ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵜⴰⵎⵖⵔⵉⴱⵉⵜ-ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⵜⴱⵓⵔⴳ ⴳ 8 ⴰⵔ 10 ⵎⴰⵕⵚ 2022 ⴷ 15 ⴰⵔ 17 ⵎⴰⵕⵚ 2022
ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⵙⵏ ⵃⴰⴷⴷⴰⴷ, ⵜⵙⴽⵔ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⴰⵛⵛⴰⵔⵏ ⵍⵎⵖⵔⵉⴱ ⵜⴰⵎⵓⵏⵜ ⵏ ⵓⵕⵓⴱⴱⴰ ⵜⵉⵙⵎⵓⵏⴰⵢ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ ⵙⴳ 8 ⴰⵔ 10 ⵎⴰⵕⵚ ⴷ 15 ⴰⵔ 17 ⵎⴰⵕⵚ 2022.
ⵉⵎⴹⴰⴽⴰⵕ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ 34 ⵏ ⵓⵎⴰⵔⵉ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳⵉⵙⵏ: ⵎⴰⵙⵙ ⵎⴰⵔⴽⵓ ⵣⵉⵢⴰⵏⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵎⴰⴳⵉⵜ ⵜⴰⴷⵉⵎⵓⵇⵔⴰⵟⵉⵜ, ⵎⴰⵙⵙ ⵎⴰⵍⵉⴽ ⴰⵣⵎⴰⵏⵉ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⵕⵓⴱⴱⴰ ⵜⴰⵎⴰⵢⵏⵓⵜ, ⵎⴰⵙⵙⴰ ⵎⴰⵔⵢⴰ ⴰⵔⵉⵏⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵉⵡⴰⵏⴽⵏ ⵏ ⵍⵎⴰⵖⴰⵔⵉⴱ ⴷ ⵜⴰⵎⵓⵏⵜ ⵏⵏⵙ, ⵎ ⴰⵙⵙⴰ ⴰⵏⴷⵔⵢⴰ ⴽⵓⵣⵓⵍⵉⵏⵓ , ⵎⴰⵙⵙ ⵉⵎⴰⵏⵡⵉⵍ ⵎⵓⵔⵉⵍ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵔⵓⴱⴱⴰ ⵏ ⵉⵡⴰⵏⴽⵏ ⵏ ⵍⵎⴰⵖⴰⵔⵉⴱ, ⵎⴰⵙⵙ ⴽⴰⵕⵍⵓⵙ ⵣⵓⵔⵉⵏⵉⵢⵓ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵉⴼⵔⵉⵇⵢⴰ ⴷ ⵍⴽⴰⵕⴰⵢⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵎⴰⵙⵙⴰ ⵏⵓⵕⴰ ⵎⴱⴰⵕⴽ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴳⵎⵉ ⵜⴰⵙⴳⴰⵡⴰⵏⵜ, ⵎⴰⵙⵙ ⵊⴰⵏ ⵣⵀⵔⴷⵉⵍ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ, ⵍⵓⴽⴰⵙ ⵎⴰⵏⴷⵉⵍ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵉ ⵜⵏⴼⵔⵓⵜ ⴷ ⵓⵎⵣⴰⵖ, ⵎⴰⵙⵙ ⵟⵓⵎⴰⵚ ⵣⴷⴽⵓⴼⵙⴽⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⵎⵙⴰⵙⵜⵍⵜ, ⵎⴰⵙⵙ ⵙⵓⵔⵉⵏ ⵊⴰⵢⴷ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴳⵯⵎⵔⵜ.
ⵉⵍⵍⴰ ⵓⵎⴹⴽⴰⵕ ⴼ ⵜⵣⴷⴰⵢⵉⵏ ⵛⵛⴰⵔⵏⵉⵏ ⵙⵎⵓⵏⵏⵉⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴷ ⵜⵡⵡⵓⵔⵉ ⵉⵛⵛⴰⵔⵏ ⵉ ⵓⵙⵎⵖⵔ ⵏ ⵜⵙⵔⵜⵉⵜ ⵏ ⵜⵓⴷⴷⵊⵓⵕⴰ ⵙ ⵓⵕⵓⴱⴱⴰ ⴷ ⵓⵎⵢⴰⵡⴰⵙ ⵉ ⵓⵙⴽⵔ ⵏ ⵜⵏⴼⵔⵓⵜ ⴷ ⵜⵣⵣⵉⴳⵣⵜ ⵉⵛⵛⴰⵔⵏ.
ⵉⵖⵔ ⵎⴰⵙⵙ ⵍⴰⵃⵙ ⵃⴰⴷⴷⴰⴷ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵉ ⵓⵙⴷⵓⵙ ⵏ ⵓⵎⵙⴰⵡⴰⵍ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵕⵓⴱⴱⴰ ⴳ ⵉⴳⵔⴰⵏ ⵏ ⵜⴳⵎⵉ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵓⵣⵡⴰⴳ ⴷ ⵜⴳⵎⵉ ⵏ ⵜⵙⴳⴰ ⵏ ⵙⵙⴰⵃⵉⵍ ⴷ ⵓⵙⴱⴷⴷⵉ ⵏ ⵉⴱⴽⴽⴰⴹⵏ ⴷ ⵓⴱⵔⵙⵙⵉⵡⴷ. ⴷⵎ ⴰⵙ ⴷ ⵇⵇⴰⵏⵜ ⵜⵓⴳⴳⴰⵙ ⵏ ⵡⴰⵔⴰⵢ ⵉ ⵓⵙⴱⴷⴷⵉ ⵏ ⵉⵎⵉⵣⵉⵢⵏ ⵏ ⵜⵙⴳⴰ ⵏ ⵓⵕⵓⵜⴰⵏⴰⵎⵎⴰⵙⵜ.
ⵙⵓⵜⴳⵏ ⵉⵎⵙⵜⴳⴳⴰⵔⵏ ⵏ ⵓⵕⵓⴱⴱⴰ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⴷ ⵜⵓⴳⴳⵯⴰⵙ ⵏⵏⵙ ⴳ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵙⴰⵡⵍⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⴼ ⵉⵎⵉⵣⵉⵢⵏ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⵎⴰⵣⵉⵔⵜ ⵏⵏⵖ, ⵍⵍⵉ ⵉⴳⴰⵏ ⵓⵍⴰ ⵎⴳⴰⵍ ⵏ ⵜⵎⴰⴷⵔⴰⵡⵜ ⵉⵥⵉⵍⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵜⵎⵢⴰⵇⵇⴰⵏⵉⵏ , ⵢⵉⵍⵉ ⵓⵙⴼⵔⴽ ⵏ ⵉⴱⵔⵍⴰⵎⴰⵏⵉⵢⵉⵏ ⵏ ⵓⵔⵓⴱⴱⴰ ⵙ ⵓⵥⵎⴰⵥⵥⵍ ⵏ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵙⵇⵉⵎⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ ⵅⴼ ⵜⵖⵉⵎⵉⵜ ⵏ ⵓⵙⵙⴼⵍⴷ ⵉⵛⵛⴰⵔⵏ ⴼ “ⵉⴽⴰⵍⵉⵡⵏ ⵜⵜⵢⴰⵎⴰⵥⵏⵉⵏ ⴷ ⵉⴽⴰⵍⵉⵡⵏ ⵓⵔ ⵟⵟⴰⴼⵏⵉⵏ ⴰⵏⴱⴰⴹ ⴰⵏⵉⵎⴰⵏ” ⵃⵎⴰ ⴰⴷ ⵢⵉⵍⵉ ⵓⵔⵡⴰⵢ ⵊⴰⵔ ⴰⴽⴰⵍ ⵏ ⴼⴰⵍⵉⵚⵟⵉⵏ ⴷ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⴷⴼⴼⵉⵔ ⵏ ⵓⵙⵙⴼⵔⴽ ⵏ ⵉⴱⵕⵍⴰⵎⴰⵏⵉⵢⵉⵏ ⵏ ⵓⵕⵓⴱⴱⴰ ⴳ ⵙⵏⴰⵜ ⵜⵙⵇⵇⵉⵎⵉⵏ ⴰⴷ, ⵜⵍⵍⴰ ⵜⵙⵎⵓⵏ ⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵖⵜⴰⵙⵜ ⵏ ⵜⵙⵇⵇⵉⵎⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ ⵖ ⵜⵜⵓⵏⵏⴰ ⵜⴰⴳⵯⵉⵜ ⵉⵙⵎⴷⵏ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵉ ⵓⵥⵎⴰⵥⵥⵍ ⴰⴷ.
ⴳ ⵓⵎⴹⴰⴽⴰⵕ ⴳ ⵓⴳⵯⵏⵙ ⵏ ⵜⵖⵉⵎⵉⵜ ⴰⴷ ⵓⵔ ⵉⵍⵉⵏ ⴰⵜⵉⴳ, ⵙⵙⵀⵔⵛⵏ ⴽⵉⴳⴰⵏ ⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⴰⵙⵏⵎⴰⵍⴰ ⵏ ⵡⴰⵏⵡ ⵏ ⵜⵙⵎⵓⵏⴰⵢ ⴰⴷ ⵍⵍⵉ ⵓⵔ ⵉⵜⵜⵓⵇⵇⴰⵔⵏ ⵜⴰⵏⵏⴰⵢⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵡⴰⵎⵓⵏ ⴰⴳⵔⴰⵖⵍⴰⵏ ⴷ ⵡⴰⴷⴷⴰⴷ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵎⵏⵉⴷ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⵉⵍⵍⴰ ⵓⵙⵉⵜⵜⵉ ⵏ ⵓⵛⵏⴰⵢⴰⵍ ⵏ ⵜⴳⴷⵓⴷⴰⵏⵜ ⵏ ⵎⴰⵔⵓⵔ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⴱⵕⵍⴰⵎⵏ ⵏ ⵓⵕⵓⴱⴱⴰ, ⵢⵉⵍⵉ ⵓⵙⵉⴷ ⵏ ⵜⵔⴰⴱⴱⵓⵜ ⴰⴷ ⵙ ⵖⵎⴽⴰⵏ ⴷ ⵓⵙⵖⵣⵏ ⵏ ⵜⵎⴰⵜⴰⵔⵜ ⵏ ⵓⴱⵕⵍⴰⵎⴰⵏ ⵏ ⵉⴼⵔⵉⵇⵢⴰ.
ⵔⴰⴷ ⵢⵉⵍⵉ ⵓⵙⵎⵀⵍ ⵏ ⵜⴰⵢⵢⴰⵡⵜ ⵙⴳ 21 ⵎⴰⵕⵚ 2022 ⴷ ⵓⵙⵓⵊⴷ ⵏ ⵉⵙⵖⵍⴰⴼ ⵏ ⵜⵙⵎⵓⵏⵉ ⵏ ⵓⵣⴳⵏ ⵏ ⵓⵙⴳⴳⵯⴰⵙ ⴷ ⵜⵙⵎⵓⵏⵉ ⵜⴰⵙⴳⴳⵯⴰⵙⴰⵏⵜ ⴳ ⴱⵔⵓⴽⵙⵉⵍ ⴳ 12 ⵎⴰⵢⵢⵓ 2022.
ⴷⵔⵓⵏ ⴳ ⵜⵙⵎⵉⴳⴰⵍ ⴰⴷ ⵉⴷ ⵎⴰⵙⵙ: ⵍⴰⵃⵙ ⵃⴰⴷⴷⴰⴷ, ⵀⵉⵛⴰⵎ ⴰⵢⵜ ⵎⵏⵏⴰ, ⵣⵉⴰⵏ ⵛⴰⵀⵉⵎ, ⵍⵅⵎⵎⴰⵕ ⵍⵎⵕⴰⴱⵟ, ⵚⴰⵍⴰⵃ ⴷⴷⵉⵏ ⴰⴱⵓ ⵍⵖⴰⵍⵉ, ⴼⴰⵟⵉⵎⴰ ⵥⵥⴰⵀⵕⴰ ⴱⵏ ⵟⴰⵍⴱ, ⵄⴰⴱⴷ ⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⵍⴰⵃⵙⵏ ⵍⴰⵛⴳⵔ, ⵛⴰⵡⵉ ⴱⵍⵄⵙⵙⴰⵍ, ⴰⵃⵎⴰⴷ ⵍⵄⴱⴱⴰⴷⵉ, ⵎⴱⴰⵔⴽ ⵙⵙⴱⴱⴰⵄⵉ, ⵎⵓⵏⵉⵔ ⵍⵊⴼⴼⴰⵍⵉ ⴰⵎⵛⵛⵉⵡⵕ ⴰⴷⵉⴱⵍⵓⵎⴰⵙⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ.
ⵍⴰⵃⵙⵏ ⵃⴰⴷⴷⴰⴷ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⵏⵉⵜ ⵉⵛⵛⴰⵔⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.