ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ 77 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ 77 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⵍⵍⵉ ⵜⵙⵏⵎⴰⵍⴰ ⴰⴽⴷ ⵓⴱⵕⵍⴰⵎⴰⵏ ⵏ ⵕⵡⴰⵏⴹⴰ ⵓⵙⵙⴰⵏ ⵏ 10 ⴷ 11 ⵎⴰⵕⵚ ⴳ ⴽⵉⴳⴰⵍⵉ.
ⵉⵍⵍⴰ ⴳ ⵓⴳⵔⴰⵡ ⴰⵡ:
- ⵎⴰⵙⵙⴰ ⵜⴰⵎⴰⵔⵉⵜ ⵏⴰⴷⵢⴰ ⴱⵣⵏⴷⴼⴰ ⵙⴳ ⵜⵔⴰⴱⴱⵓⵜ ⵏ ⵜⵎⵔⴰⵔⵓⵜ ⵏ ⵜⵣⵖⵔⵜ ⴷ ⵜⵎⴰⵜⵔⴰⵜ ⴳ ⵓⵙⵇⵇⵉⵎ ⵏ ⵓⵎⵓⵔⴰ.
- ⵎⴰⵙⵙ ⴰⵎⴰⵔⵉ ⵛⵛⵔⵇⴰⵡⵉ ⵣⵏⴰⵢⴷⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ.
- ⵎⴰⵙⵙ ⴰⵎⵛⵛⵉⵡⵔ ⵅⵍⵉⵀⵏⵏⴰ ⵍⴳⵔⵛ ⵙⴳ ⵜⴳⵔⵓⵎⵎⴰ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴷⵉⵎⵉⵇⵔⴰⵟⵉⵜ ⵉ ⵜⵡⵡⵓⵔⵉ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵜⴻⵜⵜⵓⵕⵥⴰⵎ ⵜⵙⵓⵜⵍⵜ ⴰⴷ ⵙ ⵜⴳⵓⵔⵉ ⵏ ⵎⴰⵙⵙⴰ ⵎⵓⴽⴰⴱⴰⵍⵉⵣⴰ ⴷⵓⵏⴰⵜⵉⵍⵍ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔ ⴳ ⵕⵡⴰⵏⴹⴰ ⴷ ⵎⴰⵙⵙ ⵎⵓⵃⴰⵎⵎⴰⴷ ⵄⴰⵍⵉ ⵃⵓⵎⵉⴷ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⴷ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ, ⵙⴷⴷⵉⴷⵏ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ ⵏ ⵉⴽⴰⴱⴰⵕⵏ ⵉⴼⵔⵉⵇⵉⵢⵏ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴳ ⵉⴳⵔⴰⵡⵏ ⵉⵎⵏⵏⴰⵡⵏ ⴷ ⵓⵙⵡⵓⴷⴷⵓ ⵉⵕⵡⴰⵏ ⵏ ⵓⴱⴰⵢⵢⵓⵕ ⵏ ⴽⵓⵉⴷ 19.
ⵉⵙⴰⵡⵍ ⵓⴽⴰⴱⴰⵔ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⴼ ⵉⵎⵔⵙⵉⵡⵏ ⵀⵎⵎⴰⵏⵉⵏ ⵉⴼⵔⵉⵇⵢⴰ ⴰⵎ ⴰⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⴷ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ, ⴷ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵡⴰⵎⵎⴰⵙⵏ ⵏ ⵜⵖⵜⴰⵙⵜ ⴷ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴷ ⵓⵔⴳⴳⵉⴳ ⴷ ⵓⵕⵕⵥⵓⵎ ⵏ ⵉⵡⵜⵜⴰ ⵊⴰⵔ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴷ ⵓⴱⵟⵟⵓ ⴰⵣⵔⴼⴰⵏ ⵏ ⵉⴳⵏⴰⵔⵏ ⵏ ⵉⴼⵔⵉⵇⵢⴰ ⵊⴰⵔ ⵉⵎⴰⴷⴰⵏⵏ ⵏⵏⵙ ⴷ ⵜⵓⴷⵔⵜ ⵏ ⵓⴷⴷⵓⵔ ⵏ ⵓⵏⵎⵓⵔⵉ ⴰⴼⵔⵉⵇⵉ.
ⴳ ⵓⵎⴹⴰⴽⴰⵔ ⵏ ⵓⵙⵉⵟⴱ ⴰⵥⵕⴼⵏ ⵏ 2020 ⴷ 2021, ⵉⵍⵍⴰ ⵓⵙⴽⵔ ⵏ ⵜⵙⵇⵇⵉⵎⵜ ⵉⵥⵍⵉⵏ ⵉ ⵓⴹⴼⵕ ⵏ ⵉⵙⵖⵡⴰⵏⵏ ⵉⵥⵕⴼⴰⵏⵏ ⵉ ⵉⵡⴰⵏⴽⵏ ⵉⴳⵎⴰⵎⵏ, ⵜⵉⵍⵉ ⴳⵉⵙ ⵎⴰⵙⵙ ⴰⵎⵛⵛⵉⵡⵕ ⵅⵍⵉⵀⵏⵏⴰ ⵍⴳⵔⵛ.
ⵉⵙⴽⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵙⵉⵏ ⵉⵏⵎⵓⵇⵇⴰⵔⵏ ⴰⴽⴷ ⵎⴰⵙⵙⴰ ⵎⵓⴽⴰⴱⴰⵍⵉⵣⴰ ⴷⵓⵏⴰⵜⵉⵍⵍ ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵕⵡⴰⵏⴹⴰ ⴷ ⵓⵏⵙⵙⵉⵅⴼ ⵏ ⵜⵎⵚⵕⵉⵜ ⵜⵉⵙ ⵙⵏⴰⵜ ⴳ ⵕⵡⴰⵏⴹⴰ ⵎⴰⵙⵙ ⴰⵢⴰⵎⵓⵔⵎⵉ ⴰⴳⵓⵙⵜⴰⵏ ⴼ ⵜⴷⴷⵓⴽⴽⵍⴰ ⴷ ⵓⵎⵢⴰⵡⴰⵙ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⴷⵓⵙ ⵏ ⵜⵎⴷⵔⴰⵡⵜ ⴷ ⵓⵙⴰⵜⵉ ⵓⵍⴳⵉⵏ ⴳ ⵢⵉⴳⵔ ⵏ ⵜⴷⵎⵙⴰ ⴷ ⵓⵙⵏⴼⵍ ⵏ ⵜⵎⵓⵣⴰⵢ ⴷ ⵓⵙⵙⴰⵔⵓ ⴷ ⵓⵙⵎⵀⵍ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⵜⵉⴱⵕⵍⴰⵎⴰⵏⵉⵢⵉⵏ.
ⵉⵙⴽⵔ ⵓⴽⴰⴱⴰⵕ ⵓⵍⴰ ⵉⵎⴹⴽⴰⵕⵏ ⴰⴽⴷ ⵉⴽⴰⴱⴰⵕⵏ ⵏ ⵉⵡⴰⵏⴽⵏ ⵉⵎⴷⴷⵓⴽⴽⴰⵍ ⴷⵔⵓⵏⵉⵏ ⴳ ⵜⵙⵓⵜⵍⵜ ⴰⴷ ⴼ ⵓⵎⵢⴰⵡⴰⵙ ⴷ ⵜⴷⴷⵓⴽⴽⵍⴰ, ⵉⴽⴰⴱⴰⵕⵏ ⵏ: ⵎⵉⵚⵕ, ⵙⴰⵡⵟⵓⵎⵉ ⴱⵔⵉⵏⵙⵉⴱⵉ, ⵙⵙⵉⵏⴳⴰⵍ, ⵏⵏⵉⵊⵉⵔ, ⴷⵊⵉⴱⵓⵜⵉ.