ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⴳ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵉⵏ ⵜⵉⵎⵣⵡⵓⵔⴰ ⴳ ⵉⵙⵍⴰⵏⴷⴰ ⴳ 7 ⴰⵔ 10 ⵏⵓⵡⴰⵏⴱⵉⵔ 2022
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵉⵏ ⵜⵉⵎⵣⵡⵓⵔⴰ ⴳ 7 ⴰⵔ 10 ⵏⵓⵡⴰⵏⴱⵉⵔ 2022 ⴳ ⴱⵔⵉⴽⵢⴰⴼⵉⴽ ⵉⵙⵍⴰⵏⴷⴰ.
ⴷⵔⵓⵏ ⴳ ⵓⵏⵎⵓⵇⵇⴰⵔ ⴰⴷ ⴽⵉⴳⴰⵏ ⵏ ⵉⵡⵔⵉⴽⵏ ⵙⴳ 150 ⵏ ⵓⵡⴰⵏⴽ, ⴷⵉⵙⵏ ⵉⴱⵕⵍⴰⵎⴰⵏⵉⵢⵏ ⴷ ⵉⴽⴰⴷⵉⵎⵉⵢⵏ ⴷ ⵉⴷ ⴱⴰⴱ ⵏ ⵜⵙⵔⵜⵉⵜ ⴷ ⵉⵖⵔⵎⴰⵏⵏ, ⵉ ⵓⵎⴹⴰⴽⴰⵕ ⵏ ⵢⵉⵙⴽⵉⵍ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵏ ⵜⵎⵖⴰⵔⵜ ⴷ ⵓⵣⵓⵣⵣⵔ ⵏ ⵓⴼⵔⴰ ⴷ ⵓⵙⵎⵖⵔ ⵏ ⵡⴰⵎⵓⵏ ⵙ ⵓⵙⴽⵔ ⵏ ⵓⵏⵢⴰⵍⴽⴰⵎ ⵊⴰⵔ ⵜⵉⵎⵣⵡⵓⵔⴰ ⵜⵉⵙⵔⵜⴰⵏⵉⵏ ⴷ ⵡⴰⵎⵓⵏ.
ⵜⵙⴷⴷⵉⴷ ⵎⴰⵙⵙⴰ ⵙⵙⴰⵇⵉ ⴳ ⵜⴳⵓⵔⵉ ⵏⵏⵙ ⴼ ⵡⴰⵜⵉⴳ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵓⵙⵏⵓⵃⵓⴰ ⴳ ⵓⴱⵔⵉⴷ ⴰⵣⵔⴼⴰⵏ ⴳ ⵍⵎⵖⵔⵉⴱ, ⵜⵙⴰⵡⵍ ⴼ ⵓⴷⵓⵙⵜⵓⵔ ⵏ 2011 ⵍⵍⵉ ⵉⴳⴰⵏ ⵜⴰⵔⵙⵍⵜ ⵏ ⵓⵙⵏⴰⵍ ⵏ ⵓⴱⵔⵉⴷ ⴰⴷ ⵍⵍⵉⵖ ⵉⵙⴰⵡⵍ ⴼ ⵢⵉⵙⴽⵉⵍ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ ⵉⵙⵎⵖⵔ ⵉⵣⵔⴼⴰⵏ ⵏ ⵜⵎⵖⴰⵔⵜ ⵉⵙⵏⴰⵍ ⵓⵍⴰ ⵉⵙⴽⵉⵍ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ ⴳ ⵜⴳⵍⴷⵉⵜ. ⵜⵙⴰⵡⵍ ⵓⵍⴰ ⴼ ⵜⵉⵍⴰⵍ ⵏ ⵜⵎⵖⴰⵔⵉⵏ ⵜⵉⵙⵔⵜⴰⵏⵉⵏ ⴳ ⵜⴳⵎⵉ ⴷ ⵜⵉⵍⴰⵍⵜ ⵜⴰⵎⵣⵡⵇⵔⵓⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⴰⴷ ⴳ ⵉⴼⵔⵉⵇⵢⴰ.
ⵜⵙⴰⵡⵍ ⵓⵍⴰ ⴼ ⵓⵙⴰⵜⵉ ⵏ ⵓⵣⵔⴼ ⴷ ⵓⵣⵣⵔⴰⴼ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⵜⴰⵙⵉⵍⴰ ⵏ ⵓⵙⴷⵓⵙ ⵏ ⵢⵓⵙⴽⵉⵍ ⴷ ⵓⵙⴱⴷⴷⵉ ⵏ ⵓⵙⵏⵓⵃⵢⵓⴰ ⵙ ⵉⵎⵓⴽⵏⵏ ⵜⵜⵓⵙⴽⴰⵔⵉⵏ ⵉ ⵚⴰⵃⴰ ⵏ ⵜⵎⵖⴰⵔⵉⵏ, ⵜⵉⵏⵉ ⵎⴰⵙ ⴷ ⵜⴰⵡⵡⵓⵔⵉ ⵉ ⵓⵙⴽⵔ ⵏ ⵢⵉⵙⴽⵉⵍ ⵜⴳⴰ ⵜⴰⵡⵡⵓⵔⵉ ⵉⵙⵖⴰⵡⵙⴰⵏ ⵉ ⵜⵓⴳⴳⴰⵙ ⵏ ⴽⵓⵢⴰⵏ.
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ ⵓⵍⴰ ⴳ ⵓⵙⵏⵓⴱⴳ ⵍⵍⵉ ⵉⵙⵏⵎⴰⵍⴰ ⵎⴰⵙⵙ Guðni Th. Jóhannesson ⴰⵏⵙⵙⵉⵅⴼ ⵏ ⵉⵙⵍⴰⵏⴷⴰ ⴳ ⵓⵙⵖⵉⵎ ⵏ ⵜⵏⵙⵙⵙⵉⵅⴼⵜ ⴳ ⴱⵔⵉⴽⵢⴰⴼⵉⴽ. ⵉⵙⴰⵡⵍ ⴳ ⵜⴳⵓⵔⵉ ⵏⵏⵙ ⴼ ⵜⵉⵍⴰⵍⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⵎⵏⴷ ⵏ ⵓⵙⵕⵚⵓ ⵏ ⵜⴷⵍⵙⴰ ⵏ ⵢⵉⵙⴽⵉⵍ ⵍⵍⵉ ⴷ ⵉⵇⵇⴰⵏⴰ ⴷ ⵉⴳ ⵜⵉⴷⵜ ⴷ ⵜⵉⵍⴰⵡⵜ ⵓⵔ ⴷ ⵖⴰⵙ ⴰⵙⵡⵉⵏⴳⵎ.