ⴰⵏⵎⵓⵇⵇⴰⵔ ⴼ ⵓⵙⵓⵜⴳ ⵏ ⵉⵙⵍⴳⵏⵏ ⴳ ⵉⴱⵕⵍⴰⵎⴰⵏⵏ - ⴰⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ
ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⵙⴷⴰⵡⵉⵜ ⵏ ⵜⵎⴰⵙⵙⴰⵏⵉⵏ ⵜⵉⵎⵙⵙⵓⴳⵓⵔⵉⵏ ⴳ ⴽⵉⵍ, ⵙⴳ 26 ⴰⵔ 28 ⴽⵟⵓⴱⵕ 2022 ⴳ ⵓⵙⵏⵙⵓ ⴼⴰⵔⴰⵃ ⴳ ⵕⵕⴱⴰⵟ ⴰⵏⵎⵓⵇⵇⴰⵔ ⴼ ⵓⵙⵓⵜⴳ ⵏ ⵓⴱⵕⵍⴰⵎⴰⵏ ⵏ ⵉⵙⵍⴳⵏⵏ - ⴰⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ ⵉ ⵚⴰⵃⴰ ⵏ ⵉⴳⵎⴰⵎⵏ ⴷ ⵉⵎⵙⵡⵓⵔⵉⵢⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ.
ⵉⵙⵙⵏⵜⵉ ⵓⵙⵇⵇⵉⵎ ⵏ ⵉⵎⵓⵔⴰ ⴽⵉⴳⴰⵏ ⵏ ⵜⵎⵙⴽⴰⵔ ⵉ ⵓⵙⵓⵜⴳ ⵏ ⵉⵙⵍⴳⵏⵏ ⴷ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵙⴳ ⵜⵡⴰⵍⴰ ⵜⴰⵣⵣⵔⴰⴼⵜ ⵜⴰⵎⴰⵢⵏⵓⵜ (2021/2026) ⵙⵍⴰⵡⴰⵏ ⴰⴽⴽⵯ ⴰⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵜ. ⵔⴰⴷ ⵉⵙⵎⵏⵉⴷⵏ ⵉⵎⵔⵣⵓⵜⵏ ⵙⴳ ⵍⵎⵖⵔⵉⴱ ⴷ ⵓⵕⵓⴱⴱⴰ ⵜⵉⵔⵎⵉⵜⵉⵏ ⴼ ⵓⵙⵓⵜⴳ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ.
ⵔⴰⴷ ⵢⴰⵡⵙ ⵓⵏⵎⵓⵇⵇⴰⵔ ⴰⴷ ⴳ ⵓⵎⴹⴰⴽⴰⵕ ⵏ ⵜⵔⵙⴰⵍ ⴷ ⵉⵙⵖⵍⵏ ⵣⴷⵉⵏⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ ⴷ ⵜⴱⵔⵉⴷⵜ ⵏ ⵓⵙⵓⵜⴳ ⵏ ⵉⵙⵍⴳⵏⵏ ⴷ ⵜⵙⵓⵖⴰⵍ ⴷ ⵜⵓⵙⵔⵓⵙ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⴷ ⵓⵏⵇⵇⵉⵙ.
ⵔⴰⴷ ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⴰⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⵍ ⵏ ⵓⵙⵓⵜⴳ ⵏ ⵓⵙⵍⴳⵏ ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⴳⵏⵙⴰⵙ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ, ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ.
ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵉⵛⵛⴰⵔⵏ “ⴰⵙⵏⴰⵍ ⵏ ⵉⵎⵉⵙⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴳ ⵍⵎⵖⵔⵉⴱ ⴳ ⵍⵎⵖⵉⴱ ⴷ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ 2020-2023” ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵣⵣⴳⵉⵔ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.