ⴰⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 60 ⵏ ⵓⴱⵕⵍⴰⵎⴰⵏ
ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵔⴰⴷ ⵉⵙⴼⵓⴳⵍⵓ ⵓⴱⵕⵍⴰⵎⴰⵏ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ: ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵢⴰⵏ ⵓⵙⴼⵙⵔ ⵏ ⵜⵓⵍⴰⴼⵉⵏ ⴷ ⵜⴻⵜⴳⴰⵔⵉⵏ, ⴷ ⵜⵉⵏⴰⵡⵜ ⵜⴰⵏⴰⵎⵓⵔⵜ, ⴰⴽⵕⴰⵙ 17 ⵉⵏⵏⴰⵢⵔ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴳ ⵕⵕⴱⴰⵟ.
ⵔⴰⴷ ⵢⵉⵍⵉ ⵓⵙⴼⵙⵔ ⵙ ⵜⵡⵉⵣⵉ ⵏ ⵜⵎⵔⵙⵍⵜ ⵏ ⴰⵕⵉⴼ ⵏ ⵍⵎⵖⵔⵉⴱ, ⴼ ⵉⵙⵓⵔⵙⵏ ⵉⴷⵙⵍⴰⵏⵏ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙⴳ ⵜⵉⵍⵉⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⴰⵎⵛⵡⴰⵕ ⴳ 1956 ⵙ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ, ⴷ ⵓⵙⵖⵣⵏ ⵏ ⵜⵎⵏⴹⴰⵡⵜ ⵜⴰⵎⵣⵡⴰⵔⵓⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵙⴽⵔ ⵏ ⵉⵙⵜⴰⵢⵏ ⵍⵍⵉ ⴼⴽⴰⵏⵉⵏ ⴰⴱⵕⵍⴰⵎⴰⵏ ⴰⵎⵣⵡⴰⵔⵓ ⵉⵙⵎⵓⵏⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ 1963 ⴳ ⵓⵣⵎⵣ ⵏ ⴱⴰⴱ ⵏ ⵡⴰⴷⴷⵓⴰⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⵙ ⵉⵎⵓⴽⵏⵏ ⴷⵔⴰⵏⵉⵏ ⴷ ⵜⴳⵎⵉ ⵜⴰⵎⴰⵜⴰⵢⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵔⴰⴷ ⵜⵉⵍⵉ ⵜⵉⵏⴰⵡⵜ ⵜⴰⵏⴰⵎⵓⵔⵜ ⴼ: ⵜⴰⵣⵣⵉⴳⵣⵜ ⵜⴰⴷⵙⵜⴰⵔⵜ ⵏ ⵜⵓⵚⴽⴰ ⴷ ⵜⵙⵎⵉⴳⴰⵍ ⵏ ⵓⴱⵕⵍⴰⵎⴰⵏ, ⴷ ⵜⵔⵙⴰⵍ ⴷ ⵉⵎⵏⴰⴷⵏ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ. ⵜⵉⵖⵉⵎⵉⵜ ⵜⴰⵎⵣⵡⴰⵔⵓⵜ ⵔⴰⴷ ⵜⵉⵍⵉ ⴼ ⵜⵙⵉⵏⵔⴰⵏⵜ ⵜⴰⴱⵕⵍⴰⵎⴰⵏⵉⵜ ⴳ ⵍⵎⵖⵔⵉⴱ, ⵜⴰⵣⴷⴰⵢⵜ ⵊⴰⵔ ⵜⵏⴱⴰⴹⵜ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ, ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ. ⵜⵉⵖⵉⵎⵉⵜ ⵜⵉⵙ ⵙⵏⴰⵜ ⵔⴰⴷ ⵜⵉⵍⵉ ⴼ ⵜⵣⴷⴰⵢⵜ ⵊⴰⵔ ⵓⴱⵕⵍⴰⵎⴰⵏ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ , ⴷ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ, ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.
ⵔⴰⴷ ⵢⵉⵍⵉ ⵓⵍⴰ ⵓⵙⵎⵖⵔ ⵏ ⵙⵏⴰⵜ ⵜⴱⴰⵕⵍⴰⵎⴰⵏⵉⵢⵉⵏ ⵜⵉⵎⵣⵡⵓⵔⴰ ⵎⴰⵙⵙ ⴱⴰⴷⵉⵄⴰ ⵚⵚⵇⵇⵍⵍⵉ ⴷ ⵎⴰⵙⵙⴰ ⵍⴰⵟⵉⴼⴰ ⴱⵏⵏⴰⵏⵉ ⵙⵙⵎⵉⵔⵙ, ⵍⵍⵉ ⴳⴰⵏⵉⵏ ⵜⵉⵎⵖⴰⵔⵉⵏ ⵜⵉⵎⵣⵡⵓⵔⴰ ⵜⵜⴰⵡⵙⵜⴰⵢⵏⵉⵏ ⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⵏ 90 ⴳ ⵜⴰⵙⵓⵔ ⵉⵣⵔⵉⵏ.
