ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵜⵡⴰⵍⴰ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, 8 ⵎⴰⵢ ⴰⵔ 2 ⵢⵓⵏⵢⵓ ⴳ ⵉⴼⵓⵙ ⵏ ⵉⴼⵔⵉⵇⵢⴰ
ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ 8 ⵎⴰⵢ ⴰⵔ 2 ⵢⵏⵓⵢⵓ 2023 ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ.
ⵢⵓⵎⴰ ⵓⴽⴰⴱⴰⵕ ⴰⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ: ⵍⴰⵢⵍⴰ ⴷⴰⵀⵉ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵅⴰⴷⵉⵊⴰ ⴰⵕⵓⵀⴰⵍ ⵙⴳ ⵜⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ, ⵄⴰⴱⴷⵚⵚⴰⵎⴰⴷ ⵃⵉⴽⵕ ⵙⴳ ⵜⵣⵔⴼⵜ ⴷ ⵜⴳⵎⵉ, ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ: ⵢⵓⵙⵓⴼ ⵉⴷⵉ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⵀⴰⵏⴰ ⴱⵍⵅⵉⵔ ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.
ⵔⴰⴷ ⵜⵉⵍⵉ ⴳ ⵜⵙⵓⵜⵍⵜ ⴰⴷ ⵜⵉⵏⴰⵡⵜ ⴼ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ 2023 ⴷⴷⵓ ⵜⵎⴰⵜⴰⵔⵜ: “ⴰⵣⵓⵛⵛⵍ ⵏ ⵓⵣⵣⴳⵉⵔ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴳ ⵉⴼⵔⵉⵇⵢⴰ: ⴰⵜⵉⴳ ⴰⵙⵜⵔⴰⵜⵉⵊⵉ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ”. ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵓⵔⵎⴰⵙ ⵏ ⵓⵙⵏⴼⴰⵔ ⴰⴷ ⵍⵍⵉ ⵉⴳⴰⵏ ⵉⵎⵉⵙⵙ ⴰⵅⴰⵜⴰⵔ ⵏ ⵓⵙⴽⵔ ⵏ ⵓⵙⵎⴰⵇⵇⵍ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵅⴼ ⵓⵙⵎⴰⴷ ⴰⴷⵎⵙⴰⵏ ⴰⵏⵎⵏⴰⴹ ⴷ ⵓⵎⵓⵜⵜⵉ ⵏ ⵜⴷⵎⵙⴰ ⵏ ⵉⴼⵔⵉⵇⵢⴰ, ⵔⴰⴷ ⵙⵎⵏⵉⴷⵏ ⵉⵎⵓⵣⴰⵢⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵉⵙⵎⵏⵉⴷⵏ ⴼ ⵓⵙⴰⵡⵓⵔ ⴰⴷ ⴰⵅⴰⵜⴰⵔ.
ⵔⴰⴷ ⵉⵍⵉⵏⵜ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵍⵏ ⴷ ⵜⵔⵓⴱⴱⴰ ⵜⵉⵏⵎⵏⴰⴹⵉⵏ ⴷ ⵜⵙⴳⵓⵎⴰⵏⵉⵏ ⴼ ⵜⵎⵙⴰⵔⵉⵏ ⵏ ⵜⵙⵓⵜⵍⵜ ⴰⴷ, ⴷ ⵓⴳⵔⴰⵡ ⵡⵉⵙ ⴽⵕⴰⴹ ⵏ ⵉⴱⵕⵍⴰⵎⴰⵏⵉⵢⵏ ⵉⴼⵔⵉⵇⵉⵢⵏ ⴼ ⵜⵙⵔⵜⵉⵜ ⵏ ⵓⵏⵣⵡⵉ ⴷ ⵢⵉⵙⴽⵉⵍ ⴷ ⵜⵙⵎⵓⵏⵉ ⴰⴽⴷ ⵉⴳⵏⵙⴰⵙⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴷ ⵜⴰⴷⴷⴰⵙⵉⵏ ⵏ ⵡⴰⵎⵓⵏ ⴰⵖⵔⵎⴰⵏ, ⴷ ⵓⵙⵎⵏⵉⴷ ⴼ ⵡⴰⴷⴷⴰⴷ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵉⴼⵔⵉⵇⵢⴰ ⴳ ⵓⵙⵓⵔⵙ ⵉⵍⵍⴰⵏ ⴳ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵜⵉⴳⴰⵔⵉⵡⵉⵏ ⴰⴷ.
ⵉⵍⵍⴰ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ 18 ⵎⴰⵕⵚ 2004 ⵙ ⵓⵎⵏⵏⵉ 5 ⵏ ⵓⵎⵇⵇⵏ ⴰⵎⵙⴽⴰⵔ ⵏ ⵜⴰⵎⵓⵏⵜ, ⵉⵙⵎⵓⵏ ⵉⴱⵕⵍⴰⵎⴰⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵉⵡⴰⵜⵜⵙ ⵜⵉⵡⵉⵣⵉ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴳ ⵜⴳⵎⵉ ⵏⵏⵙ ⵜⴰⴷⵎⵙⴰⵏⵜ, ⵉⴳⴰ ⴰⵎⵛⵡⴰⵕ ⴳ ⵎⴰⴷ ⵉⵥⵍⵉⵏ ⵙ ⵜⵉⴹⴰⴼ ⵏ ⵜⵎⵙⴰⵙⴽⵍⵜ ⴳ ⵜⴰⵎⵓⵏⵜ ⵏ ⵉⴼⵔⵉⵇⵢⴰ.
ⴽⵓ ⴰⵡⴰⵏⴽ ⵉⵟⵟⴰⴼ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ ⵉⴳⵯⵏⵙⴰⵙⵏ ⵙ ⵜⵓⵣⵍⵜ ⴷ ⵜⵓⴳⵜ, ⴳⵉⵙⵏ ⵢⴰⵜ ⵜⵎⵖⴰⵔⵜ ⵙ ⵓⵙⵉⴷⵔⵓⵙ, ⵜⵜⵓⵙⵜⴰⵢⵏ ⵙⵀ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ.