵔⵉ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵙⵡⴰⵍⴰ ⴰⴷ, ⵉⵕⵥⵎ ⵉⵏⵢⵍⴽⴰⵎ ⴷ ⵡⴰⵡⵏⴰⴹ ⵏⵏⵙ, ⵉⵙⴽⵔ ⵉⵎⵙⴰⵡⴰⵍⵏ ⵏ ⵓⵚⴽⵓ ⴷ ⵜⵙⵏⵜⴰⵢⵉⵏ ⵕⵡⴰⵏⵉⵏ ⵍⴰⵏⵉⵏ ⵉⵡⵜⵜⴰⵙⵏ, ⴰⵢⵍⵍⵉ ⵔⴰⴷ ⵉⵙⴽ ⴰⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⴳ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼ ⵡⴰⵜⵉⴳ ⵏ ⵓⴱⵔⵉⴷ ⵏ “ⵜⵙⵔⵜⵉⵜ ⵏ ⵡⴰⴷⴰⵙ ⴷ ⵜⵎⴷⵔⴰⵡⵜ ⵉⴱⴷⴷⵏ ⴼ ⵓⵙⵎⵓⵙⵙⵓ ⵏ ⵜⵥⴹⴰⵕⵉⵏ ⴷ ⵓⵕⵥⵥⵓ ⵏ ⵎⴰⵔⵔⴰ ⵏ ⵜⵙⵏⵜⴰⵢⵉⵏ...”, ⴷⵓⵙⵎⵀⵍⵏⵜⵔⵙⴰⵍ ⴷ ⵡⴰⵜⵉⴳⵏ ⵉⴷⵙⵜⴰⵔⵏ, ⴷ ⵓⵏⵏⵓⵕⵥⵎ ⴼ ⵜⵔⵙⴰⵍ ⵜⵉⵎⴰⴹⵍⴰⵏⵉⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵕⵚⵓ ⵏ ⵡⴰⵜⵉⴳⵏ ⵏ ⵜⵏⵎⵓⵔⵉⵜ ⵏ ⵜⵉⴷⵜ ⴷ ⵓⵏⵢⴰⵍⴽⴰⵎ ⴰⴽⴷ ⵎⴰⴷ ⵉⵙⵉⴳⴳⵉⵍ ⵡⴰⵎⵓⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ, ⵎⵉⴷⴷⵏⵃⴰⴹⵕⵏⵉⵏ;

ⵙ ⵜⵎⵍⴷⴰ ⵏ ⵓⵙⵉⵡⴹ ⵏ ⵜⵉⵢⵢⴰⴼⵓⵜⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵜⵙⵎⵖⵓⵔ ⵜⵜⴰⵏⴰⵎⵓⵔⵜ ⵉ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵅⴼ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵎⵎⵔⵖ ⴰⴷ ⴰⵡⵏ ⵙⴷⴷⵉⴷⵖ ⴼ ⵉⵎⵉⵥ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⵔⵉⴷ ⴰⴷ ⵉⵡⴰⵜⵜⵙⵏ ⴰⵙⵓⵜⴳ ⴷ ⵓⵙⵙⵔⵇⴱ ⵏ ⵜⵓⵙⵙⵏⴰ ⵜⴰⵎⴰⵙⵙⴰⵏⵜ, ⴷ ⵓⵣⴷⵉ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵡⵓⵔⵉ ⵏ ⵜⵎⵔⵙⴰⵍ ⴷ ⵓⵙⴽⵔ ⵏ ⵜⵖⵜⴰⵙⵉⵏ ⴷ ⵜⵙⵔⵜⴰⵢ. ⵙ ⵉⵙⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵏⴼⴳⵓⵔⵜ, ⵔⴰⴷ ⵏⵙⵡⵓⵔⵉ ⵉ ⵓⵙⵎⵖⵔ ⵏ ⵜⵙⵎⵖⵓⵔⵜ ⴰⴷ, ⵙ ⵓⵙⴷⵓⵙ ⵏ ⵓⵎⵢⴰⵙⴰ ⴰⴽⴷ ⵉⵎⴰⵙⵙⵏ ⵏ ⵉⵔⵣⵣⵓⵜⵏ ⵥⵍⵉⵏⵉⵏ ⴳ ⵜⵙⴷⴰⵡⵉⵢⵉⵏ, ⴷ ⵓⵕⵥⵥⵓⵎ ⵏ ⵜⵙⵏⵜⴰⵜⵉⵏ ⵣⵍⵉⵏⵉ ⵙ ⵓⵙⵎⵓⵜⴳ, ⴷ ⵡⴰⵍⴰⵢ ⵏ ⵜⵙⵓⴳⴰⵔ ⵏ ⵉⵎⵔⵣⵓⵜⵏ ⵉⵄⵔⵔⵉⵎ ⴳ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

 ⵉⵙⵜⵎⴰⵙⵙⴰⴷⵉⴷⵎⴰⵙⵙ, ⵎⵉⴷⴷⵏⵃⴰⴹⵕⵏⵉⵏ;

ⴳ ⵜⴳⵉⵔⴰ, ⴰⵔ ⵙⵏⵉⵎⵎⵉⵔⵖ ⵎⴰⵕⵕⴰ ⵉⵎⵏⴽⴰⴷⵏ ⴷ ⵜⵎⵏⴽⴰⴷⵉⵏ ⴷⵔⵓⵏⵉⵏ ⴳ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵉ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵅⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴷ ⴰⵔ ⵙⵙⵔⵖⵓⴷⵖ ⵡⵉⵍⵍⵉ ⴷ ⵜⵉⵍⵍⵉ ⵎⵓ ⵜⵚⴰⵃⴰ ⵜⵙⵎⵖⵓⵔⵜ ⵏ ⵜⵙⵓⵜⵍⵜ ⴰⴷ, ⵜⵜⵔⵖ ⴳⵉⵙⵏ ⴰⴷ ⵣⵣⵉⴳⵣⵏ ⴳ ⵓⴱⵔⵉⴷ ⴰⴷ ⵙ ⴽⵉⴳⴰⵏ ⵏ ⵓⵅⵎⵎⴻⵎ ⴳ ⵓⵏⵜⴰⵎ ⴷ ⵓⴹⴼⵕ ⵏ ⵓⵙⴼⵙⵉ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵎⴰⵕⵕⴰ ⵉⵎⵏⴰⴷⵏ ⴷ ⵉⴳⵔⴰⵏ ⵏⵏⵙ.

ⵜⴰⵏⵎⵎⵉⵔⵜ ⵓⵍⴰ ⵉ ⵜⵙⵇⵇⵉⵎⵜ ⵜⴰⵎⴰⵙⵙⴰⵏⵜ ⵍⵍⵉ ⵢⵓⵙⵉⵏ ⵜⴰⵎⴰⵙⴰⵢⵜ ⵏ ⵜⵖⵔⵉ ⴷ ⵓⵣⵣⵔⴰⵢ ⵏ ⵎⴰⵕⵕⴰ ⵜⵉⵡⵡⵓⵔⵉⵡⵉⵏ ⵜⵉⵎⴰⵙⵙⴰⵏⵉⵏ ⵜⵉⵎⵏⴽⴰⴷⵉⵏ, ⵜⴰⵏⵎⵎⵉⵔⵜ ⴱⴰⵀⵔⴰ ⵉ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵏⴳⵓⵔⵜ ⵎⴰⵙⵙⴰ ⴰⵎⵉⵏⴰ ⵍⵎⵙⵄⵓⴷⵉ, ⵜⴰⵏⵎⵎⵉⵔⵜ ⵛⵉⴳⴰⵏ ⵉ ⵉⵙⵍⵎⴰⴷⵏ ⵄⵣⵣⴰⵏⵉⵏ ⵏⴰⵊⵉⴱ ⴰⴱⴰ ⵎⵓⵃⵎⵎⴰⴷ ⴷ ⴰⵃⵎⴰⴷ ⴱⵓⵄⵛⵉⵇ ⴷ ⵎⵓⵃⵎⵎⴰⴷ ⴱⵓⵄⵣⵉⵣ ⴷ ⵎⴰⵙⵙⴰ ⵙⴰⵍⵡⴰ ⵣⵣⵕⵀⵓⵏⵉ.

ⴰⴷ ⴰⵖ ⵢⴰⵡⵙ ⵕⴱⴱⵉ ⵖ ⵎⴰⵖ ⵉⵍⵍⴰ ⵓⴼⵓⵍⴽⵉ ⵏ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

 ⴰⴼⵔⴰ ⵏ ⵕⴱⴱⵉ ⴼⵍⵍⴰⵜⵓⵏ