ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ, ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴰⴷⵎⵙⴰⵏ ⵓⵕⵓ ⴰⵏⴰⵎⵎⴰⵙ ⴷ ⵓⵅⴰⵍⵉⵊⵉ ⵏ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⴰⵎⵓⵔ ⵏ ⵡⴰⴽⵓⵛ 7-8 ⴷⵓⵊⴰⵏⴱⵉⵔ 2022

ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ

ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ

ⵎⴰⵙⵙ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ

ⵎⴰⵙⵙ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ

ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵣⵉⵎⴱⴰⴱⵡⵉ ⵜⴰⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ

ⵎⴰⵙⵙ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ

ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵍⵉⵎⴰⵕⴰⵜ ⵜⴰⵄⵕⴰⴱⵜ ⵉⵎⵓⵏⵏ

ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵙⵙⴰⵄⵓⴷⵉⵢⵢⴰ

ⵉⴷ ⵎⴰⵙⵙ ⵉⵏⵙⵙⵉⵅⴼⵏ

ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⴷ ⵉⵏⵎⵀⴰⵍⵏ ⵏ ⵜⵎⴰⴷⴷⴰⵙⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ

ⴰⵔ ⵙⵔⵓⵏ ⵙⴱⵔⵔⴰⴽⵖ ⴳ ⵓⴳⵔⴰⵡ ⴰⴷ ⴰⵅⴰⵜⴰⵔ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⵔⴰⴷ ⵎⴹⴰⴽⴰⵕⵏ ⵉⴱⵕⵍⴰⵎⴰⵏⵉⵢⵏ ⴷ ⵉⵎⴰⵡⵙⴰⵙⵏ ⴷ ⵉⵎⵙⴽⴰⵔⵏ ⵉⴷⵎⵙⴰⵏⵏ ⴷ ⵉⵎⵖⴰⵔⵏ ⵏ ⵜⵎⴰⴷⴷⴰⵙⵉⵏ ⵜⵉⴷⵎⵙⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⴼ ⵜⵎⵙⴰⵔⵉⵏ ⵙⵜⴰⵡⵀⵎⵎⴰⵏⵉⵏ ⴳ ⵉⵎⵏⴰⴹⵏ ⵉⴳⵔⴰⵖⵍⴰⵏⵏ ⴷ ⵉⵙⴳⴰⵡⴰⵏⵏ ⵍⵍⵉ ⴰⴽⴽⵯ ⵏⵏⵙⵏ ⴷ ⵜⵏⴰⵥⴰⵕⵉⵏ ⵏⵏⵙⵏ.

ⵔⵉⵖ ⴰⴷ ⵙⵓⵜⴳⵖ ⴰⵙⵜⴰⵢ ⵏ ⵉⵎⵔⵙⵉⵡⵏ ⵏ ⵓⵏⵎⵓⵇⵇⴰⵔ ⴰⴷ ⴰⵎⵙⴽⴰⵔ, ⵍⵍⵉ ⵣⴷⵉⵏⵉⵏ ⴷ ⵜⵏⴰⵥⴰⵕⵉⵏ ⴷ ⵜⵎⵓⴽⵔⵉⵙⵉⵏ ⵛⵛⴰⵔⵏⵉⵏ ⴳ ⵍⵅⴰⵍⵉⵊ ⴰⵄⵕⴰⴱ ⴷ ⵜⵙⴳⴰ ⵓⵕⵓ ⵜⴰⵏⴰⵎⵎⴰⵙⵜ.

ⴳⴰⵏⵜ ⵜⵉⵏⴰⵥⴰⵕⵉⵏ ⵜⵉⵙⵓⵍⴰⵏⵉⵏ ⵣⴷⵉⵏⵉⵏ ⴷ ⵜⴰⵙⵙⴰⵙⵉⵏ ⵜⵉⵎⴰⵢⵏⵓⵜⵉⵏ, ⵜⵉⵎⵓⴽⵔⵉⵙⵉⵏ ⵏ ⵓⵎⵣⵔⵓⵢ, ⵉⵖ ⵏⵓⵔⵔⵉ ⵙ ⵓⵎⵣⵔⵓⵢ ⴰⵜⵔⴰⵔ, ⴷⴰ ⵏⵥⵕⵕⴰ ⵎⴰⵙ ⴷ ⴰⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⵓⵙ , ⵉⵎⴽⴽⵉⵙⵉ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵏⴰⵎⵎⴰⵙ ⵍⵍⵉ ⵉⵙⴽⵔ ⵓⴱⵕⵍⴰⴰⵎⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ 2005, ⵉⵍⵍⴰ ⴳ 1992 ⴷ ⵉⵎⵉⵙⵙ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵎⴰⵍⴰⴳⴰ ⵙ ⵉⵙⵎ ⵏ ⵓⴳⵔⴰⵡ ⵏ ⵜⵏⴼⵔⵓⵜ  ⴷ ⵓⵎⵢⴰⵡⴰⵙ ⴳ ⵜⵙⴳⴰ ⵏ ⵓⵏⴰⵎⴰⵎⵙ, ⵉⵍⵍⴰ ⵉ ⵓⵙⴱⴷⴷⵉ ⵏ ⴽⵕⴰⴹⵜ ⵜⵏⴰⵥⴰⵕⵉⵏ ⵜⵉⵅⴰⵜⴰⵔⵉⵏ ⴷ ⵓⵙⵎⵏⵉⴷ ⵏ ⵜⵎⵔⴰⵔⵓⵜ ⵜⴰⴱⵕⵍⴰⵎⴰⵏⵉⵜ.

1. ⴰⵎⵢⴰⵡⴰⵙ ⴰⵙⵔⵜⴰⵏ ⴷ ⵜⵏⴼⵔⵓⵜ ⵉ ⵓⵙⴽⵔ ⵏ ⵓⵔⴳⴳⵉⴳ;

2.ⴰⵎⵢⴰⵡⴰⵙ ⴰⴷⵎⵙⴰⵏ ⵙ ⵜⴳⵎⵉ ⵉⵛⵛⴰⵔⵏ ⴷ ⵓⵚⴽⵓ ⵏ ⵜⵎⴷⵔⴰⵡⵉⵏ;

3.ⴰⵎⵙⴰⵡⴰⵍ ⵊⴰⵔ ⵜⵉⵖⵔⵎⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.

ⴷⴼⴼⵉⵔ ⵏ 30 ⵏ ⵓⵙⴳⴳⵯⴰⵙ ⴼ ⵓⵙⵡⵉⵏⴳⵎ ⴰⴷ ⴰⴱⵕⵍⴰⵎⴰⵏⵉ ⵍⵍⵉ ⵉⵙⴽⵔⵏ ⴰⵙⴰⵜⵉ ⴰⴱⵕⵍⴰⵎⴰⵏⵉ ⴰⵙⴳⴰⵡⴰⵏ, ⵏⵍⵍⴰ ⵏⵉⵜ ⴷⴰⵜ ⵏ ⵜⵏⴰⵥⴰⵕⵉⵏ ⴰⴷ ⴷ ⵉⵙⵓⵔⵙⵏ ⴷ ⵜⴰⵙⵙⴰⵙⵉⵏ ⵛⵇⵇⴰⵏⵉⵏ.

ⵜⴰⵙⴳⴰ ⵏ ⵓⵏⴰⵎⵎⴰⵙ ⴷ ⵜⵎⵉⵣⴰⵔ ⵏⵏⵙ ⴳⵉⵙⵏⵜ ⵉⵎⴰⵖⵏ ⵉⴳⵯⵏⵙⴰⵏⵏ ⵛⴷⴷⴰⵏⵉⵏ ⵜⴰⵡⵉⵏⵉⵏ ⵉ ⵓⵣⵡⴰⴳ ⵏ ⵉⴷ ⵍⵎⵏⴰⵢⵏ ⵏ ⵎⵉⴷⴷⵏ  ⴷ ⴽⵓ ⵜⵉⵎⵓⴽⵔⵉⵙⵉⵏ ⵜⵉⵏⴼⴳⴰⵏⵉⵏ ⴳⴰⵏⵉⵏ ⵜⴰⵙⵙⴰⵙⵉⵏ ⴷⴰⵔ ⵉⵎⴰⴷⴰⵏⵏ ⴳ ⵓⵔ ⵉⵍⵍⵉ ⵓⵔⴳⴳⵉⴳ.

ⵖⵎⴽ ⵍⵍⵉ ⵏⵙⵙⵏ, ⵜⴳⴰ ⵜⵙⴳⴰ ⵏ ⵓⵏⴰⵎⵎⴰⵙ ⴰⴷⵖⴰⵔ ⵖ ⵍⵍⴰⵏ ⵉⵎⵣⵔⴰⵢⵏ ⵅⴰⵜⵔⵏⵉⵏ ⴳ ⵡⴰⵢⴷ ⴷ ⵜⴳⵎⵉ ⵜⴰⵏⴼⴳⴰⵏⵜ, ⵜⴳ ⵜⴰⵙⴳⴰ ⴳ ⴳⴳⵓⵜⵏ ⵉⵔⴱⴰⴱⵏ ,  ⴷ ⴰⵔ ⵉⵙⴽⴰⵔⵏ ⵉⵎⵓⵙⵙⵓⵜⵏ ⵏ ⵓⵣⵡⴰⴳ ⵡⴰⵔⵓⵍⴳⵉⵏ ⴽⵉⴳⴰⵏ ⵏ ⵜⵎⵓⴽⵔⵉⵙⵉⵏ ⵀⵔⵛⵏⵉⵏ, ⴳⵉⵙ ⵓⵍⴰ ⵜⵉⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵜⵖⴰⵔⵜ, ⴷ ⵓⵙⵎⵔⵙ ⵉⴳⴳⵓⵜⵏ ⵏ ⵡⴰⴽⴰⵍ ⴷ ⵉⵙⵓⴳⴰⵎ ⵏ ⵡⴰⵎⴰⵏ ⴷ ⵢⵉⵍ ⴷ ⵡⵉⵢⵢⴰⴹ.

ⴰⵔ ⴼⵔⵔⴰⵏ ⵉⵎⴰⴷⴰⵏⵏ ⵏ ⵓⵏⴰⵎⵎⴰⵙ ⴰⵜⵉⴳ ⵏ ⵉⵡⵜⵜⴰ ⵜⵜⵓⵇⵇⴰⵏⵉⵏⴽ ⵊⴰⵔ ⵓⴳⴳⴰⵔ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⴷⵔⵉⵣ ⵏ ⵎⴰ ⵢⴰⴷ ⴼ ⵓⵙⵙⴰⵔⵓ ⴷ ⵉⵙⵏⴼⵍⵏ , ⵓⵔ ⴰⵔ ⵉⵜⵜⴰⵡⵙ ⵡⴰⵍⴰⵢ ⵏ ⵡⴰⵜⵉⴳ ⵏ ⵜⵥⴹⴰⵕⵜ ⴷ ⵓⵥⴰⵥⵓ ⵏ ⵓⴼⴰⵔⵙ ⴳ ⵓⵙⴽⵔ ⵏ ⵓⵙⵎⵖⵔ ⴰⴷⵎⵙⴰⵏ ⵙ ⵜⵖⴰⵔⴰⵙⵜ ⴷ ⵢⵓⵙⴰⵏ ⴳ ⵓⴳⴳⴰⵔ ⵏ ⵜⵎⴰⵣⵉⵔⵜ, ⵖⵎⴽ ⵍⵍⵉ ⵏⵙⵇⵙⴰ ⴼ ⵜⵏⴼⵔⵓⵜ ⵏ ⵓⵜⵛⵓ ⴳ ⵜⵙⵔⵜⴰⵢ ⵜⵉⴳⵔⴰⵖⵍⴰⵏⵉⵏ ⴳ ⵢⵉⴳⵔ ⴰⴷ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵉⴳⴰ ⵓⴳⵔⴰⵡ ⴰⴷ ⵜⴰⵎⵍⴷⴰ ⴷ ⵓⵙⴰⵢⵔⵓⵔ ⵏ ⵜⵉⵔⵔⴰ ⵏ ⵓⵙⵎⴰⵇⵇⵍ ⵉⵛⵛⴰⵔⵏ ⵉ ⵜⵏⴼⵔⵓⵜ ⴷ ⵓⴼⵔⴰ ⴷ ⵜⴳⵎⵉ ⵉⵛⵛⴰⵔⵏ ⴳ ⵜⵎⵉⵣⴰⵔ ⵏ ⵍⵅⴰⵍⵉⵊ ⴰⵄⵕⴰⴱ ⴷ ⵜⵙⴳⴰ ⵓⵕⵓ ⵜⴰⵏⴰⵎⵎⴰⵙⵜ, ⵉⴳⴰ ⴰⵙⵡⵉⴳⵎ ⴷ ⵓⵙⴰⵡⵓⵔ ⵍⵍⵉ ⵙⵏⴰⵍⵏ ⴽⵉⴳⴰⵏ ⵏ ⵉⴼⵔⴷⴰⵙ, ⵉⵖ ⵏⵥⵕⴰ ⴰⵢⴷⴰ ⵏ ⵜⵙⴳⴳⵉⵡⵉⵏ ⴰⴷ ⵟⵟⴰⴼⵏⵉⵏ ⵜⵉⵥⴹⴰⵕⵉⵏ ⵉ ⵓⵙⵎⴰⴷ ⴰⴷⵎⵙⴰⵏ ⴷ ⵓⵜⵉⴽⵏⵓⵍⵓⵊⵉ, ⵍⵍⵉⵖ ⵟⵟⴼⵏⵜ ⵜⵎⵉⵣⴰⵔ ⵏ ⵍⵅⴰⵍⵉⵊ ⵉⵙⵓⴳⴰⵏ ⵏ ⵜⵥⴹⴰⵕⵉⵏ ⵅⴰⵜⵔⵏⵉⵏ, ⵓⵎⵎⵔ ⵎⵎⵉⵖ ⵙⵎⵔⵙⵏ ⴰⵢⵜⵎⴰⵜⵏⵖ ⵖ ⵜⵎⵉⵣⴰⵔ ⴰⴷ ⴳ ⵓⵙⴽⵔ ⵏ ⵉⵙⵏⴼⵍⵏ ⵉⴷⵎⵙⴰⵏⵏ ⵉⵅⴰⵜⴰⵔⵏ, ⵜⵉⵍⵉ ⵜⵎⵍⴷⴰ ⵏ ⵓⴼⴰⵔⵙ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴳ ⵍⵅⴰⵍⵉⵊ ⴷ ⵉⴼⴼⵓⵙ ⵏ ⵍⵇⴱⵍⵜ ⵏ ⵓⵏⴰⵎⵎⴰⵙ. ⴷⴰⵔⵏ ⴰⴷⴷⵓⵔ ⵙ ⵎⴰⴷ ⵉⵜⵜⵓⵙⴽⴰⵔⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⴳ ⵢⵉⴳⵔ ⴰⴷ, ⵙ ⵓⵙⵎⵖⵔ ⴰⵏⴼⵍⴰⵃ ⴰⵅⴰⵜⴰⵔ ⵉⵙⴽⵔⵏ ⵓⵜⵛⵓ ⵉ ⵉⵎⵖⵔⵉⴱⵉⵢⵏ ⴷ ⵓⵙⴷⵓⵙ ⵏ ⵉⵚⵉⴼⵉⴹⵏ ⵏ ⵜⵎⴰⵣⵉⵔⵜ ⴷ ⵜⴳⵎⵉ ⵏ ⵜⵎⴳⵓⵔⵉ ⴳ ⵉⴳⵔⴰⵏ ⵉⵎⵣⵡⵓⵔⴰ ( ⴰⵔ ⵜⵙⴽⴰⵔ ⵜⴳⵍⴷⵉⵜ 700 ⵏ ⵉⴼⴹ ⵏ ⵜⵀⵉⵔⵉⵜ ⴳ ⵓⵙⴳⴳⵯⴰⵙ, ⵓⴳⴳⴰⵔ ⵏ ⵢⴰⵜ ⵜⵀⵉⵔⵉⵜ ⴳ ⵜⵓⵙⴷⴰⴷⵜ).

ⵟⵟⴰⴼⵏⵜ ⵙⵏⴰⵜ ⵜⵙⴳⴳⵉⵡⵉⵏ ⵜⵉⵙⵓⴳⴰⵔ ⵜⵉⵜⴽⵏⵓⵍⵓⵊⵉⵢⵉⵏ ⴰⵜⵜⵓⵢⵏⵉⵏ ⴷ ⵜⵎⴳⵓⵔⴰ ⵅⴰⵜⵔⵏⵉⵏ (ⴳ ⵓⵕⵓⴱⴱⴰ) ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⵏ ⵡⴰⵙⵙⴰⵢ ⴰⵢⵍⴰⵏ ⴷ ⵡⵉⵏ ⵉⴳⵏⵏⴰ, ⵉⵍⵉⵏⵜ ⴳ ⵢⴷⵖⴰⵔ ⴰⵙⵜⵔⴰⵜⵉⵊⵉ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ.

ⵜⵉⵙⴳⴳⵉⵡⵉ ⴰⴷ ⵏⵏⵓⵕⵥⵎⵏⵜ ⴼ ⵉⴳⴰⴷⴰⵣⵏ ⵉⵅⴰⵜⴰⵔⵏ ⴷ ⵜⵉⵎⵉⴹⵉⵡⵉⵏ ⵏ ⵉⴷ ⵍⵎⵏⴰⵢⵏ ⵏ ⵉⵏⵙⵎⵓⵔⵏ ⴳ ⵜⵙⴳⴳⵉⵡⵉⵏ ⵢⴰⴹⵏⵉⵏ ⴳ ⵓⵎⴰⴹⴰⵍ.

ⵜⵉⵥⴹⴰⵕⵉⵏ ⴰⴷ ⵏ ⵓⵙⵎⴰⴷ ⵙⵖⴰⵡⵙⴰⵏⵜ ⵙ ⵜⵖⵜⴰⵙⵜ ⵜⴰⵙⵔⵜⴰⵏⵜ ⴷ ⵓⵙⴽⵔ ⵏ ⵜⵖⵜⴰⵙⵜ ⵜⴰⴷⵎⵙⴰⵏⵜ ⵙⴳ ⵢⵉⴳⵔ ⵓⵙⵍⵉⴳ, ⵙⵖⴰⵡⵙⴰⵏⵜ ⵓⵍⴰ ⵙ ⵓⵙⵉⵜⵉ ⵏ ⵉⵙⵡⵉⵏⴳⵉⵎⵏ ⵉⵎⵣⵡⵓⵔⴰ, ⴷ ⵓⵡⵇⵇⵔ ⵏ ⵉⵎⵏⴷⵏ ⴷ ⵜⵎⵥⵍⵉⵜ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ ⴳ ⵜⵖⵔⵎⴰ ⴷ ⵜⴷⵍⵙⴰ. ⴷ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵜⵙⵓⴳⴰⵔ ⵙⴳ ⵉⵥⵥⵍⵎⴹ ⴰⵔ ⵉⴼⴼⵓⵙ ⴷ ⵍⵇⴱⵍⵜ ⵏ ⵓⵏⴰⵎⵎⴰⵙ, ⴷ ⵜⵡⵉⵣⵉ ⴳ ⵓⵙⴽⵔ ⵏ ⵓⵎⴰⵡⴰ ⴰⴷⵙⵍⴰⵏ ⴳ ⵜⵎⴰⵣⵉⵔⵜ ⵉⴳⴰⵏ ⵢⴰⵜ ⴷ ⵉⵡⵜⵜⴰ ⵏ ⵜⵎⵉⵣⴰⵔ.

ⵉⵇⵇⴰⵏⴷ ⴰⴷ ⵏⵙⵡⵓⵔⵉ ⵏⴻⵏⵄⵕ ⴳ ⵜⵎⴰⴷⴷⴰⵙⵉⵏ ⵜⵉⴳⵜⵉⵔⴰⵏⵉⵏ ⵃⵎⴰ ⴰⴷ ⵏⵙⵉⵜⵜⵉ ⴳ ⵜⵙⴳⴰ ⵜⵉⵎⵏⵜⵍⵉⵏ ⴷ ⵉⴷⵔⵉⵣⵏ ⵏ ⵜⵎⴰⵖⵉⵏ ⴷ ⵜⴰⵙⵙⴰⵙⵉⵏ, ⵓⵔ ⵜⵍⵍⵉ ⵜⴳⵎⵉ ⵜⴰⵔ ⴰⵔⴳⴳⵉⴳ ⴰⵎⴳⵔⵓ ⴷ ⵓⴼⵔⴰ, ⵜⴰⵔ ⵉⵡⴰⵏⴽⵏ ⴷⵓⵙⵏⵉⵏ, ⵜⵙⵖⴰⵡⵙⴰ ⵜⴳⵎⵉ ⵙ ⵓⵔⴳⴳⵉⴳ ⴳ ⵓⵎⵛⴰⴱⴱⴰⴽ ⴷ ⵓⵙⵉⴷⴼ ⴷ ⵓⵙⴱⴷⴷⵉ ⵏ ⵓⵛⵃⵓ. ⵏⴼⵔⴽ ⴰⴽⴽⵯ ⵎⴰⵙ ⴳⴳⵓⵜⵏ ⵉⵏⴰⵔⵓⵣⵏ ⵏⵏⵖ ⴳ ⵓⵣⵎⵣ ⵏ ⵜⵎⵓⵟⵟⵓⵏ ⴷ ⵉⵎⴰⵙⵙⵏ ⵣⵣⵉⴳⵣⵏⵉⵏ ⵏ ⵓⵎⵢⴰⵡⴰⴹ.

ⵓⵔ ⵙⵖⴰⵡⵙⴰⵖ ⴰⴷ ⵙⴰⵡⵍⵖ ⴼ ⵓⵙⵎⵔⵙ ⵏ ⵓⵎⵓⵙⵙⵓⵜⵏ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⵉ ⵓⵙⵓⵔⵙ ⵏ ⵡⴰⵔ ⴰⵔⴳⴳⵉⴳ ⴷ ⵉⵎⴰⵖⵏ ⵉ ⵓⵚⴽⵓ ⵏ ⵉⵎⴰⵙⵙⵏ ⴷ ⵉⵏⴰⵡⵏ ⵏ ⵓⵃⵓⴽⴽⵓ ⵎⴳⴰⵍ ⵏ ⵜⵉⵔⴰⵜ ⵏ ⵜⵓⴷⵔⵜ ⴷ ⵜⵎⵢⵉⴷⵉⵔⵜ ⴷ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⵓⵎⵔⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵓⵔ ⵏⵎⵣⵔⵉ ⵎⴰⵙ ⴷⵉⵎⴰⴷⴰⵏⵏ ⵏ ⵜⵙⴳⴰ ⴰⴷ ⵙⵙⵕⵎⵉⵏⵜ ⵜⵏ ⵜⵎⴰⵖⵉⵏ ⴷ ⵡⴰⵔ ⴰⴼⵓⴽⴽⵓ ⵏ ⵉⵎⴰⵖⵏ, ⵔⴰⵏⵜ ⵥⵥⵀⵕⵜ ⵉⵛⵛⴰⵔⵏ.

ⵓⵔ ⴳⵉⵙ ⵓⵔ ⵜⵓⵔⴷⴰ ⵎⴰⵙ ⴷ ⵡⴰⵔ ⴰⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⴷ ⵜⴼⴰⵜⵉⵜ ⵏ ⵉⴽⴰⵍⵉⵡⵏ ⵏⵏⵙⵏ ⵉⵏⴰⵎⵓⵔⵏ, ⵓⵔ ⵔⴰⴷ ⵢⵉⵍⵉ ⵓⵏⵣⵡⵉ ⵏ ⵓⵙⵙⴰⵔⵓ ⴷ ⵓⵙⵏⴼⵍ ⴰⴷⵎⵙⴰⵏ ⴷ ⵓⵙⵔⵜⴰⵏ ⴷ ⵓⴷⵉⴱⵍⵓⵎⴰⵙⵉ ⴷ ⵓⴷⵍⵙⴰⵏ. ⴳ ⵜⵙⴳⴰ ⵢⴰⴹⵏⵉⵏ, ⵜⵍⵍⴰ ⵜⵙⴳⴰ ⵏⵏⵖ ⵜⴰⵏⴰⵎⵎⴰⵙⵜ ⴳ ⵉⴼⵔⵉⵇⵢⴰ, ⴰⵎⵏⵥⴰⵡ ⵉⵟⵟⴰⴼⵏ ⵜⵉⵥⴹⴰⵕⵉⵏ ⴳⴳⵓⵜⵏⵉⵏ ⵉ ⵓⵙⵎⵖⵔ ⴷ ⵜⴳⵎⵉ, ⵉⵇⵇⴰⵏⴷ ⴰⴷ ⵜⵉⵍⵉ ⴳ ⵜⵙⵔⵜⴰⵢ ⵜⵉⴳⵔⴰⵖⵍⴰⵏⵉⵏ ⵎⴰⵕⵕⴰ.

ⴷ ⴰⵎⵏⵥⴰⵡ ⵏ ⵉⵎⴰⵍ, ⵜⵙⵜⴰⵀⵍⵍⴰ ⵜⴰⵣⵔⴼⵜ ⵜⴰⴷⵎⵙⴰⵏⵜ ⴷ ⵜⵏⵣⵡⴰⵢⵜ ⴷ ⵓⵙⵓⵙⵙⵏ ⴰⵎⵣⵔⴰⵢ ⴷ ⵓⵖⵔⵎⴰⵏ ⴷ ⵓⵏⴼⴳⴰⵏ.

ⵜⵙⵖⴰⵡⵙⴰ ⵉⴼⵔⵉⵇⵢⴰ ⵉ ⵜⵎⴷⵔⴰⵡ ⴷ ⵉⵙⵙⴰⵔⵓⵜⵏ, ⴷ ⴰⵙ ⵜⵜ ⵉⵙⵙⵏ ⵓⵎⴰⴹⴰⵍ ⵓⴳⴳⴰⵔ ⵉⵙⵓⵜⴳ ⵜⵉⵥⴹⴰⵕⵉⵏ ⵏⵏⵙ ⴳ ⵓⵙⴽⵔ ⵏ ⵉⵎⴰⵍ ⵏ ⵉⵎⴰⵍ ⴷ ⵓⵙⵖⵏⵓ ⵏ ⵓⵎⴰⴹⴰⵍ.

ⵍⵍⵉⵖ ⴷⵉⴷⵏⵖ ⵉⵅⴰⵜⴰⵔⵏ ⵏ ⵜⵎⴰⴷⴷⴰⵙⵉⵏ ⵜⵉⴷⵎⵙⴰⵏⵉⵏ ⴰⵙⵙ ⴰⴷ, ⴷⴰ ⴰⵔ ⵙⴷⴷⵉⴷⵖ ⵎⴰⵙ ⵓⵔ ⵉⵍⵉⵇ ⴰⴷ ⵢⵓⵎⵎⵔ ⵓⵎⴰⴹⴰⵍ ⵙ ⵜⴳⵎⵉ ⵏ ⵜⵎⴳⵓⵔⵉ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵉⵙⵏⴼⵍⵏ ⵉⴳⵔⴰⵖⵍⴰⵏ, ⵜⴱⵇⴰ ⵉⴼⵔⵉⵇⵢⴰ ⴳ ⵓⵎⴰⵍⵓ, ⴷ ⵓⵎⵏⵥⴰⵡ ⵢⴰⴽⴽⴰⵏ ⵉ ⵓⵎⴰⴹⴰⵍ ⴽⵉⴳⴰⵏ ⵏ ⵉⵎⵜⵜⵉⵡⵏ ⵉⵎⵣⵡⵓⵔⴰ ⵙⵜⴰⵡⵀⵎⵎⴰⵏⵉⵏ ⴳ ⵜⵎⴳⵓⵔⵉ ⴷ ⵉⵙⵏⴼⵍⵏ ⵉⵜⵉⴽⵏⵓⵍⵓⵊⵉⵢⵏ.

ⵜⵍⵓⵍ ⵜⵎⴰⴷⴷⴰⵙⵜ ⵏ ⵜⵙⴱⴱⴰⴱⵜ ⵜⴰⴳⵔⴰⵖⵍⴰⵏⵜ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⵡⴰⴽⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 1994 ⴳ ⵓⴳⵔⴰⵡ ⵏ ⵍⴳⴰⵟ -ⵜⴰⵎⵢⴰⵇⵇⴰⵏⵜ ⵏ ⵜⵙⴱⴱⴰⴱⵜ ⵜ ⵜⵙⵖⵍⵜ ⵜⴰⵜⵉⴽⵏⵓⵍⵓⵊⵉⵜ, ⴷⴼⴼⵉⵔ ⵏ ⵓⵎⵙⴰⵡⴰⵍ ⴷ ⵉⵎⴷⵉⵡⴰⵍⵏ ⵉ ⵓⵙⴽⵔ ⵏ ⵥⵥⵀⵕⵜ ⵜⴰⵎⴰⴹⵍⴰⵏⵜ, ⵎⴰⵛⵛ ⵉⵙⵓⵔⵙⵏ ⴳ ⵉⴼⵔⵉⵇⵢⴰ ⴰⵔ ⵙⴰⵙⴰ ⴰⵏⴳⵔⴰⵡ ⴰⴷⵎⵙⴰⵏ ⴰⵎⴰⴹⵍⴰⵏ ⵉⵍⵍⴰⵏ ⴰⵙⵙ ⴰⴷ. ⵜⴻⵟⵟⴰⴼ ⵉⴼⵔⵉⵇⵢⴰ ⴰⵙⵙ ⴰⴷ ⴰⵕⵟⵟⴰⵍ ⴼ ⵓⵎⴰⴹⴰⵍ ⵉⵇⵇⴰⵏ ⴷ ⵓⴼⵔⴰ ⵏⵏⵙ. ⵙ ⵓⵙⴷⴷⵉⴷ, ⵜⴳⴰ ⵜⵙⴳⴰ ⵏ ⵍⵅⴰⵍⵉⵊ ⴰⵄⵕⴰⴱ ⴷ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⵉⵇⵇⴰⵏ ⴷ ⴰⴷ ⵙⵎⴰⴷⵏ ⴷ ⵉⴼⵔⵉⵇⵢⴰ.

ⵜⴰⵏⵎⵎⵉⵔⵜ ⵏⵏⵓⵏ