ⴰⴱⵉⴷⵊⴰⵏ: ⵉⴷⵔⵓ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 80 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ 80 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⴰⵙⵙ ⵏ ⵡⴰⵢⵏⴰⵙ ⴳ ⴰⴱⵉⴷⵊⴰⵏ ⴳ ⵍⴽⵓⵟⴷⵉⴼⵡⴰⵕ.
ⵢⵓⵎⴰ ⵓⴽⴰⴱⴰⵕ ⵉⴳⵎⴰⵎⵏ ⵙⴳ ⵓⴱⵕⵍⴰⵎⴰⵏ: ⵎⴰⵙⵙⴰ ⵣⵉⵏⴱ ⵙⵙⵉⵎⵓ ⴷ ⵃⴰⵜⵉⵎ ⴱⵏⵔⵇⵉⵢⴰ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵏⴰⴷⵢⴰ ⴱⵓⵣⵏⴷⵓⴼⴰ (ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ), ⵎⴰⴷⵉⵃⴰ ⵅⵢⵉⵔ ⴷ ⵄⴰⴱⴷⵉⵍⴰⵀ ⴰⵎⵀⴷⵉ (ⵜⴰⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ), ⵛⵛⵔⵇⴰⵡⵉ ⵣⵣⵏⴰⵢⴷⵉ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ- ⵜⵓⵣⵍⵜ ⵏ ⵍⵉⵜⵜⵉⵃⴰⴷ), ⵍⴳⵔⵛ ⵅⵍⵉⵀⵏⵏⴰ (ⵜⴰⴽⵓⵏⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵔⴰⵟⵉⵜ ⵉ ⵜⵡⵓⵔⵉ).
ⵜⵍⵍⴰ ⴳ ⵓⵖⴰⵡⴰⵙ ⵏ ⵜⵙⵓⵜⵍⵜ ⵜⵉⵖⵔⵉ ⴷ ⵓⵙⵖⵣⵏ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⵏ 2024,ⴷ ⵓⵙⵏⴼⴰⵔ ⵏ ⵜⵎⵙⴰⵙⵜⵍⵜ ⵏ 2024, ⵜⵉⵖⵔⵉ ⴷ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵖⴰⵡⴰⵙ ⵏ ⵓⴳⵔⴰⵡ ⵡⵉⵙ 45 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ, ⴷ ⵓⵙⵏⴼⴰⵔ ⵏ ⵓⵖⴰⵡⴰⵙ ⴷ ⵡⴰⴽⵓⴷ ⴷ ⵓⵎⵔⴰⵙ ⵏ ⵜⵙⵓⵜⵍⵜ ⵜⵉⵙ 81.
ⴷⴼⴼⵉⵔ, ⵔⴰⴷ ⵢⵉⵍⵉ ⵓⴳⵔⴰⵡ ⵡⵉⵙ 45 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⵓⵙⵙⵓⵏ ⵏ 14 ⴷ 15 ⴷⵓⵊⴰⵏⴱⵉⵔ ⴳ ⴰⴱⵉⴷⵊⴰⵏ, ⵍⵍⵉ ⵔⴰⴷ ⵢⵉⵍⵉ ⵅⴼ ⵓⵙⴱⴷⴷⵉ ⵏ ⵡⴰⵔⵜⵏⴼⵔⵓⵜ ⴷ ⵓⴱⵔⵙⵙⵉⵡⴷ ⴷ ⵜⵎⵏⵜⵍⵉⵏ ⵏ ⵜⵕⵥⵉ ⵏ ⵓⵔⴳⴳⵉⴳ ⴰⵙⵔⵜⴰⵏ, ⴷ ⵜⴳⵎⵉ ⵏ ⵜⵙⴱⴱⴰⴱⵜ ⵊⴰⵔ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵉ ⵓⵣⵣⴳⵉⵔ ⵉⵕⵡⴰⵏ ⵏ ⵓⵖⴰⵡⴰⵙ ⵏ ⵓⵙⵎⴰⴷ ⴰⵏⵎⵏⴰⴹ ⴰⴼⵔⵉⵇⵉ.
ⵔⴰ ⴷ ⵜⵎⵓⵏ ⵜⵙⵇⵇⵉⵎⵜ ⵏ ⵜⴱⴰⵕⵍⴰⵎⴰⵏⵉⵢⵉⵏ ⵉⴹⴼⵕⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⴳ 13 ⴷⵓⵊⴰⵏⴱⵉⵔ ⵅⴼ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⵖⴰⵔⵜ ⵜⴰⴼⵔⵉⵇⵉⵜ ⴳ ⵓⵙⵙⵔⵇⴱ ⵏ ⵜⵣⴱⴱⴰⴱⵜ ⵊⴰⵔ ⵉⵡⴰⵏⴽⵏ ⵉⴼⵔⵉⵇⵉⵢⵏ.
ⵉⵃⴰⴹⵕ ⴳ ⵜⴼⵓⴳⵍⴰ ⵏ ⵓⵏⵏⵓⵕⵥⵎ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵍⴽⵓⵟⴷⵉⴼⵡⴰⵕ ⴰⴷⴰⵎⴰ ⴱⵉⴽⵜⵓⴳⵓ ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⴰⵕ ⴳ ⵣⵉⵎⴱⴰⴱⵡⵉ, ⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵎⴰⵙⵙⴰ ⵎⴰⴱⵉⵍ ⵎⵉⵎⵓⵔⵉ ⵛⵉⵏⵓⵎⵓⵏⴰ.
ⵉⵏⵏⴰ ⵎⴰⵙⵙ ⴱⵉⴽⵜⵓⵊⵓ ⴳ ⵜⴼⵓⴳⵍⴰ ⵏ ⵓⵏⵏⵓⵕⵥⵎ ⵎⴰⵙ ⵜⵍⵍⴰ ⵜⵙⵓⵜⵍⵜ ⴰⴷ ⴳ ⵓⵎⵏⴰⴹ ⵉⵥⵍⵉⵏ, ⵢⵉⵏⵉ ⵎⴰⵙ ⵉⵙⵖⴰⵡⵙⴰ ⵓⵎⵏⵥⴰⵡ ⴰⴼⵔⵉⵇⵉ ⵉ ⵓⴼⵔⴰ ⴷ ⵓⵔⴳⴳⵉⴳ ⵃⵎⴰ ⴰⴷ ⵉⵣⵣⵉⴳⵣ ⴳ ⵓⴱⵔⵉⴷ ⵏ ⵜⴳⵎⵉ.
ⵢⵉⵏⵉ ⵎⴰⵙ ⵜⵍⵍⴰ ⵜⴷⵎⵙⴰ ⵏ ⵓⵎⵏⵥⴰⵡ ⴰⴼⵔⵉⵇⵉ ⴷⴰⵜ ⵏ ⵜⵏⴰⵥⴰⵕⵉⵏ ⴳ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ ⵎⵏⵉⴷ ⵏ ⵉⵎⴰⵖⵏ ⴳ ⵓⵕⵓⴱⴱⴰ ⵇ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⴷⵔⵉⵣⵏ ⵏ ⴽⵓⴼⵉⴷ 19.
ⵉⵙⴷⴷⵉⴷ ⴼ ⵜⵡⵓⵔⵉ ⵉⵛⵛⴰⵔⵏ ⴳ ⵓⵙⵡⵉⵔ ⴰⵏⵎⵏⴰⴹ ⵙ ⴽⵉⴳⴰⵏ ⵜⵡⵉⵣⵉ ⴷ ⵓⵙⵎⵓⵏ ⵏ ⵜⵓⴳⴳⵯⴰⵙ.
ⵜⴳⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⵜⴰⵎⴰⴷⴷⴰⵙⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵏⵥⴰⵡⵜ ⵉⵍⵍⴰⵏ ⴳ ⴰⴱⵉⴷⵊⴰⵏ ⴳ 13 ⴱⵕⴰⵢⵕ 1976. ⵜⵡⴰⵜⵜⵙ ⴰⵙⴷⵓⵙ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵉⴼⵔⵉⵇⵢⴰ, ⴷ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉ ⵚⴰⵃⴰ ⵏ ⵓⴼⵔⴰ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵏⵏⵓⴱⴹⴰ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵔⴰⴷ ⵙⴽⵔⵏ ⵉⴱⵕⵍⴰⵎⴰⵏⵉⵢⵏ ⵏ ⵍⵎⵖⵔⵉⴱ ⵜⵓⴳⵜ ⵏ ⵉⵏⵎⵓⵇⵇⴰⵔⵏ ⴰⴽⴷ ⵉⵏⴳⴳⵯⴰ ⵏⵏⵙⵏ ⴳ ⵜⵎⵉⵣⴰⵔ ⵢⴰⴹⵏⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⴰⵔⴰⵏ ⴷ ⵓⴳⵜⵉⵔⴰⵏ.