ⵉⴷⵔⵓ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴳ ⵓⴳⵔⴰⵡ 61 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ ⴳ ⴰⵏⵇⴰⵕⴰ

ⵉⵍⵍⴰ ⴳ ⴰⵏⵇⴰⵔⴰ, ⴰⴽⵡⴰⵙ 4 ⵎⴰⵢ 2023, ⵓⴳⵔⴰⵡ 61 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ, ⵉⴷⵔⵓ ⴳⵉⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ.

ⴳ ⵓⵏⵎⵓⵇⵇⴰⵔ ⴰⴷ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ, ⵓⵙⵙⴰⵏ ⵏ 4  ⴷ 5 ⵎⴰⵢ 2023, ⵏ ⵉⵎⵏⴰⴷⵏ ⴷ ⵜⵏⴰⵥⵕⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⵎⴰⵏⵉⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ, ⵍⵍⵉ ⵔⴰⴷ ⵉⵙⴼⵓⴳⵍⵓ ⴰⴽⵯⵜⵜⴰⵢ ⵏⵏⵙ ⵡⵉⵙ 30, ⴷ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⵏⴰⵎⵓⵔⵉⵏ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵔⴳⵉⴳ ⴷ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⴷ ⵉⵎⵔⵙⵉⵡⵏ ⵢⴰⴹⵏⵉⵏ.  

ⵔⴰⴷ ⵉⵙⴽⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉⵎⴹⴰⴽⴰⵕⵏ ⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⴷⵔⵓⵏⵉⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵏⴰⵡ ⴰⵏⵎⵏⴰⴹ ⴳ ⵜⵏⴼⵔⵓⵜ ⴷ ⵓⵔⴳⴳⵉⴳ  ⴷ ⵓⵎⵣⴰⵖ ⵉⵣⵣⵉⴳⵣⵏ ⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⴼⵓⴽⴽⵓ ⵏ ⵉⵎⴰⵖⵏ ⵙ ⵓⴼⵔⴰ. 

ⴳ ⵓⴳⵔⴰⵡ ⴰⴷ ⵡⵉⵙ 61, ⵔⴰⴷ ⴷⵔⵓⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵚⴹⵉⵚ ⵉⵡⴰⵏⴽⵏ ⵍⵍⴰⵏⵉⵏ ⴼ ⵢⵉⵍ ⴰⵙⴳⴳⴰⵏ:ⵜⵓⵕⴽⵢⴰ, ⴱⴰⵍⵖⴰⵕⵢⴰ, ⵕⵓⵎⴰⵏⵢⴰ, ⵓⴽⵕⴰⵏⵢⴰ, ⵊⵓⵕⵊⴰⵢⴰ, ⵔⵓⵙⵢⴰ. ⵖⵎⴽ ⴰⵏⵏ ⴷ ⴰⵍⴱⴰⵏⵢⴰ ⴷ ⴰⵔⵎⵉⵏⵢⴰ ⴰⴷⵔⵉⴱⵉⵊⴰⵏ ⴷ ⵍⵢⵓⵏⴰⵏ ⴷ ⵎⵓⵍⴷⴰⴼⵢⴰ ⴷ ⵚⵉⵕⴱⵢⴰ. 

ⵜⵍⵍⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ ⴳ 1993 ⴳ ⵉⵚⵟⴰⵎⴱⵓⵍ, ⵜⴳ ⴰⵎⵏⴰⴷ ⴰⴱⵕⵍⴰⵎⴰⵏⵉ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴷⵎⵙⴰⵏ ⵏ ⵢⵉⵍ ⴰⵙⴳⴳⴰⵏ, ⵜⵡⴰⵜⵜⵙ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵙⵔⵜⴰⵏ ⴷ ⵓⴷⵍⵙⴰⵏ ⵊⴰⵔ ⵉⵡⴰⵏⴽⵏ ⵏ ⵜⵙⴳⴰ ⵏ ⵢⵉⵍ ⴰⵙⴳⴳⴰⵏ.