ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 79 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ
ⵉⴷⵔⵓ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⴰⵏⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ, ⵓⵙⵙⴰⵏ ⵏ 21 ⴷ 22 ⵢⵓⵏⵢⵓ ⴳ ⵍⵓⵎⵉ ⵜⴰⵎⴰⵥⵓⵏⵜ ⵏ ⵟⵟⵓⴳⵓ. ⵉⵍⵍⴰ ⴳ ⵓⴽⴰⴱⴰⵕ ⴰⴷ: ⵎⴰⵙⵙⴰ ⵏⴰⴷⵢⴰ ⴱⵓⵣⴰⵏⴷⴰⴼⴰ, ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵛⵔⵇⴰⵡⵉ ⵣⵣⵏⴰⵢⴷⵉ,ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⴰⵣⵓⵍⵜ ⵏ ⵍⵉⵜⵜⵉⵃⴰⴷ, ⵉⴳⵎⵎⴰⵏ ⵏ ⵜⵙⵇⵇⵉⵎⵜ ⴰⴷ.
ⵜⴳⴰ ⵜⵎⵙⴰⵔⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵜⴰⵎⵍⴷⴰ ⵏ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉ ⵓⵏⵎⵓⵇⵇⴰⵔ ⴷ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵓⵙⴷⵙⴷⵓ ⵏ ⵜⵓⴳⴳⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⴰⵢⵓⵔⵓⵔ ⴰⴼⵔⵉⵇⵉ ⵙ ⵎⴰⴷ ⵉⵍⵍⴰⵏ ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵏ ⵖⵉⵍⴰⴷ.
ⵔⴰⴷ ⵢⵉⵍⵉ ⵓⵖⴰⵡⴰⵙ ⵏ ⵜⵙⵓⵜⵍⵜ ⵜⵉⵙ 79 ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵓⵙⵖⵏⵣⵏ ⵏ ⵜⵏⵇⵇⴰⴷ ⵏ ⵓⵖⴰⵡⴰⵙ ⴷ ⵓⵙⵓⵊⴷ ⵏ ⵓⴳⵔⴰⵡ ⵡⵉⵙ 45 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⵙⵓⵜⵍⵜ ⵜⵉⵙ 80 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ, ⴷ ⵓⵎⴹⴰⴽⴰⵕ ⵏ ⵉⵙⵓⵔⵙⵏ ⵉⵙⵔⵜⴰⵏⵏ ⴳ ⴽⵔⴰ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⴰⵎ ⵙⵙⵓⴷⴰⵏ ⴷ ⵡⵉⵏ ⵙⵙⴰⵃⵉⵍ, ⴷ ⵓⵙⵖⵏ ⵏ ⵓⵏⵇⵇⵉⵙ ⵏ ⵜⵙⵓⵜⵍⵜ ⴷ ⵓⵙⵓⴼⵖ ⵏ ⵓⵙⵉⵡⴹ ⵏ ⵍⵓⵎⵉ ⵅⴼ ⵓⵙⵏⴰⵍ ⵏ ⵡⴰⵜⵉⴳⵏ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⴷ ⵓⴼⵓⴽⴽⵓ ⵏ ⵉⵎⴰⵖⵏ ⴳ ⵉⴼⵔⵉⵇⵢⴰ.
ⵔⴰⴷ ⵉⵎⴹⵉⴽⵉⵕ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴷ ⵉⴽⴰⴱⴰⵕⵏ ⵢⴰⴹⵏⵉⵏ ⴼ ⵓⵙⴷⵓⵙ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⵙⵉⵏⵔⴰⵏⵜ ⴷ ⵜⴳⵜⵉⵔⴰⵏⵜ.